Morgunblaðið - 02.08.1990, Blaðsíða 21

MORGUNBLAÐIÐ FIMMTUDAGUR 2. ÁGÚST 1990
21
Alþjóðlegnr menntaskóli rís í
heimabyggð Ingólfs Arnarsonar
ALLT bendir nú til þess að alþjóðlegur menntaskóli muni rísa í
sveitarfélaginu Fjaler á vesturströnd Noregs, en heimabær Ingólfs
Arnarsonar er einmitt staðsettur í Fjaler. Þetta mun verða áttundi
skólinn í röð alþjóðlegra menntaskóla sem starfa í nafni alþjóðasam-
takanna United World College, sem hefur það markmið að stuðla
að friði og skilningi milli þjóða heims. Skólinn kemur til með að
falla inn í samstarf Norðurlandanna, og hefur dr. Gylfi Þ. Gíslason
verið kjörinn í stjórn hans.
Dr. Gylfi sagði í samtali við
Morgunblaðið að alþjóðlegu
menntaskólarnir þjálfi nemendur
sína til að starfa í þróunarlöndun-
um, og þá ekki síst á sviði umhverf-
ismála. Verndari skólastarfsins er
prinsinn af Wales, auk þess sem
margir heimskunnir menn styrkja
rekstur stofnananna. Slíkir skólar
starfa nú í Wales, í Swazilandi, á
Ítalíu, í Singapore, í Kanada, í
Venesúela og í Bandaríkjunum.
Dr. Gylfi sagði að norska ríkis-
stjórnin hafi tekið hugmyndina að
norrænum alþjóðamenntaskóla upp
á arma sína. Hún hefur í ár veitt
einni milljón norskra króna til und-
irbúningsvinnu, hugmyndin er að
skólinn falli inn í samstarf Norður-
landanna, og verði rekinn með
styrkjum frá ríkisstjórnum þeirra.
Norska stjómin hefur þegar boðist
til að greiða helming stofnkostnað-
ar, um 30 milljónir norskra króna,
en ætlunin er að afla hins helmings-
ins með fijálsum framlögum.
Stofnað hefur verið tii undirbún-
ingsnefnda á hinum Norðurlöndun-
um vegna þessa máls, og skipa auk
dr. Gylfa Þ. Gíslasonar þau Guð-
laugur Þorvaldsson, Sighvatur
Björgvinsson, Jakobína Þórðardótt-
ir og Kari Kristjánsson íslensku
nefndina.
Staðurinn Fjaler hefur orðið fyr-
ir valinu þar sem Rauði krossinn
norski á þegar miklar skólabygg-
ingar á svæðinu, sem hugmyndin
er að samnýta fyrir menntaskól-
ann. Nýlega var boðað til móttöku
í Fjaler, þar sem mættir voru ýms-
ir velunnarar samtakanna, auk full-
trúa Norðurlandanna,_ og var dr.
Gylfi viðstaddur fyrir Islands hönd.
Hennar hátign Sonja prinsessa
heiðraði móttökuna með nærveru
sinni, en prinsinn af Wales neydd-
ist til að afboða komu sína á síðustu
stundu. Einnig var einn aðalhvata-
maðurinn að stofnun skólans við-
staddur, Thor Heyerdal, sem er
meðal annars kunnur fyrir Kon-
Dr. Gylfi Þ. Gíslason
Tiki leiðangur sinn yfir Kyrrahafið
á víkingaskipi.
Ætlunin er að hefja fram-
kvæmdir við skólann árið 1992.

Upplýsinga-
miðstöð um-
ferðarmála
um helgina
UMFERÐARRÁÐ og lögregla
um allt land starfrækja upplýs-
ingamiðstöð um verslunamanna-
helgina. Þar verður safnað upp-
lýsingum um umferð, ástand
vega og fleira og þeim komið á
framfæri við almenning.
Upplýsingamiðstöðin verður opin
föstudaginn 3. ágúst klukkan 9-22,
laugardaginn 4. ágúst klukkan
10-19 og mánudaginn 6. ágúst
klukkan 12-19. Búast má við mik-
illi umferð um verslunarmannahelg-
ina um land allt. Þá eins og endra-
nær eru ökumenn hvattir til að
sýna varúð og tillitssemi. Mikilvægt
er að stilla hraða í hóf og einnig
má geta þess að fjöldi fólks er á
hveiju ári tekinn fyrir meinta ölvun
við akstur þessa helgi. Af því til-
efni leggur Umferðarráð áherslu á
að akstur og áfengi eiga aldrei sam-
leið.
Umferðarráð óskar öllu ferða-
fólki slysalausrar og ánægjulegrar
helgar.
(Fréttatilkynning)
Þú svalar lestrarþörf dagsins A
ásíðum Moggans!_^
Kúlutjöld
4 manna tjöld með fleygahimni
Svefnpokar frá kr. 3.211,- stgr. (Þola 0° C--25° C)
Einnig mikið úrval af prímusum, gönguskóm og
GORE-TEX úlpum.
SEGLAGERÐIN
ÆGIR
EYJASLÓÐ 7, SÍMI 621780
Umferðarátak verður um
verslunarmannahelgina
NOKKRIR aðilar sem láta sig varða umferðaröryggismál munu taka
höndum saman um átak til að vekja athygli á umferðarmálunum
og reyna að koma í veg fyrir slys. Fyrir átakinu standa Áhugahóur
um bætta umferðarmenningu, Bifhjólasamtök lýðveldisins (Sniglarn-
ir), lögreglan, SEM-samtökin, Slysavarnafélag Islands og Umferðar-
ráð.
Til umhugsunar í baráttunni
gegn umferðarlysum verður
tjónabílum komið fyrir á tveimur
stöðum á leið út úr höfuðborginni,
við Suðurlandsveg og Vesturlands-
veg. Á þaki þeirra verða skilti með
áletruninni: Akstur er dauðans al-
vara — komum heil heim. Einnig
verða skilti með sama texta sett
upp á nokkrum stöðum á Norður-
landi.
Þegar umferðin verður einna
mest út úr borginni á föstudag og
laugardag munu fulltrúar þessara
aðila verða á staðnum og afhenda
ýmis gögn til ferðafólks. Heppnar
fjölskyldur sem nota öryggisbúnað
eins og bílbelti og barnabílstóla
geta átt von á sérstökum glaðn-
ingi. Meðal annars fá nokkrir
heppnir aðilar fjölskylduspilið Triv-
ial Pursuit.
Tjónabílarnir sem stillt verður
upp eru fengnir að láni með sam-
þykki þeirra aðila sem hlut eiga að
máli. I þeim óhöppum sem um var
að ræða urðu sem betur fer ekki
alvarleg slys á fólki.
Með þessu átaki vilja þessir aðil-
ar vekja fólk til umhugsunar um
þær hættur sem fýlgja akstri og
umferð og vona að með því móti
megi hugsanlega fá einhveija til
að sýna meiri gætni en ella. Þannig
á að vera hægt að koma í veg fyr-
ir alvarleg slys og óhöpp sem fylgja
því miður ferðalögum um verslunar-
mannahelgi.
Með slagorðunum Akstur er
dauðans alvara — komum heil heim
er athyglinni annars vegar beint
að ábyrgð ökumanna og hins vegar
að því að sé hún fyrir hendi má
vænta ánægjulegrar heimkomu.
(Fréttatilkynning)
TRYGGÐU GÆÐIN
-TAKTÁ KDDAK...
FERÐALAGIÐ
I