Ársrit Skógræktarfélags Íslands - 15.12.1975, Qupperneq 19

Syðsti hluti Hjallabrautar
Ljósm.: Stefán Nikulásson
1975
við Strípshraun. Árið 1957 var hann fram-
lengdur fram hjá Strípshrauni og suður hæð-
irnar austan við Hjalla, og var framlengingin
3.4 km. Var þessum vegi, alla leið frá Hlíð-
arvegi, nú gefið nafn og hann kallaður Hjalla-
braut. Frá enda þessa vegar var um leið
ruddur þvervegur fram hjá klettum þeim, sem
kallaðir hafa verið Hulduklettar, og upp í
Löngubrekkur.
Þetta sama sumar var ruddur nýr vegur út
frá Heiðarvegi fyrir ofan hólinn Skyggni til
suðvesturs, allt suður undir Strípshraun, til
mikils hagræðis fyrir landnemafélög, sem hafa
helgað sér spildur á báða bóga við hinn nýja
veg. Vegur þessi er um 1 km að lengd, og hefur
hann hlotið nafnið Landnemaslóð.
Loks var um haustið, um það leyti sem
gengið var frá samningi um Vífilsstaðaland
ruddur vegur frá Flóttavegi um hraunið með-
fram Vífilsstaðahlíð, um 1.6 km langur. Við
syðri brún ltins nýja vegar var samtímis lag-
fært girðingarstæði. Vegurinn meðfram Vífils-
staðahlíð hefur hlotið nafnið Hlíðarvegur.
Alls jókst þannig á þessu ári vegakerfið á
Heiðmörk um 6 km. Jafnframt var eldri vegum
haldið við með ofaníburði, heflun og lagfær-
ingum.
Með vegagerðinni 1957 tók að hilla undir
samfelldan veg eftir endilangri Heiðmörk frá
Silungapolli suður fyrir Vífilsstaði. En vega-
gerð á því svæði, sem eftir var, yfir Vífils-
staðahlíðaröxlina og syðstu Hjallabrúnirnar,
ÁRSRIT SKÓGRÆKTARFÉLAGS ÍSLANDS 1975
hlaut að verða vandasamari en sú vegagerð,
sem framkvæmdastjóri Skógræktarfélagsins hafði
áður haft með höndum á Heiðmörk. Var nú
leitað aðstoðar ungs verkfræðinema, Jóns
Birgis Jónssonar, sem unnið hafði hjá Skóg-
ræktarfélagi Reykjavíkur undanfarin sumur,
og mældi hann fyrir þessum vegarkafla. Hófst
lagning hans haustið 1958, og var vegarlagn-
ingunni að verulegu leyti lokið sumarið 1960.
Var þetta 7 km langur vegur.
Áður en hinn nýi vegur yrði opnaður fyrir
almenna umferð var nauðsynlegt að bera í
hann mikinn ofaníburð. Var unnið að því
næstu tvö sumur. Einnig Jrurfti að gera lagfær-
ingar á Hlíðarvegi, sprengja nokkur hraunhöft
og lagfæra beygjur. Síðari hluta sumars 1962 var
vegurinn opnaður til umferðar. Sumarið eftir,
1963, var lokið við að gera vandað pípuhlið á
Heiðmerkurgirðinguna við vegamótin hjá
Flóttavegi.
Sumarið 1964 var lagfærður vegur beggja
megin við pípuhlið á nýrri girðingu um Rauð-
hóla.
Næstu ár voru vegaframkvæmdir á Heiðmörk
í því fólgnar, að borið var ofan í vegina,
hlaðið upp að þeim, sáð grasfræi í vegabrún-
ir, gerð útskot á vegi og smá-bílastæði hér
og þar.
En vegirnir á Heiðmörk Jtola ekki vetrar-
umferð, þegar frost og þíðviðri skiptast á, nema
Jrar sem Jteir eru á hrauni. Þess vegna hefur
orðið að loka Heiðmörk fyrir bílaumferð frá
17