Morgunblaðið - 06.08.1999, Blaðsíða 64

/-------
KOSTA
með vaxta þrepum
@ BLNADÁRBANKINN
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FÖSTUDAGUR 6. ÁGÚST 1999
VERÐ í LAUSASÖLU 150 KR. MEÐ VSK
HM íslenskra
hesta í Þýskalandi
Keppend-
ur yfír-
heyrðir
ÍSLENSKIR keppendur og gestir á
heimsmeistaramóti íslenskra hesta í
Kreuth í Þýskalandi voru kallaðir til
yfirheyrslu í gær hjá þýskum tollayf-
irvöldum vegna rannsóknar á meintu
skatta- og tollasvindli í tengslum við
útflutning á íslenskum hestum. Tveir
rannsóknarmenn voru á mótsstað í
gær og neituðu þeir að fresta yfir-
heyrslum þar til mótinu lyki.
Guðni Agústsson landbúnaðarráð-
herra telur óeðlilegt að verið sé að
yfirheyra íslenska ferðamenn sem
tengist keppnisliðinu út af tollamál-
um. Hann kveðst vona að friður
verði það sem eftir er mótsins.
Jón Albert Sigurbjörnsson, for-
maður Landssambands hestamanna-
félaga, segir að rannsóknarmennirn-
ir hafi bæði spurt um hesta sem
fluttir voru til Þýskalands í tengslum
við mótið og eldri mál. Hann segir ís-
lensku keppendurna mjög óánægða
með vinnubrögð Þjóðverjanna.
• ■ Keppendur/33
* ------------------
Lést í slysi
í Kaup-
mannahöfn
ÍSLENDINGUR um fimmtugt beið
bana þegar hann féll af reiðhjóli og
varð undir strætisvagni í Kaup-
mannahöfii í fyrradag.
Samkvæmt upplýsingum Morgun-
blaðsins hafði hópur hjólreiðamanna
staðnæmst á hjólabraut við gatna-
mót á H.C. Andersen Boulevard í
Kaupmannahöfn. I kös sem myndað-
ist féllu fjórir hjólreiðamenn í götuna
' .-Jþ íslendingurinn, sem var einn
þeirra, lenti undir strætisvagni og
lést samstundis.
Maðurinn var búsettur í Kaup-
mannahöfn. Ekki er unnt að greina
frá nafni hans að svo stöddu.
Nýir sigkatlar í Mýrdalsjökli
NÝIR sigkatlar hafa myndast í Mýrdalsjökli
síðustu daga. Helgi Björnsson, jökdafræðing-
ur á Raunvísindastofnun, flaug yfír jökulinn
í gær ásamt ljósmyndara Morgunblaðsins og
sáust þá greinilega níu katlar. Reynir Ragn-
arsson, lögreglumaður í Vík, segist munu
fylgjast með ástandinu í nánustu framtíð.
Helgi Björnsson segir að jarðhitavirkni
undir jöklinum hafí aukist mikið að undan-
förnu í þekktum sigkötlum, auk þess sem
vart hafí orðið við jarðhita á nýjum stöðum.
Jökullinn sé mjög sprunginn og varasamur
yfirferðar. Helgi telur hugsanlegt að þessi
aukna jarðhitavirkni sé fyrirboði Kötlugoss.
A.m.k. sé ástæða til að fylgjast vel með yfir-
borði jökulsins á næstunni.
Reynir Ragnarsson segist hafa merkt
breytingar á jöklinum í hvert sinn sem hann
hefur flogið yfir að undanförnu. Hann segir
að áfram sé í gildi viðvörun til ferðamanna
um að nátta ekki við jökulinn. Ekki er sér-
stakur viðbúnaður vegna umbrotanna í jökl-
inum en Reynir mun kanna breytingar á
nokkurra daga fresti eftir því sem veður og
aðrar aðstæður leyfa.
■ Níu sigkatIar/4
Morgunblaðið/Helgi Björnsson
SIGKATLARNIR tveir sem sáust fyrst í gærmorgun eru í forgrunni. Hvor þeirra er um tveir km í þvermál. Ofar til vinstri er sigketillinn sem
myndaðist við framhlaupið 20. júlí úr Sólheimajökli en myndin er tekin til suðvesturs.
Sala Kaupþings og sparisjóðanna á bréfum í FBA
Hagnaður talinn
J.300 til 1.950 milljónir
SÖLUHAGNAÐUR Kaupþings,
Sparisjóðabankans og sparisjóð-
anna vegna sölu dótturfyrirtækis
þeirra, Scandinavian Holdings SA..
í Lúxemborg, á 22,1% hlut í Fjár-
festingarbanka atvinnulífsins hf. er
nálægt 1.300 milljónum að teknu
tilliti til fjármagnskostnaðar, en
brúttó söluhagnaður er nærri 1.500
milljónir af þessum viðskiptum,
samkvæmt upplýsingum Morgun-
blaðsins.
|^l Aðrar heimildir herma að sölu-
hagnaðinn megi ætla talsvert
hærri eða 1,65 til 1,95 milljarða.
Það sem ber á milli er á hvaða
meðalverði Scandinavian Holdings
og eigendur þess hafi eignast hlut-
inn í FBA, en bréfin voru keypt af
ýmsum aðilum á mismunandi tíma.
Hlutabréf í FBA voru skráð á
"hlutabréfamarkaði í lok nóvember
1998 og var gengi bréfanna þá tæp-
Opnað aftur fyrir
viðskipti með
hlutabréf í FBA
lega 1,6, en þau höfðu verið boðin á
markaði fyrri hluta nóvembermán-
aðar á genginu 1,4 af ríkissjóði sem
seldi þá 49% hlut í bankanum. Síð-
an þá hefur gengi bréfanna hækk-
að og var nálægt 2,85 þegar við-
skiptin fóru fram.
Annars vegar er talið að meðal-
gengið hafi verið 1,6-1,8, þar sem
talsverður hluti hafi verið keyptur
með því að bjóða einstaklingum að
skrá sig fyrir hlut og kaupa strax
af þeim með álagi, en hins vegar er
Adð það miðað að meðalkaupgengið
hafi verið hærra.
Síðastliðinn miðvikudag stöðvaði
Verðbréfaþing íslands viðskipti
með hlutabréf í FBA þar sem
þingið taldi að ákvæði kauphallar-
laganna nr. 34/1998 um upplýs-
ingagjöf til þingsins um eigendur
Orca S.A. í Lúxemborg, sem
keypti bréfin, væru ekki uppfyllt.
Á sama tíma höfðu óstaðfestar
fregnir um eigendur Orca S.A.
birst í fjölmiðlum.
VÞÍ fékk ekki upplýsingar
í gær sendi Verðbréfaþingið frá
sér fréttatilkynningu þar sem segir
að beiðni Verðbréfaþings um upp-
lýsingar varðandi það hverjir séu
eigendur Orca hafi verið hafnað að
svo stöddu, og vekur þingið athygli
almennra fjárfesta á því að engar
staðfestar upplýsingar um eigend-
ur Orca S.A. liggi fyrir. Að gefinni
þessari yfirlýsingu opnaði VÞÍ aft-
ur fyrir viðskipti með hlutabréf í
FBA.
Hagnaður FBA fyrir skatta
eykst um 173% milli ára
Afkoman mun
betri en áætlað
HAGNAÐUR Fjárfestingarbanka
atvinnulífsins íyrir skatta á fyrstu
sex mánuðum þessa árs nam 973
milljónum króna og er það aukning
um 173% miðað við sama tímabil í
fyrra. Hagnaður að frádregnum
sköttum var 734 milljónir, sem er
sama upphæð og heildarhagnaður
síðasta árs. í könnuðu árshlutaupp-
gjöri bankans sem birt var í gær
kemur fram að afkoman er mun betri
en búist hafði verið við en í rekstrar-
áætlun bankans fyrir árið 1999 var
því spáð að hagnaður fyrir skatta
yrði 890 miHjónir fyrir allt árið.
Samkvæmt uppgjörinu má rekja
ástæður bættrar rekstrarafkomu til
umskipta í tekjumyndun bankans.
Vöxtur útlána hefur minnkað, nam
7% milli ára, en á sama tíma hefur
umsýsla með markaðsverðbréf auk-
ist, svo og lánveitingar til annarra
fjármálastofnana.
Jákvæð þróun á íslenskum fjár-
málamarkaði á fyrstu sex mánuðum
ársins og hagnaður af einstökum
viðskiptum á hlutabréfamarkaði
hafa fært bankanum meginhluta
aukinna rekstrartekna á fyrri hluta
ársins. Af 816 milljóna króna geng-
ishagnaði á fyrri hluta þessa árs má
rekja 100 milljónir til viðskipta með
skuldabréf en um 700 milljónir til
viðskipta með hlutabréf íslenskra
hlutafélaga og nemur hagnaður af
sölu bréfa í Baugi hf. og deCode
genetics um fjórðungi af þeirri upp-
hæð.
Bjarni Ármannsson, forstjóri
FBÁ, segir í samtali við Morgun-
blaðið að góður árangur í rekstri sé
að þakka réttri stefnu í rekstri
bankans og góðu og samhentu
starfsfólki.
■ Hagnaður/20