Helgarpósturinn - 27.02.1986, Blaðsíða 39

FRÉTTAPÓSTUR
Skyr selt til Danmerkur
Hafinn er útflutningur á hraðfrystu skyri til Danmerkur.
Tilraunasending er þegar farin úr landi og mun framhaldið
ráðast af því hverjar viðtökurnar verða. Danir borga fullt
verð fyrir skyrið og fær Mjólkursamlag Borgfirðinga, sem
að þessari tilraunastarfsemi stendur, því engar útflutnings-
bætur fyrir vöruna. Þar af leiðir, að skyrsalan er mjög svo
af hinu góða.
Hlutafjáraukning í Arnarflugi
Hluthafar í Arnarflugi hafa ákveðið að auka hlutafé allt að
þrefalt, þannig að hlutafé félagsins yrði samanlagt allt að
145 milljónum króna. Núverandi hluthafar hafa samþykkt
að falla frá forkaupsrétti sínum á hinum nýju hlutabréfum,
en stærsti einstaki hluthafinn er nú Flugleiðir með um 40%
hlutafjárins. Fyrirsjáanlegt er því að eignarhluti Flugleiða
í Arnarflugi muni minnka verulega eftir að hlutafjáraukn-
ingin hefur átt sér stað, en henni á að vera lokið þann 14.
mars næstkomandi.
Mikifl atvinnuleysi í Vík í Mýrdal
Næststærsti vinnuveitandi í Vik í Mýrdal, Prjónastofan
Katla, hætti allri starfsemi í síðastliðinni viku eftir 15 ára
rekstur. Prjónastofan er gjaldþrota og skuldar um 23 millj-
ónir króna, en það eru 6 milljónir umfram eignir fyrir-
tækisins. Yfir 30 manns misstu við þetta atvinnuna í Vik og
lætur þá nærri að sjöundi hver maður á staðnum sé á at-
vinnuleysisskrá. Prjónastofan Katla var að mestu í eigu
kaupfélagsins, hreppsins og sýslunnar, sem veldur því að
skuldin lendir að langmestu leyti á heimamönnum sjálfum.
Sveitarstjórinn, Hafsteinn Jóhannsson, sagði hlutfall at-
vinnulausra í Vík vera svipað og ef allir Kópavogsbúar væru
atvinnulausir, ef miðað væri við allt Stór-Reykjavíkursvæð-
ið. Sagði Hafsteinn sveitarsjóð hafa ábyrgst lán til fyrir-
tækisins upp á fimm milljónir króna.
Þingmennirnir Árni Johnsen og Garðar Sigurðsson hafa
látið hafa það eftir sér að nauðsynlegt sé að koma byggðar-
laginu til aðstoðar á einhvern hátt, en ágreiningur mun vera
um það með hvaða móti sé best að standa að því máli.
Vaxtalækkanir í undirbúningi
Ef kjarasamningar takast á þeim nótum, sem um er rætt,
og verðbólga fer því ekki yfir 7% á árinu 1986, munu banka-
vextir lækka verulega. Seðlabankinn mun að öllum líkind-
um leggja línurnar hvað varðar vexti útlána, en gefa við-
skiptabönkunum frjálsar hendur varðandi innlánsvexti.
Samkvæmt hugmyndum Seðlabankans munu vextir af af-
urðalánum lækka úr 28.5% í 19.5%, en vextir almennra
skuldabréfa lækka úr 32% í 20%. Talið er að vextir af al-
mennum sparisjóðsbókum verði í kringum 12% eftir breyt-
inguna, en vextir hinna ýmsu sérkjarareikninga um 15%.
Takist samningar samkvæmt niðurfærsluleiðinni, er reikn-
að með að lánskjaravísitalan standi í stað þann 1. apríl, eða
jafnvel lækki.
Samningaviðræflur ASÍ og VSÍ
Látlaus fundahöld hafa verið hjá samninganef ndarmönn-
um ASÍ og VSÍ undanfarna sólarhringa og þegar Fréttapóst-
ur fór í prentun var ljóst að ekki væri langt í að til tíðinda
færi að draga í samningamálum. Eftir því sem næst verður
komist, er möguleiki á því að kauphækkanir á árinu verði
fjórar, samtals eða yfir 13%. Einnig er til umræðu að greiða
fólki í lægstu launaflokkunum fasta upphæð tvisvar eða
þrisvar á árinu, allt að 3000 krónur í hvert skipti.
Lýsissmygl
Landamæraverðir í Vestur-Þýskalandi lögðu um daginn
hald á flösku með grunsamlegum vökva, sem íslendingur
nokkur ætlaði að „smygla" inn í landið. Vopnaðir verðir
gættu mannsins í þrjár klukkustundir á meðan gengið var
úr skugga um að ekki væri um ópiumolíu að ræða, heldur
lýsi.
*
Reykjavíkurskákmótið
Júgóslavinn Nikolic sigraði í Reykjavíkurskákmótinu,
sem lauk síðastliðinn sunnudag, og vann þar með rúmlega
hálfa milljón króna. Fékk Nikolic 8 vinninga, en sjö skák-
menn fylgdu fast á hæla honum með 7V& vinning og var því
baráttan bæði hörð og jöfn.
Fréttapunktar:
• Steinsteypubrestir í hjónaböndum, eða aukin tiðni hjóna-
skilnaða sökum fjárhagserfiðleika við húsnæðiskaup, er
umræðuefni sem að öllum líkindum verður tekið til aukinn-
ar umfjöllunar af prestastéttinni á næstunni. Prestar hafa
að undanförnu lýst í fjölmiðlum áhyggjum sínum af áhrif-
um efnahagsmála á hjónabandssælu þjóðarinnar.
• í skoðanakönnun, sem fram fór í Hafnarfirði um síðustu
helgi, kom fram ótvíræður vilji íbúanna fyrir því að fá
áfengisútsölu til bæjarins.
• Hannes Hlífar Stefánsson, sem þátt tók í Reykjavikur-
skákmótinu á dögunum, er að öllum likindum stigahæsti 13
ára piltur í allri skáksögunni. Hefur hann tæp 2.400 Elo-
stig og hefur þar með fleiri stig en bráðþroska skákmenn á
borð við Fiseher og Kasparov höfðu á þessum aldri.
• Efnt hefur verið til samkeppni um nýbyggingu Alþingis,
sem reist verður í tveimur áföngum. I þvi húsi sem fyrst
verður reist, munu verða skrifstofur, bókasafn, mötuneyti,
skjalasafn og aðstaða fyrir þingflokka.
• Ragnhildur Helgadóttir, heilbrigðisráðherra, hefur sent
hjúkrunarfræðingum í Svíþjóð bréf, þar sem hún hvetur þá
til að koma heim til starfa og segir ráðuneyti sitt tilbúið til
viðraeðna um þátttöku i hluta ferðakostnaðarins heim á
Frón.
Séra Jón Thorarensen látinn
Látinn er í Reykjavik, séra Jón Thorarensen, sem lengst
af var sóknarprestur í Nesprestakalli í höfuðborginni. Jón
fæddist á Stórholti i Saurbæ árið 1902 og var þvi á 84. ald-
ursári.
„REYFARAKAUP"
Við fengum takmarkað magn af Toshiba örbylgjuofn-
um með verulegum afslætti.
ER 5400
Mál: br. 50 x d. 33 x h. 32.
Nú getum við boðið þér 2 gerðir Toshiba örbylgjuofna
á hreint ótrúlegu verði!
Gerð ER 5300
Ofn fyrir lítil heimili og kaffistofur.
Ekki snúningsdiskur, tímasti11ing, þíðing.
Verð áður kr.'t^rTOOr^-
Tilboðsverð til þín kr. 12.900,-
Gerð ER 5400
Heimilisofn með snúningsdiski og 9 hitstill-
ingum.
Verð áður kr.T1fc2ð&^
Tilboðsverð til þín kr. 15.500,-
EF
Láttu ekki þetta tilboð renna þér úr greipum.
EINAR FARESTVEIT &, CO. HF.
BERGSTAÐASTRÆTI I0A - SlMI 16995
Greiðslukjör: útborgun 5.000,-
eftirstöðvar á 6 mánuðum.
Sérverslun með húsbúnað
Frábær hönnun
Hringið eða skrifið eftir bæklingum
HELGARPÓSTURINN 39