Morgunblaðið - 06.08.1999, Blaðsíða 45

MORGUNBLAÐIÐ
MINNINGAR
FÖSTUDAGUR 6. ÁGÚST 1999 45/
Jú, það var þá hann Teddý, Krist-
ján G. Kjartansson. Stóri, góði bróð-
ir bestu og tryggustu vinkonu minn-
ar, Áslaugar, sem ég hef þekkt frá
blautu bamsbeini eða frá því við
vorum börn á Ásvallagötunni. I okk-
ar litlu veröld var hún aldrei kölluð
annað en „gatan okkar", og kenndi
nokkurs stolts yfír þessari sameign
okkar.
Teddý var alltaf ljúfur og góður
við alla. Það íyrsta sem kemur upp í
huga minn þegar hans er minnst er:
„Hvað segir Beggasen?" Þannig
ávarpaði hann mig alltaf frá því ég
man eftir mér, og þótti mér alltaf
vænt um það.
Maður er aldrei tilbúinn að fá
manninn með Ijáinn í heimsókn.
Svona er nú tilveran einu sinni, en
Teddý hafði átt í veikindum um ára-
bil.
Við hittumst í sumarhúsi þeirra
hjóna á Þingvöllum síðastliðið sum-
ar, þar sem konunglega var tekið á
móti mér. En þar áttu þau sinn un-
aðsreit.
I apríl á þessu ári, í afmæli Ás-
laugar systur hans, bar fundum okk-
ar saman í síðasta sinn. Eins og
alltaf var gaman að hitta Teddý,
sem var í léttu skapi að samfagna
systur sinni.
Starfsferil og ættartölu læt ég
aðra um. En ég vil með þessum fáu
orðum kveðja góðan dreng með
virðingu.
Elsku Addý mín, Edda Birna,
Halldór og Bjössi. Elskuleg vinkona
mín Áslaug og fjölskylda, guð styrki
ykkur öll í djúpri sorg.
Hóglega, hæglega,
á hafsæng þýða,
sólin sæla,
sig þú til viðar.
Nú er um heiðar
himinbrautir
fór þín farin
yfir frjóvga jörð.
(Jónas Hallgr.)
Bergljót (Beggasen).
Landakotsskólinn, barnaskóli
kaþólsku kirkjunnar á Islandi, var á
5ta áratugnum all sérstætt samfé-
lag: Séra Ubaghs var skólastjórinn,
hin frábæra fröken Guðrún leiddi
okkur inní heima íslendingasagna,
ljúflingurinn séra Hákon Loftsson
kenndi okkur um lönd og stjömur,
nunnur kenndu reikning og tungu-
mál. Flestar kennslustundir byrjuðu
á Maríubæninni ... Heil sért þú
María, full náðar drottins ...
Ferdinand munkur var kyndari og
reddari á svæðinu, afi okkar allra,
hvíthærður síðskeggur, en blandaði
ekld geði við alla.
í þessum stranga skóla lágu fyrst
saman leiðir okkar Tedda. Á þessum
árum stóð fararskjóti hans í skóla-
portinu: gljáfægt amerískt glæsi-
reiðhjól með hvítum, breiðum dekkj-
um og glansandi skítbrettum, ólíkt
öllum öðrum reiðhjólum þessa tíma.
Mér datt hjólið hans oft í hug, þegar
ég hitti hann síðar á ævinni á hvítum
kádiljákum eða glansandi bjúikkum
eða risajeppum; enn fínnst mér am-
eríska hjólið hans við skólaportið í
Landakoti bera af öllum þessum far-
arskjótum.
Síðar urðum við samferða í
Verzlunarskólanum; þar var líka
grannvaxin og kvik stúlka, Iðunn
Björnsdóttir, sem ung varð kona
Tedda og hefur fylgzt með honum
um lífið, oft ljúft og gott og líka
sorglegt og erfítt og mótdrægt,
bæði af hendi örlaganna og af
manna völdum.
Allnokkrum árum eftir Verzló
vora þeir saman í Tjarnarborg,
Björn sonur Iðunnar og Tedda og
Ari Gísli sonur minn. Tókust með
þeim vináttukynni, sem varað hafa í
blíðu og stríðu til þessa dags. Hefur
sonur minn verið á heimili þessara
sæmdarhjóna líkt og einn af þeim
og hefur kynnzt hjartahlýju og
vænleika allrar fjölskyldunnar.
Kristján G. Kjartansson varð
ungur maður forstjóri í umsvifa-
miklu fyrirtæki föður síns, Elding
Trading Company. Hann tók síðar
við stjórnarstörfum í fjölskyldufyr-
irtæki konu sinnar, Vífílfelli hf.
Hann var vinsæll og vel látinn í báð-
um þessum fyiirtækjum, einkum
hjá óbreyttum starfsmönnum.
Kristján G. Kjartansson er í mín-
um huga frá fyrstu til síðustu stund-
ar grandalaust góðmenni, sem náði
góðum árangri í starfi og lífi,
listelskur mannvinur og góður fjöl-
skyldufaðir, laus við þá hrekkvísi,
sem víða gætir í viðskiptalífinu.
Þrjá erfingja á hver maður:
mennina, moldina og sálarinnar
meðtakara.
Bragi Kristjónsson.
Þau eru þung sporin sem aðstand-
endur og vinir Kristjáns G. Kjart-
anssonar stíga í dag þegar við fylgj-
um honum til grafar. Það er líka
erfitt að skrifa um nána vini sína því
minningarnar eru margar, góðar
stundir og náin kynni við sannan
mannvin í hartnær 25 ár. Kristján
og Iðunn hafa verið einstaklega far-
sæl í lífi sínu og eru börnin þeirra
þrjú: Edda elst, búsett erlendis,
Halldór, sem hefur staðið sig eins og
hetja við hlið föður síns í veikindum
hans, Bjöm, vinur minn og fóstbróð-
ir, ástríkur eljumaður sem hefur
verið búsettur erlendis undanfarin
ár. Eg segi við ykkur, kæru vinir:
Teddi fylgir ykkur og gætir ykkar í
öllum ykkar lífsverkum. Hann var
svo stoltur og hreykinn af ykkur.
Þegar við gengum í hjónaband ég og
konan mín fyrir tveimur árum heiðr-
uðu Kristján og Iðunn okkur með
nærveru sinni. Þegar maður er að
feta sig á hjónalífsbrautinni þá er
manni hollt að horfa til Kristjáns og
Iðunnar því hjónaband þeirra var
einstakt. Fullt af ástríki, vináttu og
djúpum skilningi á lífsins gátum.
Teddi var farsæll í sínum veraldlegu
störfum, lengst af hjá Vífilfelli en
einnig rak hann fjölskyldufyrirtæk-
ið, Elding Trading Company, þar
sem hann starfaði nú hin síðari ár.
Ég vil að lokum þakka þér, kæri
vinur, allar okkar góðu stundir. Ið-
unn, Bjössi og fjölskylda. Guð og
góðir englar styrki ykkur í sorginni.
Ari Gísli Bragason.
Mig langar til að minnast Krist-
jáns Kjartanssonar í fáeinum orð-
um. Ég kynntist Tedda fyrst fyrir
nokkrum árum þegar Edda og faðir
minn fóru að vera saman. Bæði
Teddi og Iðunn tóku mér strax
mjög vel og hlýja þeirra og velvild í
garð fjölskyldu föður míns hefur
ávallt verið með þvílíkum sóma að
leit er að öðru eins. I brúðkaupi
Eddu og föður míns, sem haldið var
á Einimel, sagði Teddi að við vær-
um hluti af fjölskyldu þeirra og
alltaf velkomin í þeirra hús. Síðustu
árin hef ég ekki komið til Islands
án þess að koma við á Einimelnum
og heimsækja þau hjón. Ég hitti
Tedda síðast í maí þegar ég kom
þar við og eins og hans var von og
vísa bar hann sig vel þrátt fyrir
veikindi sín.
Teddi bar sig alltaf vel, var alltaf
kátur og hress og ég hafði gaman af
því að spjalla við hann um hina
ýmsu hluti. Og þegar ég bættist í
hóp þeirra Dóra og Bjössa um mik-
inn flugeldaáhuga var oft mikill
hamagangur um áramótin og kippti
Teddi sér ekki upp við það heldur
hafði bara gaman af.
Það var einnig gaman að vera
með Tedda í heimsóknum þeirra Ið-
unnar til Bandaríkjanna. Teddi
kunni vel við sig í þessum ferðum og
hafði sterkar taugar til landsins og
átti hann vini og kunningja víðs veg-
ar. Ég hafði mikið gaman af því að
spá í gamla bíla með honum, en
Teddi var mikill bílaáhugamaður og
undi sér því sérstaklega vel við þann
áhuga í Bandaríkjunum. Þetta varð
þó aldrei alvarlegra en kaup á litlum
bleikum leikfangajeppa handa Birnu
litlu.
Það var mikill heiður að kynnast
Tedda og það er skrýtin tilhugsun
að fá ekki að hitta hann aftur. Minn-
ingin um hann lifir með okkur öllum
um alla framtíð.
Við Ása sendum Addý, Eddu,
Dóra, Bjössa og Bimu okkar inni-
legustu samúðarkveðjur.
Einar Magnússon.
• Fleirí minningargreinar um
Kristján G.H. Kjartansson bíða
birtingar og munu birtast í hluðinu
næstu daga.
ÁRNIKRISTINN
KRISTJÁNSSON
+ Árni Kristinn
Kristjánsson
fæddist í Garðs-
aukahjáleigu í Hvol-
hreppi 28. apríl
1909. Hann lést á
Sjúkrahúsi Suður-
lands 28. júlí síðast-
liðinn. Foreldrar
hans voru hjónin
Sigríður Guð-
mundgdóttir, f. 6.
maí 1880, d. 1. októ-
ber 1966, og Krist-
ján Böðvarsson, f. 6.
ágúst 1877, d. 14.
júlí 1921.
Systkini Árna eru: Guðmund-
ur, f. 4. júní 1905, d. 23. apríl
1964; Þórunn, f. 4. júní 1905, d.
21. júní 1905; Jón, f. 30. maí
1906, d. 26. septem-
ber 1973; Bóel, f. 14.
september 1910, til
heimilis að Kirkju-
hvoli á Hvolsvelli;
Böðvar, f. 29. febrú-
ar 1912, til heimilis
að Kirkjuhvoli á
Hvolsvelli; Sveinn
Guðleifur, f. 3. mars
1913, til heimilis að
Fornastekk 12 í
Reykjavík; Mar-
mundur, f. 14. júní
d. 2. ágúst
1972; Guðrún, f. 4.
október 1915, d% 10.
febrúar 1999. Þrjú systkini Árna
dóu í frumbernsku, óskirð. Fóst-
ursystur Árna eru þær Unnur
Júlíusdóttir, búsett í Reykjavík,
og Sigríður Guðjónsdóttir, bú-
sett í Þorlákshöfn.
Er Árni var á fyrsta ári hófu
foreldrar hans búskap á Voð-
múlastöðum, A-Landeyjum, en
eftir lát Kristjáns 1921 bjó Sig-
ríður áfram með börnum sínum
til ársins 1953 en þá flutti hún
til Sigríðar fósturdóttur sinnar
og hennar fjölskyldu. Árni bjó
næstu árin með Guðmundi
bróður sínum á Voðmúlastöð-
um. Til þeirra kom sem hús-
móðir Guðrún Guðjónsdóttir
frá Tungu í Fljótshlíð og fylgd-
ust þau Árni að síðan. Þau
fluttu til Þorlákshafnar 1956
og þar stundaði Árni verka-
mannavinnu þar til starfsæv-
inni lauk en þá fluttust þau á K
Dvalarheimilið Lund á Hellu
og síðan að Kirkjuhvoli á
Hvolsvelli.
títför Áma fer fram frá Voð-
múlastaðakapellu í Austur-
Landeyjum í dag og hefst at-
höfnin klukkan 14.
Mig langar að minnast foðurbróð-
ur míns Árna Kristjánssonar með
nokkrum orðum, en hann verður
lagður til hinstu hvflu í Voðmúla-
staðakirkjugarði í dag við hlið
systkina sinna.
Ami ólst upp á Voðmúlastöðum í
hópi átta systkina og var sá fjórði í
aldursröðinni. Átti hann heima á
Voðmúlastöðum fyrri helming æv-
innar eða til ársins 1956, en þá flutt-
ist hann til Þorlákshafnar.
Það er erfitt að gera sér í hugar-
lund þær aðstæður sem fjölskyldan
stóð frammi fyrir þegar heimilisfað-
irinn féll frá árið 1921, bömin átta á
aldrinum sex til sautján ára. Þau
systkinin hafa aldrei haft mörg orð
um tilfmningar sínar á þessum tíma
en djúp virðing, ást og þakklæti til
móður sinnar segir sína sögu um
styrk, trú og dugnað hennar ömmu
minnar, sem kom öllum hópnum til
manns með sóma.
Ég man fyrst eftir Arna, þegar
ég fór í heimsókn með pabba til
ömmu ogjjeirra bræðra á Voðmúla-
stöðum. Árni var hæglátur og ekki
margmáU, en það sem hann lagði til
málanna var oft nokkuð fyndið að
mér fannst, og vildi ég því ekki tapa
af návistinni við hann. Hann bauð
krökkum sem komu í heimsókn að
spila „rússa“. Ami vann alltaf,
brosti góðlátlega eftir unnið spil og
sagði gjaman: „Ja, nú fór illa.“
Á þessum ámm starfaði Ámi
mikið með Ungmennafélaginu
Dagsbrún og var meðal annars að-
stoðarleikstjóri við uppsetningu á
leikritinu „Maður og kona“ en sú
uppsetning er minnisstæð þeim sem
til þekktu og hefur oft verið vitnað
til hennar í sögu félagsins. Ami var
mikfll dansmaður og allt til hins síð-
asta kom blik í augu, þegar hann
sagði frá vel heppnuðum marzurka
eða skottis, sem hann hafði dansað
við létta og lipra dömu.
Kynni okkar Áma endurnýjuð-
ust, þegar þau Guðrún fluttu aftur
frá Þorlákshöfn austur í Rangár-
vallasýslu, fyrst að Lundi á Hellu og
síðar á Kirkjuhvol á Hvolsvelli.
Þetta var góður tími hjá honum
Áma, búinn að ljúka starfsævinni,
fór oft í heimsóknir á bflunum sín-
um, en hann naut þess að eiga nýja
og fína bfla og skipti nokkuð þétt.
Hann bauð mér oft að „taka í“ og
sagði gjarnan að bfltúr loknum:
„Jæja, er hann ekki sæmilegur?"
En um það bil fyrir fjórum ákvað
hann að hætta að keyra bfl, hefur þá
fundið fyrir vanmætti sínum og
versnandi heilsu. Þó átti hann enn
nokkuð góða daga framundan, hon-
um leið vel á Kirkjuhvoli, fagnaði
Handrit afmælis- og minningargreina skulu
vera vel frá gengin, vélrituð eða tölvusett.
Sé handrit tölvusett er æskilegt, að disk-
lingur fylgi útprentuninni. Auðveldust er
móttaka svokallaðra ASCII-skráa, öðru
nafni DOS-textaskrár. Ritvinnslukerfin
Word og Wordperfect eru einnig auðveld í
úrvinnslu. Senda má greinar til blaðsins í
bréfasíma 569 1115, eða á netfang þess
(minning@mbl.is) — vinsamlegast sendið
greinina inni í bréfinu, ekki sem viðhengi.
Nánari upplýsingar má lesa á heimasíðum.
Það eru vinsamleg tilmæli að lengd greina
fari ekki yfir eina örk A-4 miðað við meðal-
línubil og hæfilega línulengd - eða 2.200
slög. Höfundar eru beðnir að hafa skírnar-
nöfn sín en ekki stuttnefni undir greinunum.
gestum sínum og spurði frétta, var
áhugasamur um menn og málefni
og umhyggjusamur fyrir sínu fólki.
En síðustu mánuðir voru erfiðir.
Heilsunni hrakaði og sjúkrahúsvist-
ir voru óhjákvæmilegar. En á
sjúkrabeði fagnaði hann enn gest-
um og spurði af umhyggju um sína.
I síðustu heimsókn minni til hans
sólarhring áður en hann kvaddi var
glettnin og gamla góða fyndnin enn
til staðar. Ég sat við rúmið hans og
var eitthvað að naga nögl og þá
sagði hann: „Þarftu nú að vera naga
á þér puttana til að hafa í þig?“
Að leiðarlokum vil ég þakka Árna
frænda mínum samverustundir all-
ar og bið honum Guðs blessunar í
nýjum heimkynnum.
Guð blessi eftirlifandi systkini,
Guðrúnu og vini hans alla.
Innilegar þakkir til starfsfólks á*
Kirkjuhvoli og allra annarra sem
reyndust honum vel.
Ingibjörg Marmundsdóttir.
t
Okkar ástkæra systir, mágkona og frænka,
MARÍA SVEINSDÓTTIR,
Víðigrund 8,
Sauðárkróki,
sem andaðist sunnudaginn 1. ágúst, verður
jarðsungin frá Sauðárkrókskirkju laugardaginn
7. ágúst kl. 14.00.
Þórarinn Sveinsson, Halldóra Pálsdóttir,
María Þórarinsdóttir,
Margrét Björk Andrésdóttir
og fjölskyldur.
t
Frændi okkar og vinur,
RAGNAR SIGURÐSSON,
elliheimiiinu Grund,
áður Arnargötu 10,
Reykjavík,
sem andaðist föstudaginn 30. júlí verður
jarðsunginn frá Fossvogskapellu í dag, föstu-
daginn 6. ágúst, kl. 15.00.
Gunnar Reynir Antonsson,
Sigrún S. Waage,
Ellen Guðmundsdóttir
og fjölskyldur.
Steinunn Gunnarsdóttir,
Hróðmar Gissurarson,
t
Innilegar þakkir til allra þeirra sem sýndu
hlýhug og samúð við andlát og útför hjartkærs
eiginmanns míns, föður okkar, tengdaföður og
afa,
ÍVARS KRISTJÁNSSONAR,
til heimilis í Hrafnagilsstræti 36,
áður Steinahlíð 3c,
Akureyri,
Rósa Sighvatz,
börn, tengdabörn og bamabörn.
Lokað
Elding Trading Company verður lokað í dag, föstudaginn
6. ágúst, vegna jarðarfarar KRISTJÁNS G.H. KJARTANSSONAR,
forstjóra.