Þjóðviljinn - 31.03.1983, Blaðsíða 5
Fimmtudagur 31. mars 1983 WÓÐVILJINN SÍÐA 5
r
Seljalandsdalur á Isafiröi:
Paradís
skíðamanna
Viðtal við Sigrúnu Grímsdóttur sem rekur
skíðaskóla og skíðaskála
Eitthvert skemmtilegasta skíða-
land hérlendis er á Seljalandsda) í
Skutulsfírði en þar verður einmitt
skíðalandsmótið haldið um þessa
páska. Á fögrum degi er dásamlegt
að vera þar uppi, brekkur við allra
hæfí, óteljanlegir möguleikar til
göngu og frábært útsýni. Blaða-
maður kom þangað fyrir skömmu
og hitti að máli Sigrúnu Grímsdótt-
ur sem rekur skíðaskóla á staðnum
og einnig Skíðheima, skíðaskálann
á Seljalandsdal. Sigrún var í
fremstu röð íslenskra skíðamanna
en er nú hætt keppni. Þess skal get-
ið að ekki viðraði til myndatöku í
sjálfu skíðalandinu þegar viðtalið
fór fram. Þar var mugga.
- Hvernig fer starfsemi skíða-
skólans fram?
- Við erum 3 kennarar og hér
kennt frá kl. 9 á morgnana og langt
fram eftir kvöldi. Börn á aldrinum
7-9 ára eru fyrst á morgnana en
eftir hádegi er kennsla fyrir þá sem
eru í skólanum fyrir hádegi. Á
kvöldin er svo fullorðinskennsla.
- Hvað geta ungir krakkar verið
í skólanum.
- Yngsti flokkurinn er fyrir 6 ára
og yngri en aldurslágmark er
þriggja og hálfs árs. Þá verður hér
skíðagarður með gæslu fyrir yngstu
börnin um páskana. Þar verða smá
hólar og brautir fyrir þau yngstu
meðan foreldrarnir bregða sér á
skíði.
- Hvaða lyftur eru á boðstólum?
- Við erum með tvær Puma-
lyftur, sú lengri er 1200 metrar en
sú styttri er 800 metrar. Auk þess
er togbraut fyrir krakka.
- Það er mikill skíðaáhugi hér á
ísafirði?
- Já, alveg geysilegur. Það má
segja að hver einasti krakki alist
meira eða minna upp á skíðum og á
veturna er það helst togstreita milli
tónlistarskólans og skíðanna sem
setur sitt mark á þá. Mjög margir
stunda einnig tónlistarnám. Mest-
ur áhugi hefur verið fyrir sviginu en
nú er stöðugt meiri áhugi á göngu,
sérstaklega eftir að við fengum nýj-
an troðara.
- Fer þjálfurí keppnisfólks fram
á vegum þíns skíðaskóla?
- Nei, það er Skíðaráð ísafjarð-
ar sem sér um þá þjálfun og hefur
sérstakan þjálfara á sínum
snærum.
- Hvað með skíðaskálann?
Hvaða þjónustu veitir hann?
- Við getum tekið 38 manns í
koju en 70 hafa gist hér með því að
pakka sér saman. Við erum hér
með veitingasölu og góða setustofu
og í kjallaranum er skíðaleiga. Þar
er hægt að fá á leigu allan skíða-
búnað m.a.s. galla ef mikið liggur
við.
- Er mikil aðsókn í skálann yfir
vetrarmánuðina?
- Hér er alveg troðfullt um allar
helgar- og í miðri viku koma hér
hópar af skólakrökkum áð sunnan
og víðar að.
\ - GFr
Ákaflega glæsilegt útsýni er frá skíðaskálanum yfir Skutulsfjörð og ísafjarðarkaupstað. Ljósm.:GFr
Gamli skíðaskálinn á Seljalandsdal er stór, gamall og
traustur. Myndin er tekin í setustofu en skálinn rúmar
38 manns í kojur. Ljósm.:GFr
Veitingasalan í Skíðhcimum. Sigrún Grímsdóttir er til
hægri. Ljósm.:GFr
Lærið
Knattspyrnu
og ensku
í Engiandi
Þriðja árið í röð bjóðum við unglingum í knatt-
spyrnunám í Englandi. í Birmingham þar sem
leikið verður í æfingabúðum Aston Villa og
knattspyrnumenn þeirra og West Bromwich
Albion þjálfa nemendur. En auk þess bjóðum
við upp á dvöl í Exmouth og Swansea, þar
sem einnig gefst tækifæri til þess að iðka alls
konar íþróttir við sjó, svo sem köfun, siglingar,
sjóskíðaíþróttir o.s.frv. Þar eru einnig þekktir
íþróttamenn sem þjálfa.
Nemendur fljúga með Flugleiðum til London
og aka síðan með langferðabifreiðum til þess-
ara staða, þar sem tekið verður á móti þeim og
þeir gista á enskum heimilum. Þar borða þeir
og dveljast með heimilisfólkinu. Kennt er alla
virka daga frá mánudegi-föstudags og standa
námskeiðin hálfan mánuð hvert, en hægt er
að framlengja þau um eina eða tvær vikur.
Farið verður í keppnisleiki við heimamenn,
skoðunarferðir, sýndar kvikmyndir af þekktum
leikjum o.s.frv.
Nemendum gefst ennfremur tækifæri til að
stunda enskunám 1-2 tíma á dag.
Námskeiðin hefjast 20. júní-4. júlí-18. júlí-
l.ágúst og 15. ágúst.
Þátttaka er takmörkuð. Verð fyrir hálfan mán-
uð er kr. 7300- á mann og er innifalið kennsla,
gisting og fæði. En flug kostar í dag kr. 6422-
auk flugvallargjalds kr. 250- og er þá átt við
rauðan Apex, sem gildir lágmark viku, hámark
mánuð. Enskunámið er aukalega og kostar kr.
1480- fyrir hvert námskeið. Hver aukavika í
knattspyrnu kostar kr. 3420- og eru öll verð
miðuð við gengi í dag.
Ferðaskrifstofa
KJARTANS
HELGASONAR H.F.
Gnoðarvogur 44
Sími 86255
Opiö alla virka daga frá kl. 8-17,
og laugardaga frá kl. 8-12.