Morgunblaðið - 02.08.1990, Blaðsíða 20
20
MORGUNBLAÐIÐ FIMMTUDAGUR 2. ÁGÚST 1990
Kvikmyndasjóður:
Þorsteinn Jóns-
son ráðinn fram-
kvæmdastjóri
Menntamálaráðherra hefur
ráðið Þorstein Jónsson fram-
kvæmdastjóra Kvikmyndasjóðs
og Kvikmyndasafns. Tekur
hann við af Guðbrandi Gísla-
syni, sem lét af störfum að eigin
ósk, en hann hefur gegnt starf-
inu í fjögur ár.
Stjóm Kvikmyndasjóðs hefur
skipað nýja úthlutunamefnd. í
henni eiga sæti Sigríður Dúna
Kristmundsdóttir mannfræðingur,
Sigurður Valgeirsson útgáfustjóri
og Róbert Amfinnsson leikari.
Stjórn Kvikmyndasjóðs íslands
skipa nú: Knútur Hallsson, formað-
ur, skipaður af menntamálaráð-
hera, Friðbert Pálsson, tilnefndur
af Félagi bíóeigenda, Hrafn Gunn-
laugsson, tilnefndur af Sambandi
kvikmyndaframleiðenda, Kristín
Jóhannesdóttir, tilnefnd af Banda-
lagi íslenskra listamanna, og Sig-
urður Sverrir Pálsson tilnefndur
af Félagi kvikmyndagerðarmanna.
Skákmótið í Biel:
Héðinn með
fimm af átta
Biel. Frá Fríðu Ásbjörnsdóttur, fréttarit-
ara Morgunblaðsins.
HÉÐINN Steingrímsson hefur
fengið 5 vinninga af 8 möguleg-
um á opna skákmótinu í Biel í
Sviss. Þijár umferðir eru eftir.
Héðinn gerði jafntefli í 7. um-
ferð við Snapik frá Póllandi, og í
8. umferð náði hann jafntefli gegn
tékkneskum stórmeistara, Ognjen
að nafni. Héðinn hafði svart, og
fékk byijun sem honum líkar ekki
sérstaklega vel. Honum tókst þó
að snúa. taflinu við með skemmti-
legum leik, og bauð strax á eftir
jafntefli sem Ognjen þáði skömmu
síðar.
í stórmóti stórmeistara, sem
fram fer jafnhliða þessu, hefur
Anatolíj Karpov forustu með 7
vinninga. Hort er næstur með 6 'A
vinning en Miles og Andersson eru
með 6 vinninga.
Morgunblaðið/Hallgrímur Magnússon
Smiðir vatnsgeymisins, f.v.:
Ómar Elísson, Sveinn Sig-
mundsson og Kolbeinn Sig- Magnús Stefánsson nýráðinn sveitarsljóri Eyrarsveitar opnar fyrir lagnir frá vatnsgeyminum.
mundsson.
Grundar Q örður:
Byggður 860 þúsund Ktra vatnsgeymir
Grundarfirði.
UNDANFARIN ár hefur vatnsskortur verið tilfinnanlegur í
Grundarfirði. Þetta hefur valdið erfiðleikum allri fiskvinnslu en
þó sérstaklega í rækjuvinnslu, sem er mjög vatnsfrek starfsemi.
Ennfremur hefur það verið áhyggjuefni að við stórbruna fengist
ekki nægilegt vatn til slökkvistarfa. Nú hefur verið bætt úr þessu
með nýjum vatnsgeymi.
Neysluvatnið er fengið úr bor-
holum rétt innan við þorpið og
yfir mesta annatímann nægir vat-
nið úr þeim ekki alltaf til að hægt
sé að halda uppi eðlilegri starf-
semi í fiskvinnslunni. Þegar vatn-
snotkun er mest er meðalnotkun
yfír sólarhringinn u.þ.b. 24 lítrar
á sekúndu, en það samsvarar
2.600 lítrum á hvert mannsbarn
í þorpinu á sólarhring. Nú hefur
þetta vandamál verið leyst með
byggingu 860.000 Iítra vatns-
geymis, sem ætlað er það hlutverk
að miðla vatni inn í vatnsveitu
bæjarins þegar borholurnar hafa
ekki við. Almenna verkfræðistof-
an hf. hannaði geyminn en hann
var smíðaður hjá Vélsmiðjunni
Árvík hér í Grundarfirði.
Geymirinn var formlega tekinn
í notkun 26. júlí sl. og er vatnss-
korturinn þar með úr sögunni.
Nú mun rækjumar ekki skorta
baðvatn og ættu því framvegis
að geta streymt tandurhreinar út
úr rækjuverksmiðjunum í Grund-
arfírði fyrirhafnarlaust.
- Hallgrímur
Sjö af tíu starfsmönnum
Sýnar sagt upp störfum
SJÖ af tíu starfsmönnum Sýnar
hf. hefur verið sagt upp störfum
í kjölfar kaupa Stöðvar 2 á
meirihluta hlutafjár í fyrirtæk-
inu. Uppsagnir hafa einnig kom-
ið til framkvæmda á Stöð 2 eins
Góðar heimtur gönguseiða:
Mikið af merktum laxi í Langá
VEIÐIMENN í Langá á Mýrum
hafa verið að fá ’ann að und-
anförnu og athygli þeirra hef-
ur vakið hversu margir merkt-
ir laxar eru í aflanum. Einn
morguninn á neðsta svæðinu
veiddust til dæmis 8 laxar og
voru 7 þeirra merktir. Hlutfal-
lið er reyndar breytilegt frá
degi til dags, en að sögn Ingva
Hrafns Jónssonar eins veiði-
réttareigenda Langár var um
fjórðungur aflans, er 600 laxar
voru komnir á land, merktur
lax. Þetta eru heimtur úr
gönguseiðasleppingu í fyrra-
vor, en þá voru sett 3000 seiði
í kví í Sjávarfossi og 2000 seiði
í kví í Sveðjufossi, fyrir ofan
miðja á.
Ingvi segir þessar heimtur á
miðju sumri afar gleðilegar og
athyglisverðar og óðum sé að
slípast til tækni til að slétta út
sveiflur í veiði frá náttúrunnar
hendi.
Langá á Mýrum hefur árum
saman verið vettvangur mikilla
athuganna og rannsókna. Þar
hefur verið reynd margs konar
tækni við seiðasleppingar og
ýmsar tegundir seiða verið reynd.
Þá hafa margir stofnar verið
notaðir, en stofnablöndunin hefur
ekki rýrt veiðina í ánni. Ingvi
Hrafn sagði í samtali við Morg-
unblaðið að heimturnar hefðu í
för með sér að sterklega kæmi
til greina að stórauka sleppingar
af þessu tagi, menn hefðu smám
saman sankað að sér reynslu og
nú blasti við að nýta þá miklu
kunnáttu sem náðst hefur. Hann
sagði enn fremur, að úr 35 merkj-
um sem lesið var úr eftir eina
viku, hefðu 20 verið frá kvínni í
Sjávarfossi, 12 úr kvínni í Sveðju-
fossi, 1 úr sleppingu seiða 1987
í Langavatni og tvö úr sleppingu
í Urriðaá, sem er smáspræna
skammt fyrir vestan Langá.
og fram kom í blaðinu í gær og
var 21 ráðningarsamningi sagt
upp. Auk þess munu 17 manns
hætta störfum án þess að ráðið
verði í stað þeirra. Áður hafði
tveimur fréttamönnum á út-
varpsstöðinni Bylgjunni verið
sagt upp störfum.-
Meðal þeirra sem sagt var upp
í gær hjá Stöð 2 voru tæknimenn
og aðstoðarfólk við dagskrárgerð
en uppsagnir snerta með einhveij-
um hætti flestar deildir fyrirtækis-
ins.
Nýtt stjórnskipulag hefur tekið
gildi hjá Islenska útvarpsfélaginu
hf. sem formlega hóf starfsemi í
gær eftir sameiningu samnefnds
félags og Stöðvar 2. Skipulagið
felur í sér að sett hefur verið á
stofn framleiðslusvið sem tekur
yfír alla dagskrá í útvarpi og sjón-
varpi. Innan sviðsins eru fjórar
deildir þ.e. fréttadeild, þjónustu-
deild, dagskrárdeild og útvarps-
deild. Páll Magnússon hefur verið
ráðinn framkvæmdastjóri fram-
leiðslusviðs tímabundið eða fram
til 1. febrúar n.k. Páll Þorsteinsson
mun veita hinni nýju útvarpsdeild
forstöðu. Þá hafa verið kjörnir tveir
nýir stjórnarmenn í stjórn hins
nýja útvarpsfélags. Þeir eru Jó-
hann Óli Guðmundsson og Hjörtur
Örn Hjartarson.
Þorvarður Elíasson, sjónvarps-
stjóri, sagðist í samtali við Morgun-
blaðið vonast til að útsendingar
gætu fljótlega hafist hjá Sýn þar
sem boðið yrði upp á bíórás. Enn-
fremur þyrfti að skoða þann þátt
er lyti að auglýsingagerð sem
bæði væri innan Sýnar og Stöðvar
2. Væntanlega yrði hún sameinuð
innan Sýnar en víðtækari hug-
myndir væru einnig í gangi um
eflipgu auglýsingagerðar.
Á laugardag var haft eftir Jón-
asi Kristjánssyni, ritstjóra DV hér
í blaðinu að hann teldi ákvörðun
hluthafafundar Sýnar um að
minnka hlutafé í fyrirtækinu úr
184 milljónum í 108 milljónir ólög-
lega. Þegar þessi gagnrýni var
borin undir Jóhann J. Ólafsson,
stjómarformann Stöðvar 2, sagði
hann það misskilning að hlutafé
félagsins væri 184 milljónir. „Það
var aukið upphaflega úr 8 milljón-
um í 108, þ.e.a.s. um 100 milljón-
ir. Síðan fékk stjórnin heimild til
að auka það enn um 76 milljónir.
Sú heimild var aldrei notuð. Þrátt
fyrir það var hlutafé félagsins til-
kynnt 184 milljónir. Það var aðeins
verið að leiðrétta þessa röngu til-
kynningu og breyta henni úr 184
milljónum í 108 milljónir. Það
stendur óhaggað að við höfum
keypt 56% af núverandi hlutafé
Sýnar, 108 milljónum.“
Endurnýjun innanlandsflota Flugleiða:
Kaupleigusamningur
undirritaður við Fokker
Kaupleigusamningur milli Flugleiða og Fokker-verksmiðjanna var
undirritaður í Hollandi á mánudag. Gerir samningurinn ráð fyrir
kaupum á þremur Fokker F-50-vélum og kauprétti á þeirri íjórðu.
Þá var á sama tíma gengið frá sölu á þeim fimm Fokker F-27-vélum
sem Flugleiðir notast við í innanlandsflugi sínu í dag.
Flugleiðir mun hafa nýju vélam-
ar þrjár á leigu í tíu ár og öðlast
síðan rétt til að kaupa þær á föstu
umsömdu verði. Er umsamið verð
12 milljónir dollara eða um 730
milljónir króna. Vélarnar fimm sem
nú eru í notkun hafa verið keyptar
af fjármögnunarfyrirtæki sem er í
eigu Fokker og voru þær seldar á
7,5 milljónir dollara eða um 430
milljónir króna.
Fyrstu tvær F-50-vélarnar verða
afhentar í marsmánuði árið 1992
og sú þriðja í maímánuði sama ár.
Fyrir 15. september nk. mun stjórn
Flugleiða svo ákveða hvort einnig
verði nýttur kauprétturinn á fjórðu
vélinni og ef svo verður fæst hún
afhent í lok ágúst árið 1992.
Samninginn við Fokker undirrit-
uðu fyrir hönd Flugleiða þeir Sig-
urður Helgason, forstjóri, Leifur
Magnússon, framkvæmdastjóri
flugrekstrarsviðs, Bjöm Theodórs-
son, framkvæmdastjóri þróunar-
sviðs, og Halldór Vilhjálmsson,
framkvæmdastjóri fjármálasviðs.
Austur-Þýskaland:
Vegabréfsárit-
anir afnumdar
Með erindaskiptum á milli Jón:
BaldVins Hannibalssonar, utanríkis
ráðherra, og Markusar Meckels
utanríkisráðherra þýska alþýðulýð-
veldisins, hefur verið gengið frí
samkomulagi milli þýska alþýðulýð-
veldisins og íslands um gagnkvæmi
afnám vegabréfsáritana miðað vit
þriggja mánaða dvöl. Þetta sam
komulag tók gildi í gær.