Helgarpósturinn - 24.07.1986, Side 3

FYRST OG FREMST
PANELUMRÆÐUR í sjón-
varpinu á þriðjudagskvöld voru að
mörgu leyti bráðskemmtilegar á
að hlýða, ekki síst það hvernig
menn voru stöðugt að ræða mál
Hafskips, Gudmundar J. og
Alberls — án þess þó að nefna
þessa aðila á nafn. Enda var það
tekið fram í upphafi þáttar að þau
mál væru ekki til umræðu, heldur
pólitískt siðferði. Þetta heitir víst
að fara einsog köttur í kringum
heitan graut og er mikil íþrótt.
Víst var það skemmtilegt þegar
Eiður Gudnason, þingmaður
krata, dæsti mæðulega undir lok
þáttarins og sagði: ,,Eg er orðinn
hundleiður á því að Bandalag jafn-
aöarmanna þykist vera öðruvísi
en við hinir. . .“ Og þá var uppá-
koman í bláendann á umræðunni
ekki síður skemmtileg; þegar
stjórnandinn, Ólafur Sigurðsson,
kvaðst hafa haft nægan tíma til að
hugsa meðan á útsendingu stóð
og komist að því — þetta sagði
hann barnslega hreinn á svipinn
— að ef menn segðu alltaf satt og
gerðu alltaf það sem þeir lofuðu
og gera, gætu þeir komist framhjá
mörgum skakkaföllum. Þá gall í
meinhorninu Páli á Höllustöðum,
þó þannig að flestir sem á hlýddu
námu ekki: „Þetta sagði nú Móses
líka. .
LISTI Kaupþings yfir söluhæstu
bækurnar í júnímánuði vekur at-
hygli. Honum er sem fyrr skipt í
þrennt; barna- og unglingabækur,
skáldsögur og loks aðrar bækur —
en það er einmitt síðastnefndi lið-
urinn sem er hvað athyglisverðast-
ur að þessu sinni. Af fimm sölu-
hæstu bókunum eru tvær trúar-
legar; Spámaðurinn eftir Kahlil
Gibran — sem er þó kannski fyrst
og fremst lífsspekikver — og
sálmabókin (!) já, sálmabókin,
svona yfir hábjargræðistímann, af
öllum öðrum bókum.
Og hver er nú skýringin á
þessu? er vert að spyrja. Tæpast
að áhugi á sálmasöng hafi aukist
svona snögglega, hvað þá að
kirkjusóknin hafi ágerst. Hitt er
vísast að samanlagðir dálkaskrifar-
ar landsins séu búnir að
þurrausa Biblíuna af himneskum
tilvitnunum til að nota í Hafskips-
i umræðunni og þurfi nú á nýjum
að halda. Og hversvegna þá ekki
hendingar Hallgríms, Valdimars
Briem og annarra andans jötna.
Mikið liggur við. . .
ÞESSA seljum við ekki dýrar en
við keyptum hana. Þannig vildi til
fyrir nokkru á Dagblaðinu Vísi að
blaðamaður rakst á grein í þýsku
blaði um knattspyrnu þar sem
mikið var skrifað um skalla og
afleiðingar þess fyrir knattspyrnu-
menn að skalla mikið. í greininni
var því haldið fram að þeir knatt-
spyrnumenn sem gerðu mikið að
því að skalla þjáðust af heila-
skemmdum og öðrum kvillum svo
sem höfuðverkjum og jafnvel að
þeir töpuðu greind fyrir vikið.
Þýska blaðið studdist við ein-
hverjar rannsóknir, sem gerðar
höfðu verið á miklum þýskum
skallamönnum. Þetta þótti blaða-
manni DV hin áhugaverðasta
grein og tók sig því til og þýddi
hana yfir á íslensku. Að því búnu
fór hann yfir í íþróttadeildina, þar
sem mönnum leist vel á efnið í
fyrstu. Stuttu síðar fékk blaðamað-
urinn hins vegar að vita að það
væri ekki hægt að birta þessa
grein á íþróttasíðunni. Þá fór hann
með greinina í erlendar fréttir en
sama sagan endurtók sig. Þýð-
andinn gafst samt ekki upp. Hann
reyndi næst við innlendar fréttir,
en þegar aftur fór á sömu leið
fóru að renna á hann tvær grímur.
Hann komst svo loks að því, að
þrátt fyrir góðar viðtökur hjá
hverri deild, hefði alltaf verið einn
eða tveir á hverri þeirra sem
höfðu komið í veg fyrir að greinin
birtist. Og ástæðurnar sem þessir
menn höfðu; jú, þeir minntust
þess að á sínum tíma var Ellert B.
Schram ritstjóri DV mesti skalla-
maður landsins. . .
FYRIR tveimur árum birtust nið-
urstöður Gallup-könnunar Hag-
uangs á gildismati íslendinga, þar
sem meðal annars kom fram
hversu átakanlega hamingjusamir
landsmenn eru, löghlýðnir og guð-
hræddir. Þar var einnig innt álits á
frammistöðu stéttarfélaganna og
kom þar fram nokkurt vantraust
almennt. í nýjasta hefti Fjármála-
tíðinda vinnur Holger Torp áfram
úr upplýsingum könnunarinnar
meðal annars úr svörunum um
stéttarfélögin og skiptir hann svar-
endum eftir því í hvaða atvinnu-
greinum þeir störfuðu. Spurningin
var „Hversu vel eða illa finnst þér
þitt stéttarfélag gæta hagsmuna
þinna á vinnumarkaðinum?" í ljós
kemur að hina óánægðustu var að
finna í landbúnaðinum. Þannig
sögðu alls 51% bænda að sitt stétt-
arfélag, Stéttarsamband bœnda
væntanlega og sjálfsagt einnig
Framleiðsluráð landbúnaðarins,
standa sig fremur eða mjög illa en
aðeins 13% fremur eða mjög vel.
Ekki beint góð einkunn sem þeir
fá, Ingi Tryggvason, Gunnar Guð-
bjartsson og Kompaní...
HELGARPÚSTURINN UMMÆLIVIKUNNAR
Fjöldauppsagnir Senn fer BSRB á kreik. „mja-á, mjá. . .“ - KOTTURINN TOMMI I VÆGÐARLAUSUM DV-YFIRHEYRSLUM
best sem ráðin kunni.
Þeir vilja fara í lögguleik DAGANA16. TIL21.JÚLÍ.
í launabaráttunni. Niðri.
t.a.m.
Þetta er hálfgerð
markasúpa,
ekki satt?
Valdimar Valdimarsson,
þjálfari 2. deildar liðs
Skallagríms í fótbolta
„Jú, jú, dálítil. Við höfum fengið á okkur ein 63 mörk, að vísu
í 11 leikjum."
Hvernig stendur á því að ykkur hefur vegnað svona
illa?
„Það er engin einhlít skýring á því, það er frekar eitt og ann-
að til samans. Þó má fyst og fremst nefna að nánast allt liðið
frá í fyrra er horfið eftir góða frammistöðu síðustu 2—3 árin."
Eru það kannski Skagamenn sem hafa lokkað þá til
sín?
„Nei, nei, það hefur enginn farið á Skagann. Menn hafa ým-
ist farið erlendis, í nám eða í vinnu annars staðar."
Nú er þetta ungt lið og nánast hið sama og spilar
ágætlega í öðrum flokki.
„Já, þetta eru svo til sömu strákarnir. Þeir eru búnir að spila
tvo leiki í öðrum flokki og unnið þá báða, hafa skorað 6 mörk
en fengið á sig 3. Það er staðreynd að við erum í markmanns-
hallæri, sá sami er í markinu í öðrum flokki og í meistaraflokki
og hann er aðeins 16 ára gamall, hefur hvorki mikla burði né
reynslu."
Segðu mér, er mórallinn ekki orðinn nokkuð slæm-
ur?
„Nei, nei, alls ekki. Menn eru ákveðnir í að standa sig, að
klára mótið og halda haus. Við gerum okkur alltaf vonir um að
vinna leik, auðvitað gerum við það. Við erum ekkert að missa
móðinn."
Hvað með Borgnesinga almennt. Einhver sárindi út í
ykkur?
„Heimafólk hér er almennt á því að standa á bak við liðið
hvað sem á gengur. Nei, það eru engin sárindi út í liðið."
Hvernig er háttað aðstöðunni til íþróttaiðkunar?
„Við erum með malarvöll hérna og það verður að segjast að
sú aðstaða sem við höfum frá hendi hreppsins er ekki góð. Það
vantar alveg búningsaðstöðu við völlinn og auðvitað væri betra
að hafa grasvöll. Núna er t.d. malarvöllurinn ein drulla eftir rign-
ingarnar."
Þú nefndir að liðið frá í fyrra væri horfið. Hvað er
hægt að gera til að halda í menn?
„Það þarf náttúrlega að skaffa mönnum vinnu hérna og það
bætir ekki úr að menn þurfi að fara hingað og þangað í nám.
Og það þarf vitaskuld að bæta aðstöðuna. Aðkomumenn vilja
auðvitað spila á grasi."
Þið hafið tapað öllum leikjunum ykkar. En hvenær
komust þið næst því að sigra?
„Það var hér, á móti Einherja. Við töpuðum leiknum 1:3, en
staðan var 1:0 fyrir okkur þegar 17 mínútur voru eftir og 1:1 þeg-
,ar 10 mínútur voru eftir. Það má síðan nefna varðandi leikinn
á sunnudag, sem tapaðist svona illa, að þótt við fengjum á okk-
ur ellefu mörk, þá hefðum við með smá heppni átt að skora
þrjú mörk. En það vantaði reynslu í sóknina og allt liðið. 17—19
ára strákar hafa hvorki reynslu sem dugar né líkamlegan styrk-
leika. Við sáum það fljótlega, að á brattann yrði að sækja í
meistaraflokki þegar flestir hinna eldri voru farnir, en við höfum
lagt áherslu á að standa okkur vel í yngri flokkunum. Enda hef-
ur fjórði flokkur ekki tapað leik og fimmti flokkur hefur staðið
sig vel líka."
Er ekki borin von að meistaraflokkurinn vinni leik í
ár? Hverjum mætið þið næst?
„Það þarf nú ekki mikið til að staðan breytist eitthvað; næstu
liðum hefur ekki gengið neitt sérlega vel, Þrótti, KS og Njarð-
vík. Næsti leikur okkar er í Njarðvík og þeim hefur ekki gengið
vel, en eftir leik okkar á sunnudag er sigur þó vart inn í mynd-
inni."
Að lokum, Valdimar, þessi frammistaða getur varla
talist sæma afkomendum Egils Skallagrímssonar, eða
hvað?
„Ég var reyndar búinn að minna strákana á að þeir væru af-
komendur hans, en það virðist ekki hafa haft tilætluð áhrif."
Annarrar deildar liði UMF Skallagríms í knattspyrnu hefur gengið af-
leitlega það sem af er þessu keppnistímabili. Eftir 11 leiki af 18 hefur
liðinu ekki tekist að hala inn eitt einasta stig, skorað aðeins 4 mörk en
fengið á sig 63, eða nær 6 að meðaltali I leik. Ætla mætti að mórallinn
væri orðinn nokkuð slæmur, en svo var ekki að heyra á þjálfaranum,
Valdimar Valdimarssyni, fyrrum leikmanni hjá Breiðabliki, sem góðfús-
lega veitti Helgarpóstinum viðtal.
ÁRNIBJARNASON
HELGARPÓSTURINN 3