Morgunblaðið - 18.09.1974, Blaðsíða 11
MORGUNBLAÐIÐ, MIÐVIKUDAGUR 18. SEPTEMBER 1974
EINS OG MorgunblaðiS hefur skýrt
frá tóku þrfr af okkar beztu frjáls-
fþróttamönnum þátt f hinu árlega
Znamensky-móti I Moskvu, en það
mót er haldið til minningar um
Znamensky-bræðurna, en þeir voru á
árunum 1935—1940 tveir fremstu
millivegalengda- og langhlauparar
Sovétríkjanna. Létust þeir á árum
seinni heimsstyrjaldarinnar, en eftir
lifir minning þeirra, sem er nú
nokkurs konar sameiningartákn fyrir
sovézkar frjálsíþróttir.
fslendingarnir, sem þátt tóku f
mótinu, voru þeir Ágúst Ásgeirsson,
Óskar Jakobsson og Sigfús Jónsson,
en þeir eru allir úr ÍR.
Þar sem nokkuð óvenjulegt er, að
íslenzkir frjálsiþróttamenn sæki mót i
A-Evrópu og það alla leið til Moskvu þá
báðum við þá félaga að ségja okkur
örlftið um ferð sína.
Það kom fram hjá þeim, að þátttaka
þeirra í mótinu var þeim mjög ánægju-
leg og ferðin á allan hátt ógleymanleg.
Eftir næturdvöl í Kaupmannahöfn
var haldið hinn 24. ágúst til Moskvu
og komið þangað eftir tæpra 3 klst.
flug Móttökur voru frábærar og í öllu
mættu þeir hlýju viðmóti ytra. Á flug-
vellinum beið þeirra fulltrúi iþrótta-
nefndar Sovétrikjanna en hann var
þeim slðan innanhandar ferðina á enda
og greiddi vel götu þeirra.
Þeir félagar bjuggu ásamt öðrum
erlendum keppendum á móti þessu,
sem voru um 50 talsins og frá um 1 5
þjóðum, á Hótel Russía, en það er
geysistórt hótel. hefur t.d. gistirými
fyrir u.þ.b. 5000 manns. Stendur það
rétt við Kremlín, sem er miðpunktur
Moskvuborgar. Þeim stað ætti vart að
þurfa að lýsa þar sem hann er heims-
frægur fyrir ýmis mannvirki, svo sem
St. Basils dómkirkjuna og Rauða torg-
ið. Það, sem mesta athygli þre-
menningana vakti, var það, að I mið-
punkti þessarar stóru borgar var mjög
litil umferð, og þar virtist alveg vanta
eril samskonar borgarhluta vestrænna
stórborga.
Keppnin sjálf fór fram á Leninleik-
vanginum. Er það mannvirki mikið og
fagurt. Þar er boðið upp á frábæra
aðstöðu til frjálsíþróttaiðkana svo og
annarra íþrótta. Um eitt hundrað þús-
und manns komast fyrir á áhorfenda-
svæðunum, sem umkringja völlinn.
Hlaupabrautir og atrennubrautir eru
allar lagðar gerviefninu Rekortan, en
sllkt efni mun vera á Bislettleikvang-
inum I Ósló og er sá völlur einn hinn
frægasti I heimi fyrir frábær afrek, sem
þar hafa að undanförnu verið unnin.
Skipulag mótsins, sem rúmlega
1 000 manns tóku þátt f, var framúr-
skarandi þegar þess er gætt hve miklu
þurfti að koma fyrir á stuttum tlma.
Keppnin hófst kl. 10 á morgnara og
lauk siðan yfirleitt ekki fyrr en um 9 að
kvöldi. Alltaf var eitthvað að gerast og
aldrei auður punktur.
Afrek voru I flestum greinum á
heimsmælikvarða.
Árangur (slendinganna var vel við-
unandi og náðu þeir allir slnu bezta.
Hæst ber auðvitað (slandsmet Sig-
fúsar Jónssonar I 10 km hlaupinu, Þar
bætti hann sitt eigið met um 26 sek-
úndur er hann hljóp á 30:30,0 mln.
Hafði áður verið gefinn upp I blaðinu
30:34,4 mln., en opinberi tíminn var
nokkru betri.
Sigfús tók næsta dag þátt I 3000
metra hindrunarhlaupi og náði sínum
bezta árangri þar, 9:59,8 mln. Ekki er
að efa, að þann árangur gæti hann
bætt verulega með þvl að lagfæra
tækni slna yfir hindrununum.
Ágúst bætti sinni bezta árangur I
1 500 metra hlaupinu er hann hljóp á
3:51,4 mln. Telur hann sig hafa getað
gert enn betur, hefði ekki setið I hon-
um krampi I kálfa, sem hann fékk I 5
km hlaupinu daginn áður, en I því varð
hann að hætta eftir 4 km vegna kramp-
ans. Komst Ágúst I B-úrslit I 1500
metra hlaupinu og varð þar 8. á
3:59,0 mln.
Óskar Jakobsson náði sínu bezta I
kúluvarpi með þvi að varpa 15,65
metra I undankeppninni, en þann
Moskvufararnir: Óskar Jakobsson, Sigfús Jónsson og
Ágúst Ásgeirsson.
| ÍI'HlimillíTIIIl MOIÍCU.MBHBSIHIS
Ógleymanleg
Moskvuför
og allir náðu
sínu bezta
árangur jafnaði hann slðan I úrslita-
keppninni daginn eftir. Aðeins fékk
hann þrjú köst I hvorri keppni, en sllkt
hefur sennilega komið i veg fyrir betri
árangur.
I aðalkeppni spjótkasts tókst honum
ekki vel upp og lenti spjótið alltaf flatt,
sem mun, að hans eigin sögn, vera
vegna tæknigalla I aukakeppni næsta
dag kastaði hann þó 66,66 metra, sem
teljast verður gott, en hafa ber I huga,
að það er ekki hægt að ætlast til
metkasts af honum I hverri keppni. Það
er víst, að þennan pilt skortir ekki
kraftinn, en svo virðist sem tæknin sé
enn ekki fullkomin.
Eftir 46,60 metra kast I undan-
keppni kringlukastsins kastaði Óskar
47,68 metra i úrslitakeppninni, en það
er með hans besta I sumar.
Þeir félagar voru sammála um, að
ýmislegt hefði komið þeim á óvart I
Moskvuborg. Fannst þeim sem Ibúum
væri öllum komið fyrir I stórum fjöl-
býlishúsum, þar sem þeir sáu engin
einbýlishús.
Þetta gerir það að verkum, að borgin
virkar ekki mjög stór þrátt fyrir að vera
sú 3.—4. fjölmennasta I heim. Þá fór
það ekki fram hjá þeim þar sem þeir
komu, að þarna gilda ekki lögmál
einkarekstursins, eldur virðist allt vera
ríkisins.
Það fór ekki fram hjá þeim félögum,
að þrátt fyrir að landið sé lokað fyrir
öllum vestrænum lúxus- eða munaðar-
varningi þá hefur mannfólkið greini-
lega nokkuð góða vitund um frjálsræð-
ið handan hinna rauðu múra.
Fólk dáðist af gæðum „vestursins"
og gaf I skyn, að Russia væri „no
good". Töluvert var gengið á þá félaga
og þeir beðnir um að selja fyrir mikið
fé, fatnað og skó, sem virtust vekja
hrifningu. Slíkt var náttúrlega á móti
landslögum og þvl ekki um neina sölu-
mennsku að ræða. Hins vegar höfðu
þeir tekið með sér það, sem kallað er
„amerískt tyggjó" og fólk réð sér vart
fyrir kæti þegar slfkt var að þvl rétt.
Þurfti t.d. einn þeirra næstum því ekki
að greiða leigubíl eftir að hafa gefið
bilstjóranum einn pakka af tyggi-
gúmmli.
Þeim Ágústi, Óskari og Sigfúsi er
förin mjög eftirminnileg og vilja þeir
koma á framfæri sérstökum þökk-
um til Sovétmanna, sem
greiddu helming fararkostnað-
ar á móti FRl og íþrótta-
mönnunum sjálfum. Þá sáu Sovét-
menn um allt uppihald í Moskvu. Heið-
urinn af að ferðin var möguleg á Jouri
llitchev, fulltrúi í sovézka sendiáðinu á
Islandi, en hann sá um undirbúning
allan og sá um að ferðin yrði íþrótta-
mönnunum ógleymanleg. Án hans að-
stoðar hefði ferðin vart verið möguleg
Fk.l YLSAk
IkkOTTIk
Muhammed Ali var fagnað með kostum og kynjum er hann kom til
keppninnar f Zaire. Heil hátfð var sett upp með viðeigandi dönsum og
söngvum og var ekki annað að sjá en að heimsmeistarinn fyrrverandi
skemmti sér ágætlega við að horfa á kúnstirnar.
EINVÍGINU
FRESTAÐ
I gær var ákveðið að fresta fyrirhuguðu einvfgi þeirra Muhammad Ali
og George Foreman um heimsmeistaratitilinn ! hnefaleik um óákveðinn
tfma, af þeim ástæðum, að Foreman varð fyrir meiðslum á æfingum
sfnum f Kinshasa I Zarie, en þar átti einvígið að fara fram 25.
september n.k., og er þangað kominn mikill fjöldi fréttamanna til þess
að fylgjast með viðureigninni.
Foreman telur sjálfur möguleika á þvf, að hann verði búinn að ná sér
fyrir tilsettan tfma, en læknar hans eru hins vegar á öðru máli, og telja,
að Foreman verði vart bardagahæfur fyrr en eftir mánuð.
Ali heldur fast við þá kröfu sfna, að Foreman setji 3 milljón króna
dollara tryggingu fyrir bardaganum og forráðamenn keppninnar eru f
öngum sínum, þar sem þeir mega búast við miklum skaðabótakröfum
vegna frestunarinnar.
Sími íMÍMIer 10004
Fjölbreytt og skemmtilegt tungumálanám
SVIAN vöruflutningabifreið
Til sölu er Man vöruflutningabifreið 8,5 tonn
árgerð 1967 í góðu standi, getur selst án
yfirbyggingar. Allan nánari upplýsingar gefur
Marteinn Karlsson Ólafsvík sími 93-6238 og
93-6252.
Islenzkir
sjóafslöppunarunnendur
Skrifið okkur um hvort ykkur langar til þess að
slappa af á sjó á íslenzku farþegaskipi. Engin
nöfn. Sendist í pósthólf 409, Reykjavík.
Gftarkennslan
T úngötu 5
Innritun nemenda daglega kl. 6 — 7.
Upplýsingar i síma 1 6972.