Ársrit Skógræktarfélags Íslands - 15.12.1975, Side 78

Agrœðsla. Eins og getið hefur verið í síð-
ustu ársskýrslum, hefur aukin áhersla verið
lögð á að leita uppi úrvalsbirkitré og fjölga
þeim fyrst með ágræðslu og síðar með stikl-
ingum. I apríl fór ég ásamt Hákoni Bjarna-
syni, skógræktarstjóra, í Bæjarstaða- og Hall-
ormstaðaskóg. Bæjarstaðaskógur, sem lengi þótti
fegurstur íslenskra birkiskóga, er nú á fallanda
fæti sökum elli, og eru því síðustu forvöð að
velja þar úr bestu trén. Kom það sér vel að
Hákon þekkti skóginn frá blómaskeiði hans og
sum þeirra trjáa, sem fegurst höfðu verið.
Völdum við þar 6 tré og tókum af þeim kvisti.
Svo sem kunnugt er, er erfitt að ágræða kvisti
af gömlum trjám og varð árangurinn heldur
lakur. Heppnuðust aðeins 24 af 45 ágræðslum.
Tvö birkitré völdum við á Hallormsstað til
viðbótar þeim, sem áður höfðu verið valin.
Þessi tré voru ekki gömul og heppnuðust 19
af 20 ágræðslum. Ennfremur völdum við 3
úrvals lerkitré til ágræðslu, sem tókust allvel.
Einnig tókum við ágræðslukvisti af reynivið
við Bæjargilið á Skaftafelli, en hann var á sín-
um tíma talinn einn mesti reyniviður á land-
inu.
Þessi leit að úrvalstrjám af ýmsum tegundum
mun verða bæði skógrækt og trjárækt í landinu
til mikils gagns, er fram líða stundir. Því væri
ágætt, ef þeir sem telja sig þekkja tré af hinum
ýmsu tegundum, sem bera af öðrum einstakl-
ingum, létu okkur vita, hvar þau er að finna.
Má hér til dæmis nefna tegund eins og reyni-
við, sem til er víða um land af mismunandi
stofnum. Væri mikill fengur að fá upplýsingar
um falleg tré, sem virðast laus við þá kvilla, sem
oft fylgja þessari tegund.
Frœrannsóknir og frœsöfnun. Á árinu voru
rannsökuð 84 fræsýni. Fræsiifnun fór eingöngu
fram á Fljótsdalshéraði. Þar var safnað 9.5 kg
af birki, sem reyndist mun lakara en árið áður.
Þá var safnað 2.1 kg af lindifurufræi, sem
virðist allvel jrroskað og 0,6 kg af broddfuru-
fræi, sem spírar 93%. Birgðir af Itirkifræi
eru nú 150 kg, og er mestur hluti þess ágætt
fræ.
III. TILRAUNIR ÚTI Á LANDI
Kvcematilraunir. Tvær nýjar kvæmatilraunir
voru gerðar á árinu. Onnur í Jórvík í Breið-
76
dal, sem í eru 7 kvæmi af sitkagreni og 1
kvæmi af svartgreni, hvítgreni og rauðgreni.
Hin á Gilá í Vatnsdal með 6 kvæmum af sitka-
greni. Mældar voru kvæmatilraunirnar í Sel-
skógi í Skorradal og Ásólfsstaðaskógi. Er vöxtur
í [teim báðum ágætur. Tilraun sem gerð var
í graslendi á Ásólfsstöðum í fyrra misheppn-
aðist, en tilraunin sem gerð var sama ár í
Bakkakoti í Skorradal tókst mjög sæmilega.
Gróðursetningarlilraunir. I Heiðmörk var
gerð tilraun með sex mismunandi aðferðum
á mólendi, og eru tvær tegundir í tilrauninni,
stafafura og sitkagreni. Onnur tilraun með mis-
munandi gróðursetningaraðferðir var gerð
á framræstri mýri á Ormsstöðum í Hall-
ormsstaðaskógi, en þar er mikill grasvöxtur.
Mældar voru tilraunir frá fyrra ári í Geitagerði
í Fljótsdal og í Heiðmörk. I Geitagerði, þar sem
lerki var gróðursett í mel, kemur í ljós að þeg-
ar alldiða áburður er notaður, þá kemur þeg-
ar á fyrsta ári svo mikið gras, að plönturnar
lyftast ekki af holklaka. I Heiðmörk kemur í
ljós, að afföll geta orðið mjög mikil ef til-
búnum áburði er blandað beint í gróðursetn-
ingarholuna.
Vaxtarmalingar. I sambandi við skóg-
græðslukönnunina voru á Hallormsstað mældar
allar gróðursetningar frá 1960 og eldri. Voru
það tveir sænskir stúdentar, sem verkið unnu,
og með ágætum. Á næsta ári verður væntan-
lega hægt að taka fyrir gróðursetningar frá
sama tíma á Norðurlandi (Eyjafirði er þó að
mestu lokið) og Suðurlandi. Verður þá hægt að
bera saman árangurinn í hinum ýmsu lands-
hlutum.
IV. FERÐALÖG
Þórarinn Benedikz fékk styrk til Norður-
landafarar frá sjóði Norsku þjóðargjafarinnar.
Sótti hann tvær ráðstefnur um kvæmarann-
sóknir í Noregi og heimsótti trjágarðana (ar-
boretin) í Milde við Bergen, Gautaborg og
Hörsholm í Kaupmannahöfn. Undirritaður
fékk styrk úr sama sjóði til ferðar um Lofoten,
Vesterálen og Suður-Troms í Noregi. Væntan-
lega mun ég skrifa um ferðina í samvinnu við
Sigurð Blöndal, sem ferðaðist um Troms og
Finnmörku árið 1972.
ÁRSRIT SKÓGRÆKTARFÉI.AGS ÍSLANDS 1975