Dagblaðið Vísir - DV - 04.09.1996, Blaðsíða 10

10
MIÐVIKUDAGUR 4. SEPTEMBER 1996
Fréttir
Fjármagn fengið til að hreinsa
nikkelsvæðið í Njarðvík
DV| Suðurnesjum:
„Varnarliðið mun hreinsa svæð-
ið á sinn kostnað og hefur tryggt
fjármagn til að hreinsa öll mann-
virki ofan- og neðanjarðar á neðra
nikkelsvæðinu. Þá er verið að
vinna að rannsóknum á mengun á
svæðinu. Við erum fyrir löngu
búnir að skipuleggja svæöið undir
íbúðahverfi og mannvirkjagerð,"
sagði Ellert Eiríksson, bæjarstjóri
Reykjanesbæjar, við DV.
Varnarliðið á Keflavíkurflug-
velli mun á næstunni vinna í því á
fullu að hreinsa svokallað neðra
nikkelsvæði sem er milli Reykja-
nesbrautar og Hólahverfis í Njarð-
Nikkelsvæðiö sem á að hreinsa.
DV-mynd ÆMK
vík. Á svæðinu eru eldgamlir elds-
neytistankar ofanjarðar, sem
Bandaríkjamenn notuðu á stríðsár-
unum, og nýrri mannvirki. Olíu-
stöðin í Helguvík leysti síðan
tankasvæðið af.
Að sögn Ellerts hefur verið reynt
í mörg ár að fá Vamarliðið til þess
að tryggja fjármagn til að hreinsa
svæðið og skila því til bæjaryfir-
valda. Hann segist ekki vita hvenær
þeir fái svæðið í hendumar.
„Þetta svæði hefur verið mikil
lýti að sjá og því fagnaðarefni að
loksins er séð fyrir endann á því.
Þá er þörf fyrir byggingarsvæði í
bænum,“ sagði Ellert Eiríksson.
-ÆMK
Unniö viö nýja leikskólann - Brynjubæ á Flateyri. DV-mynd Guömundur
Flateyri:
Leikskóli byggður fyr-
ir gjafafé Færeyinga
DV, Flateyri:
„Þetta gjörbreytir öllum aðstæð-
um við leikskólann, ég veit að vísu
ekki hvort ákveðið hefur verið að
byggja upp útiaðstöðu við húsið. En
það verður bylting i inniaðstöðu,"
segir Gróa Haraldsdóttir, leikskóla-
stjóri á Flateyri.
Bygging nýs leikskóla á Flateyri
er vel á veg komin og mun skólinn
verða tekinn í notkun nú í haust.
Leikskólinn er byggður fyrir gjafafé
frá Færeyingum. Húsið sjálft, sem
er finsksmíðað bjálkahús, er stað-
sett í svonefndum Grænagarði neð-
an félagsheimilisins og því utan
allra hættusvæða á Flateyri.
„Búist er við því að húsið verði
tekið í notkun 10. nóvember, tveim-
ur mánuðum síðar en ráðgert var.
Ef haustið verður gott á það ekki að
koma að sök. Ef fer að snjóa er litla
húsið okkar fljótt að fara í kaf en þá
förum við eins og áður með börnin
í félagsheimilið. Við bíðum spennt-
ar eftir að geta byrjað í nýja húsinu
því þetta breytir öllu, bæði fyrir
bömin og starfsfólkiö," sagði Gróa.
GS
Grunnskólinn á ísafirði:
Nemendum fjölgar
- um 75% kennara með fuil réttmdi
DV, ísafiröi:
Nýr skólastjóri grunnskólans á
ísafirði, Kristinn Breiðfjörð Guð-
mundsson, hóf störf við skólann í
fyrra og hefur hann afráðið að vera
áfram. Tæplega 600 nemendur
munu stunda nám við skólann í vet-
ur sem er að sögn Kristins ívið
fleiri en á síðasta vetri. Þar af bæt-
ast 10 nýir nemendur í hópinn frá
ríkjum fyrrum Júgóslavíu.
Sagði Kristinn að svo skemmti-
lega vildi til að þessir nemendur
dreifðust í alla aldursflokka nema í
12 ára bekk, en tveir eru í 11 ára
bekk. Kristinn telur að það verði
ekki hvað síst skemmtilegt fyrir is-
lensku krakkana að fá þessa viðbót.
Frá því í vor hefur að sögn Krist-
ins gengið erfiðlega að fá réttinda-
kennara til starfa við skólann, utan
sex leiðbeinendur sem starfað hafa
við skólann og útskrifuðust á dög-
unum með kennarapróf eftir fjög-
urra ára fjarnám. Þetta em 13% af
starfsliðinu. Þrátt fyrir að erfiðlega
gangi að ráða réttindakennara út á
landsbyggðina hefur hlutfallið batn-
að hvað Grunnskólann á ísafirði
varðar. Þannig er hlutfall réttinda-
kennara við skólann í vetur um
75% sem er töluverð breyting frá
því sem áður var. -HK
Göngustígur upp
á Klausturheiði
DV, Kirkjubæjarklaustri:
Sjálfboðaliðasamtök um náttúru-
vernd gengust nýlega fyrir lagfær-
ingu á Gjótunni sem er göngustígur
upp á Klausturheiði. Þetta var þarft
átak því margir ferðamenn leggja
leið sína upp stíginn.
Þegar upp á fjallið er komið er
merkt gönguleið sem liggur austur
yfir heiðina og niður Bjamarklif
sem er skammt frá Stjórnarfossi að
tjaldstæðinu á Kleifum. Svo virðist
sem Systravatn, kyrrðin og fjalla-
sýn til Öræfajökuls hafi góð áhrif á
ferðamenn enda kallast gönguleiðin
orðið Ástarbrautin meðal heima-
manna. EAV
Göngustígarnir lagðir.
DV-myndir Elín
markaskrár að koma út
Nýjar
DV, Hólmavík:
Þessa dagana eru að koma út
markaskrár í öllum markaumdæm-
um landsins, átján að tölu. Stefnt er
að því að þær verði tiltækar í rétt-
um þessa hausts.
Að sögn Ólafs R. Dýrmundssonar
hjá Bændasamtökum íslands, sem
hefur eftirlit og umsjón með útgáfu
þeirra, er undirbúningsvinnunni
þannig háttað að markaverðir ann-
ast söfnun marka og útgáfu hver á
sínu svæði. Mörkin eru tölvuskráð
hjá Bændasamtökunum og afhent
prentsmiðjum í tölvutæku formi.
Það starf hefur að mestu verið unn-
ið af Guðlaugu Eyþórsdóttur, starfs-
konu þeirrar deildar. Markaskrár
eru gefnar út eigi sjaldnar en átt-
unda hvert ár samkvæmt lögum um
afréttarmálefni, fjallskil o.fl. nr.
6/1986 og reglugerð um búfjármörk,
markaskrár o.fl. nr. 579/1989.
Fyrir útgáfuna árið 1988 var gert
átak við að útrýma óleyfilegum
sammerkingum. Því tókst ekki að
ljúka þá en þess er vænst að með út-
gáfu markaskráa 1996 sé því verki
lokið. Auk markavarðanna hefur
markanefnd unnið mikið og vel að
þessum málum og tekið til úrskurð-
ar nokkuð á annað hundrað ágrein-
ingsmál á þessum árum, oftast þau
sem nær ógerlegt reyndist að leysa
úr heima í héraði. Formaður þeirr-
ar nefndar er Jón Höskuldsson í
landbúnaðarráðuneytinu og með
honum í nefndinni eru Ólafur R.
Dýrmundsson hjá Bændasamtökun-
um og Sigurður Sigurðarson, dýra-
læknir á Keldum.
í flestum markaskrám verða birt-
ar fjallskilasamþykktir en á því hef-
ur verið tröppugangur í undanförn-
um útgáfum. Á þessu ári hefur ver-
ið gert mikið átak víða um landið
við að endurskoða þær og jafnvel
endurskrifa þær frá grunni í sam-
ræmi við breytingar sem orðið hafa
á fjallskilamálum á seinni árum.
Landbúnaðarráðherra staðfestir
þær eftir að þær hafa farið um
hendur Jóns Höskuldssonar í því
ráðuneyti.
Til nýmæla verður að teljast að
nú verða í fyrsta sinn birt fastnúm-
er hrossaræktenda í nýrri marka-
skrá, þ.e. þeirra sem skráð eiga
mörk í viðkomandi markaskrá. Að
lokinni útgáfu markaskráa á þessu
ári er áformað að gefa út nýja lands-
markaskrá, sem er mörgum, líka
búlausum, áhugaverð lesning.
-GF