Skógræktarritið - 15.10.2005, Síða 26

Þaðer meS ólíkindum hve Salka dafnar vel á sandfláka sem áöur var gróöurlaus með öllu.
Algengasti hæðarvöxtur 7 ára gamalla aspa á þessu svæði ísumar var 60-90 cm og nokkrar
plöntur hækkuðu um rúman metra. Ég sé ekki svipaðan árangur í neinni annarri skógrækt.
Formúlan fyrir þessari ræktun er afar einföld eins og lýst er hér á opnunni.
pi%

Sælleg lítil ösp teygir sig upp úr lúpínubreiðu á öðru ári eftir gróðursetningu. Vöxtur þessa
verðandi trés mun fyrst og fremst fara eftir þeim raka sem tiltækur er. ASrar vaxtarforsendur
eru fyrir hendi.
Nú skal leggja grunn að snotrum
útivistarskógi sem verður vaxinn
upp eftir 15 ár.
Þegar ösp er gróðursett ofan í
Iúpínubreiðu þarf ekki að undir-
búa landið á neinn hátt. Lúpínan
hefur búið í haginn fyrir nýjan
trjágróður með vexti sínum
undanfarin ár og við stingum
bakkaplöntunum umsvifalaust
niður í hina mögru jörð að upp-
fylltum mikilvægu smáatriðunum
þremur sem brátt verða nefnd.
Oft vex lúpínan í toppum eða
skúfum en smáeyður eru á milli.
Við stönsum við eyðurnar, en
séu þær þröngar stígum við
lúpínuna niður til að tryggja
plöntunum vaxtarrými þetta
sumarið. Næsta ár þurfum við
ekki að óttast um litla ösp, hún
verður farin að teygja úr sér og
mun bjarga sér þótt lúpínan
þrengi að.
Við stingum bakkaplöntunum
niður í eyðurnar og sáldrum strax
talsverðu blákorni í kringum þær.
Rótarkökkur þeirra hverfur niður í
örsnauða hraunmöl eða sand.
Þegar við snúum baki við plönt-
unum týnast þær jafnskjótt í
breiðunni og koma ekki aftur í
ljós fyrr en seinni part næsta
sumars eða á öðru sumri.
Þá fara litlar aspir að vaxa
upp úr lúpínunni, blaðstórar og
sællegar, og eiga fyllilega heima
á þessum fráleita stað, sem var
gróðurlaus til skamms tíma. Þær
teygja rætur sfnar vítt út um urð
og sanda og nýta næringarefni úr
fúnandi lúpínuleifum. Hin sjálf-
bæra þróun svæðisins er tilbúin
að framfleyta trjágróðri.
Við munum að sjálfsögðu
eftir því að svæðið er hugsað
sem útivistarskógur (eða að
minnsta kosti svæði sem gefur
kost á mannaferð), ekki þykkni
sem menn þurfa að virða fyrir sér
álengdar og gróðursetjum öspina
því strjált, höfum tvo og hálfan til
24
SKÓGRÆKTARRITIÐ 2005