Helgarpósturinn - 22.01.1987, Page 19

ferli þínum og spyrja hvort þér hafi einhvern
tíma dottið í hug að gerast endurskoðandi á
Verslunarskólaárunum, þó svo að það hafi end-
anlega verið tilviljun, sem réði því að þú fórst þá
leið?
„Nei. Þetta gerðist á miðjum vetri og ég var
ekki farinn að taka stefnu. Það kom til greina að
halda áfram í stúdentinn og fara síðan í við-
skiptafræði. En þarna sá ég, að ég gæti haldið
áfram að læra og um leið byrjað að vinna, og
það hentaði mér ágætlega. í þá daga var endur-
skoðunarnámið ekki komið inn í viðskiptadeild-
ina í Háskólanum. Það fór fram í námskeiðs-
formi. Kennarar úr viðskiptadeildinni kenndu
raunverulega svipað námsefni og kennt er uppi
í Háskóla, en einskorðuðu það meira að þörfun-
um. Og þegar maður var með ákveðna starfs-
reynslu að baki og þennan bóklega hluta, hafði
maður heimild til að fara í verklegt próf.“
— Hvað sagði fjölskyldan? Fannst henni
skynsamlegt af piltinum að fara í þetta nám?
„Það held ég. Að minnsta kosti var aldrei
hreyft neinum andmælum við því.“
— Þú stendur kannski allt of nálægt því til að
sjá það, en heldurðu að það séu einhverjar
ákveðnar manngerðir sem sækja í endurskoð-
unarstarfið?
FASTUR FYRIR
„Helstu „karaktereinkenni", sem endurskoð-
andi þarf að hafa, er að vera ákveðinn og fastur
fyrir. Það reynir á menn að taka þá „prinsipp-
ákvörðun" í vissum tilfellum að segja nei, ef
stjórnendur fyrirtækis eða einhverjir sem eiga
hagsmuni einhvers staðar vilja þrýsta á að meta
niðurstöðuna á þann veg, sem endurskoðand-
inn telur ekki samrýmast reglum."
— Nú má gera ráð fyrir, að allur þorri almenn-
ings líti svo á að starf endurskoðandans felist í að
rýna í tölur daginn út og inn, allan ársins hring.
Er það svo?
„Nei, það er nú ekki svo. Endurskoðunarstarf-
ið byggist upp á fjórum þáttum. Þar er fyrst að
nefna endurskoðunina sjálfa, sem beinist að því
að staðfesta það, að reikningsskil sýni glögga
mynd af rekstri fyrirtækja. Annar þátturinn er
reikningshald, þ.e. aðstoð við bókhald og upp-
gjör. Sá þáttur hefur verið talsvert mikill hjá end-
urskoðendum á íslandi, kannski vegna þess hve
fyrirtækin eru almennt smá. Þriðji þátturinn er
skattamál og ráðleggingar þar að lútandi. Fjórði
þátturinn er síðan ráðgjöf, sem fer töluvert vax-
andi í þessu fagi. Þar er m.a. um að ræða aðstoð
við að setja upp bókhald og áætlanagerð í því
formi, að það sé nothæft til að stjórna fyrirtækj-
unum. Og síðan að aðstoða menn við að komast
að niðurstöðu um hvað reikningsskilin raun-
verulega segja um stöðu fyrirtækjanna."
— Hvaða þáttur af þessu finnst þér skemmti-
legastur?
„Ráðgjafarþátturinn heillaði mig mest í seinni
tíð. Þaðan hef ég kannski besta bakgrunninn í
það starf, sem ég sit í núna.“
— Hvers vegna þessi þáttur fremur en aðrir?
„Hann er meira lifandi. Hann krefst þess, að
maður horfi á hlutina í víðara samhengi, sitji
ekki bara við að setja saman tölur og skila ein-
hverri niðurstöðu. Hann krefst þess, að maður
meti raunverulegan árangur stjórnenda."
EKKI ALGJÖR VINNUÞRÆLL
— Okkur hefur verið ansi tíðrætt um vinnuna.
Ertu kannski vinnuþræll?
„Stundum hefur verið hægt að segja það um
mig. Á vissum tíma ársins verður oft lítið eftir
hjá endurskoðendum til að sinna áhugamálun-
um. En ég vil samt ekki viðurkenna, að ég sé al-
farið vinnuþræll."
— En þú hefur þó tekið vinnuna með þér
heim, einstaka sinnum að minnsta kosti?
„Mjögsjaldan. Það er eitt af mínum „prinsipp-
málum“ í lífinu, að þetta tvennt beri að aðskiija.
En það sem raunverulega gerðist, var að maður
var þeim mun lengur á vinnustaðnum."
— Hvað gerirðu þá af þér fyrir utan vinnu-
tíma?
„Ég spila bridds. Við erum fjórir sem spilum
saman einu sinni í viku yfir vetrartímann, og
höfum gert það síðan við vorum í skóla. Ég hef
aldrei verið keppnismaður í bridds, heldur hefur
þetta meira verið í kjaftaklúbbsformi, og er það
mjög gaman. Þá spila ég badminton tvisvar í
viku. Ég hefði svo viljað geta stundað skíði
meira en ég hef gert. En á undanförnum árum
hefur skíðatíminn verið á mínum aðal anna-
tíma.“
— Fer það vel saman að vera briddsspilari og
endurskoðandi? Eru endurskoðendur slyngir í
þeirri íþrótt?
„Því skyldu þeir ekki vera það? Þeir eru vanir
einbeitingu og ég myndi því ætla, að það færi
mjög vel saman. En ég hugsa, að ég sé ekki
góður. Ég hef aldrei tekið það sem alvöru,
heldur sem skemmtun, og þannig verðurðu
aldrei góður á mælikvarða atvinnumanna. Á
tuttugu árum hlýtur maður þó að ná einhverjum
tökum á þessu.“
SVAVAR OG SVIÐS-
SKREKKURINN
— Þú ert sagður feiminn maður, en allt í einu
ertu kominn í stöðu, sem krefst þess óneitan-
lega, að þú verðir þó nokkuð í sviðsljósinu.
Hvernig kanntu því að þurfa að koma fyrir al-
þjóð og tala máli fyrirtækisins?
„Þó að feimnin sé leiðinleg og stundum erfið,
er hún ágætis uppalandi. Mótlætið herðir mann.
Kristinn
Sigtryggsson
framkvæmdastjóri
Arnarflugs í
HP-viðtali
Og ég held, að það sé eitthvað sem maður lærir
að lifa með. Nú, sumir leikarar eru alltaf með
sviðsskrekk, þó að þeir hafi verið á sviðinu í tutt-
ugu ár.“
— Ertu með sviðsskrekk?
„Já, já. Hvort hann er mikill eða lítill veit ég
ekki, því að ég þekki ekki nema sjálfan mig.“
— Heldurðu að þú munir sjóast þannig að
hann hverfi?
„Aldrei alveg, en auðvitað getur maður ekk-
ert um það sagt. Svavar Gestsson var spurður að
þessu í útvarpsviðtali um daginn og hann viður-
kenndi, að hann hefði þennan skrekk. En maður
er vanur að sjá Svavar í sjónvarpinu sem mann,
sem ekkert hreyfir. Ég varð mjög rólegur á eftir.“
— Stjörnufræðingurinn segir m.a. um þig, að
þú sért yfirvegaður, staðfastur og kaldur rök-
hyggjumaður, svo eitthvað sé tínt til. En hvernig
mundir þú lýsa sjálfum þér, ef lífið lægi við?
„Ætli ég sé ekki mjög nálægt því sem hann
lýsir mér. En sagan fær alltaf á sig mismunandi
mynd eftir því hver segir hana.“
— Blundar kannski einhver ævintýramaður í
þér?
„Ekki kannski ævintýramaður, en einhver
þörf fyrir tilbreytingu. Maður sem vill vera góð-
ur stjórnandi, þarf að hafa þá þörf í talsverðum
mæli, af því að hann þarf að hafa frumkvæði, sjá
nýja hluti og móta þá.“
ÞORRABLÓT Á NESINU
— Ertu flokksbundinn einhver staðar?
„Já, ég var á sínum tíma skráður inn í Sjálf-
stæðisfélag Seltjarnarness vegna þess, að það
var svo erfitt að komast inn á þorrablót félagsins
og félagsbundnir gengu fyrir. Hins vegar hef ég
ekkert haft mig í frammi, kannski ekki síst
vegna þess, að fram að þessu hef ég verið endur-
skoðandi. Fyrir slíkan mann er mjög slæmt að
tengjast ákveðið einhverjum stjórnmálaflokki.
Rauði þráðurinn í siðaregluin endurskoðenda er
að vera óháður á sem víðustum grundvelli,
þannig að þeir geti haft fullt traust hvers sem er.“
— Heldurðu að þú hafir fengið þessa nýju
stöðu, m.a. vegna þess að þú ert sjálfstæðis-
maður?
„Það held ég ekki. Ég var ekki spurður að því
og ég efast um að stjórnarmenn Arnarflugs viti
það.“
— Hvernig hefur helsti keppinauturinn tekið
þér?
„Ég hef ekki séð nein viðbrögð frá honum
ennþá. En eftir því sem ég best veit, stjórna þar
miklir sómamenn. Ég hef ekkert á móti því að
eiga við þá samstarf um ákveðna hluti, en hins
vegar á samkeppnin að fá að blómstra. Eitt af
megin markmiðum nýrra hluthafa Arnarflugs er
að viðhalda samkeppni i þessari grein, þannig
að verðlagning á flugi, eins og annarri þjónustu,
sé eðlileg."