Víðförli - 01.09.1947, Page 14

Sigurbjörn Einctrsson:
Þjóðkirkja Islands, játningar
og vígsluheit
i.
í vígslunni lofar prestur íslenzku þjóðkirkjunnar „að prédika
Guðs orð hreint og ómengað, eins og það er að finna í hinum
spámannlegu og postullegu ritum, og í anda vorrar evangelisku
lútersku kirkju“.
Mörgu fleiru er heitið í heilagri vígslu. En það eru þessi orð,
sem hér skulu lítillega athuguð.
I þessurn orðum handbókarinnar er fyrst og fremst skýrt
tekið fram, að þjóðkirkja íslands er evangelisk-lúthersk. Svo
kveður og stjórnarskráin á og önnur sú löggjöf, er taka þarf af
tvímæli um, hvaða kirkjudeild íslenzka ríkið styður sem þjóð-
kirkju.
Hvað felur þá hugtakið „evangelisk-lúthersk kirkja“ í sér?
Þegar sú spurning er rædd, verða menn fyrst og fremst að
gera sér ljóst, að þetta er almennt, alþjóðlegt heiti ákveðinnar
kirkjudeildar. Þetta nafn hlýtur að þýða hið sama á lslandi og
í öðrum löndum. Að öðrum kosti væri ekki heimilt að nota
það, hvorki í handbók né lögum. Þegar Islendingur gerir lit-
lendingi grein fyrir, hvaða kirkj.a sé þjóðkirkja á Islandi, segir
hann blátt áfram: Evangelisk-lúthersk. Aheyrandinn veit þá
það, að hér er ekki grísk-kaþólsk eða rómversk-kaþólsk eða
anglikönsk kirkja eða enn önnur.
Vilji áheyrandinn fræðast nánar, getur hann slegið upp í al-
fræðibókum eða sérfræðiritum. Og hvað finnur hann þar?