Dagblaðið Vísir - DV - 04.09.1996, Blaðsíða 18

34
MIÐVIKUDAGUR 4. SEPTEMBER 1996
Sviðsljós
Liam Neeson
undir hníf-
inn á Ítalíu
írski kvikmyndaleikarinn
Liam Neeson var fluttur í
skyndingu á sjúkrahús á Ítalíu
um liðna helgi og gekkst undir
skurðaðgerð vegna þarmastíflu.
Liam var staddur á kvikmynda-
hátíðinni í Feneyjum á frumsýn-
ingu myndarinnar „Michael
Collins" þar sem hann leikur
aðalhlutverkið þegar hann
kenndi sér meins. Aðgerðin var
gerð á sjúkrahúsi I borginni
Padua og tókst hún með ágæt-
um. Ofangreind mynd fjallar um
samnefndan írskan byltingar-
mann frá fyrri hluta þessarar
aldar og leikstjóri hennar er
hinn rómaði Neil Jordan.
De Niro í
hnífaleik
Leikarinn Robert De Niro er
þekktur fyrir að búa sig vel und-
ir hlutverk sín. Hann gerði enga
undantekningu fyrir myndina
The Fan þar sem hann leikur
klikkaðan hnífasölumann. De
Niro kynnti sér hnífamálin svo
vel að hann var sífellt að skera
sig í fingurna svo framleiðend-
um myndarinnar þótti nóg um
og létu slæva kutana.
Gwyneth Paltrow orðuð við óskarsverðlaun eftir leik sinn í Emmu:
Efst á óskalistanum að
eignast barn með Brad
Gwyneth Paltrow hefur til þessa
verið þekktari fyrir kærastann sinn
en afrek sín á hvíta tjaldinu. En eft-
ir frammistöðu sína í kvikmyndinni
Emmu, sem byggð er á verki bresku
skáldkonunnar Jane Austen, má bú-
ast við að dæmið snúist við. Þykir
Gwyneth standa sig með þvílíkum
áægtum í Emmu að margir búast
við að hún hreppi óskarsverðlaunin
í mars á næsta ári.
Einhver Bretinn kann að verða
hvumsa þegar rætt er um að veita
ungri konu, sem ólst upp á götum
New York, óskarsverðlaun fyrir
túlkun á einni söguhetju Jane Aust-
en en breskur framburður Gwyneth
þótti svo góður að maður nokkur
spurði af hverju hann hefði aldrei
séð þessa stórkostlegu bresku
leikkonu.
En þrátt fyrir velgengnina hefur
Gwyneth áhuga á öðru og meiru en
að verða aðalleikkonan í Hollywood.
Hún óskar þess heitast að eignast
barn með kærastanum, leikaranum
Brad Pitt.
„Við viljum bæði eignast barn.
Brad er einstakur og yndislegur
maður og verður örugglega góður
pabbi. En ég er frekar gamaldags og
vil helst að við giftum okkur fyrst.
Brad er á sama máli,“ segir Gwy-
neth og bætir við: „Við vorum alin
upp i þeirri trú að hjónaband væri
afar mikilvægt og gefandi fyrir tvær
manneskjur."
Gwyneth, sem er 23 ára, kynntist
Brad, 32 ára, við tökur á sakamála-
myndinni Seven fyrir tveimur
árum. Hafa þau verið óaðskiljanleg
síðan. Engu að síður furðar Gwy-
neth sig á hvemig þau byrjuðu að
vera saman.
„Það hvarflaði aldrei að mér að
daðra við nokkurn mann þó svo ég
væri skotin. Brad sagði mér að sér
hefði strax líkað við mig en ég vissi
ekki að hann væri annað og meira
en bara vinalegur. En svo fór ég að
verða yör við tilfinningar i hans
garð og hugsaði sem svo: Ertu brjál-
uð, manneskja, að vera skotin í Brad
Pitt. Taktu þig taki.“
En Gwyneth var fljótlega kynnt til
sögunnar sem kærasta Brads Pitts
og kynntist strax öllu því furðulega
sem slikri stöðu fylgir. „Þetta hefur
verið eins og sirkus síðan við byrj-
uðum saman og afls kyns vitleysa
verið sögð um okkur. Til dæmis sú
að Brad hafi klæðst nærfatnaði af
mér við óskarsverðlaunaafhending-
una sem eins konar lukkugripum.
En svona er lífið i Hollywood.“
Gwyneth segir að óttinn við um-
sátur ljósmyndara og að verða af-
hjúpaður geri að verkum að hún sé
mjög varkár. Þannig hafl þau viljað
slappa af í heita pottinum á verönd-
inni eitt kvöldið eftir erflðan dag.
En af ótta við að einhver vitleysing-
ur væri á gægjum með infrarauða
myndavél ákváðu þau að klæðast
sundfótum. „Og eftir að Brad lék í
Twelve Monkeys gaf Bruce Willis
honum pappírstætara. Svo virðist
sem fólk fari í ruslið hjá manni í leit
að fóðri fyrir slúðurblöðin," segir
Gwyneth Paltrow.
Gwyneth Paltrow og Brad Pitt.
Manley-systurnar eru nú allar giftar konur og ekki annað aö sjá en þeim líki
þaö vel.
Alex í brúðkaupi litlu systur
Alexandra prinsessa, eiginkona
Jóakims Danaprins, var frá sér num-
in af gleði þegar hún horfði á litlu
systur sína ganga í hjónaband í Vín-
arborg í síðasta mánuði. Hún hafði
verið við mörg brúðkaup síðan hún
sjálf giftist prinsinum sínum en eng-
in athöfn var henni kærari en þessi,
að hennar eigin brúðkaupi undan-
skildu.
„Til hamingju, litla systir. Þetta er
stórkostlegt brúðkaup," sagði Alex-
andra við hina 26 ára gömlu Mart-
inu. Og nú eru allar Manley-systum-
ar þrjár búnar að gifta sig.
Brúðhjónin ungu, Martina og
Andrew Bent, buðu 130 manns til
veislunnar og komu gestirnir frá öll-
um heimsins hornum. Foreldrar
brúðarinnar komu að sjálfsögðu frá
Hong Kong, svo og Nicola systir með
mann og barn, foreldrar brúðgu-
mans og amma komu frá Englandi,
Alexandra og Jóakim komu frá Dan-
mörku og nokkrir vinir brúðhjón-
anna og ættingjar frá Austiuríki.
Hjónavígslan fór fram I hinni ka-
þólsku Salvatorkirkju í miðborg Vín-
ar. Brúðurin kom til kirkjunnar í
hvítum Rolls Royce glæsivagni en þá
höfðu fjórir vinir brúðgumans, þar á
meðal Jóakim, vísað gestum til sætis
og afhent þeim sálmana sem sungnir
voru. Jóakim og hinir vinirnir þrír
voru allir klæddir í gullbróderað
vesti sem var sérstaklega saumað í
Hong Kong. Þar var brúðarkjóllinn
einnig saumaður, krítarhvítur með
stutt slör.
„En hvað þú ert falleg," sagði
Alexandra þegar hún sá systur sína í
kjólnum, með rósavönd I hendi. Og
víst er allir viðstaddir gátu tekið
undir með henni.
Misstu ekki af besta tíma dagsins
Hringdu núna!
ÁSKRIFTARSÍMINN E R
800 70 80
-besti tími dagsins!
Marcelo Costa knúsar hér Ijónynjuna Lúmu sem haldiö hefur veriö sem
gæludýri í bakgarðinum heima hjá honum í Rio de Janeiro sl. átta ár. Fjöl-
skyldan keypti Lúmu fyrir 100 grömm af gulii þegar hún var 24 daga gömul.
Fjölskyldan hýsir einnig 24 viiliketti og 12 hunda en enginn etur meira en
Lúma eða 3-8 kg af kjöti á dag. Engin lög eru til sem banna fjölskyldunni aö
hafa Lúmu hjá sér en hún hefst við í búrí í bakgaröinum. Símamynd Reuter