Goðasteinn - 01.09.2009, Qupperneq 121

Goðasteinn 2009
próf aðeins 19 ára gamall. Hann settist í lagadeild Háskóla íslands en hætti
eftir fyrrihlutapróf 1944.
Með námi sínu á stríðsárunum stundaði Eggert leigubílaakstur á BSR
og eftir að hann hætti laganáminu hóf hann störf hjá Tollstjóraembættinu og
vann þar um 10 ára skeið. Árið 1953 tók hann svo við starfi forstjóra BSR og
gegndi því af miklum myndarskap og festu. Hann lét af störfum sakir
heilsubrests árið 2000, eftir 47 ára farsælt uppbyggingastarf og má m.a. geta
þess að á þessum árum byggði hann í tvígang höfuðstöðvar fyrirtækisins.
Eggert var lipur og liðtækur íþróttamaður þótt hann væri ekki hár í
loftinu. Hann lék m.a. knattspyrnu með Víkingi og síðar með félögum sínum
hjá BSR. Hann hafði djúpstæðar skoðanir á frelsi mannsins til athafna og taldi
þar af leiðandi Sjálfstæðisflokkinn sinn rétta pólitíska vettvang. Hann sat í
stjórn Heimdallar, félags ungra sjálfstæðismanna í Reykjavík, frá 1946-1951,
ásamt því að taka virkan þátt í starfi flokksins alla tíð síðan.
Eggert kvæntist 26. ágúst 1958 Kristbjörgu Guðmundsdóttur Thor-
arensen frá Firði í Mjóafirði. Hún var fædd 5. nóvember 1920 og dóttir
hjónanna Guðmundar Stefánssonar bónda, kennara og símstöðvarstjóra á
Vopnafirði og Katrínar Sveinsdóttur hiisfreyju frá Asknesi í Mjóafirði.
Kristbjörg lést 16. nóvember s.l.
Kristbjörg vann hjá Símanum á vöktum og það var einmitt að afloknum
kvöldvöktum sem fyrstu fundum þeirra Eggerts bar saman. Því háttaði þannig
til að Kristbjörg taldi sínum hag best borgið með því að taka leigubíl frá BSR
heim. Þar sat þá Eggert gjarnan á kvöld- og næturvöktum og hafði að jafnaði
milligöngu um bílferð fyrir hana. Með þeim tókust síðar nánari kynni eða 1954
sem áttu eftir að leiða þau upp að altarinu. Þau bjuggu sér fallegt heimili að
Bergstaðastræti 50 þar sem þau bjuggu næstu árin.
Kristbjörg og Eggert eignuðust einn son sem fékk nafnið Guðmundur
Börkur. Hann fæddist 10 árum eftir þeirra fyrstu fundi eða 10. des. 1964. Þessi
drengur var líf þeirra og yndi. Hann á nú þrjá syni, þá Þröst, Eggert og
Kristófer Börk.
Sr. Önundur S. Björnsson, Breiðabólstað í Fljótshlíð
119