Morgunblaðið - 01.03.2004, Page 1

STOFNAÐ 1913 60. TBL. 92. ÁRG. MÁNUDAGUR 1. MARS 2004 PRENTSMIÐJA ÁRVAKURS HF. mbl.is
Flöskupokar
úr íslenskri ull
Ullarflókar koma skemmtilega út
í ýmsum nytjahlutum | Daglegt líf
Fasteignir | Frumvarp um fasteignasölu
Athafnakona í
iðnaðarhúsnæði
Baðherbergið Íþróttir | Bikarstemning
í handboltanum
Snæfell deildarmeistari
Eiður skoraði
Fasteignir og Íþróttir í dag
AUKIN harka virðist hlaupin í
deilu hjúkrunarfræðinga og sjúkra-
liða við Heilsugæsluna í Reykjavík.
Heilsugæslan hefur gert bráða-
birgðasamkomulag við fyrirtækið
Alhjúkrun og munu þrír starfsmenn
á vegum fyrirtækisins hefja vinnu
fyrir Heilsugæsluna strax í kvöld.
Þá hafa þrír starfsmenn af þeim
fjörutíu sem sögðu upp störfum hjá
Heilsugæslunni dregið uppsagnir
sínar til baka.
Ekki hefur verið greint frá því
hvað Heilsugæslan greiðir fyrir
þjónustu Alhjúkrunar en Elsa B.
Friðfinnsdóttir, formaður Félags ís-
lenskra hjúkrunarfræðinga, Fíh,
segir það sérkennilegt að samið sé
við slíkt fyrirtæki því að eftir því
sem hún hafi komist næst greiði
þessar starfsmannaleigur talsvert
hærri laun en hjúkrunarfræðingar
fái hjá ríkinu. Því sé eðlilegt að
spyrja hvers vegna Heilsugæslan
treysti sér til þess að greiða þeim
betur en sínu eigin fólki. Hún telur
að lítið beri í milli og ef Heilsugæsl-
an væri reiðubúin að gefa eilítið eft-
ir væri hægt að leysa deiluna með
tímabundnum „sólarlagsákvæð-
um“.
Talsmenn starfsmannanna sem
sagt hafa upp frá og með deginum í
dag segja kröftum yfirstjórnar
Heilsugæslunnar undanfarna daga
ekki hafa verið varið til þess að
leysa deiluna heldur miklu frekar í
það að storka starfsmönnum með
því að auglýsa stöður þeirra lausar
og leita til annarra aðila um að þeir
taki að sér störf þeirra. Þeir hvetja
heilbrigðisráðherra til að hlutast til
um að skapa á ný frið um heima-
hjúkrunina.
Þórunn Ólafsdóttir hjúkrunarfor-
stjóri segir að ekki sé formlega búið
að ganga frá samningi við Alhjúkr-
un en fyrir liggi loforð um að starfs-
menn fyrirtækisins muni starfa fyr-
ir Heilsugæsluna og ganga
kvöldvaktir í kvöld. Þórunn segir
hins vegar ekki vera frágengið
hversu mikið Heilsugæslan muni
greiða fyrir þjónustu Alhjúkrunar.
Deilan um heimahjúkrun á höfuðborgarsvæðinu enn óleyst
Sjálfstætt hjúkrunarfyrirtæki
annast hluta kvöldvakta
Sérkennilegt segir formaður Fíh Á SÍÐUSTU 5 árum hefur nemum í fram-haldsnámi við HÍ fjölgað um nálega 150%.
Þeir eru nú 1.240. Þar af leggja 1.130 nem-
endur stund á meistaranám og 110 á dokt-
orsnám, sagði Páll Skúlason háskólarektor
við brautskráningu kandídata á laugardag.
„Vöxturinn jafngildir því,“ sagði Páll,
„að innan vébanda Háskóla Íslands hafi
orðið til nýr háskóli með yfir 1.200 nem-
endur sem eru allir meira eða minna virkir
í rannsóknarstarfi. Að auki eru þeir iðulega
í nánum tengslum við fyrirtæki og stofn-
anir í þjóðfélaginu sem oft taka beinan þátt
í þessari uppbyggingu með styrkjum og
fjárframlögum.“ /6
Mikil fjölgun
framhalds-
nema við HÍ
Morgunblaðið/Kristinn
GEORGE W. Bush Bandaríkjafor-
seti tilkynnti í gær að hann hefði
ákveðið að senda bandaríska land-
gönguliða til Haítí og munu þeir
fara fyrir alþjóðlegum hersveitum
sem ætlað er að tryggja stöðugleika
í landinu. Frakkar hyggjast einnig
senda hermenn til Haítí. Fyrr um
daginn hafði forseti Haítí, Jean-
Bertrand Aristide, sagt af sér emb-
ætti og haldið í útlegð.
AP-fréttastofan hafði eftir ónafn-
greindum embættismanni í Wash-
ington að bandarísku landgöngulið-
arnir myndu halda strax til Haítí og
voru þeir væntanlegir til höfuðborg-
arinnar Port-au Prince í nótt. Við-
ræður hófust þegar í gær í Örygg-
isráði Sameinuðu þjóðanna um
ályktun þar sem kveðið yrði á um
hlutverk alþjóðlegra friðargæslu-
sveita í landinu.
Stjórnleysi í Port-au Prince
Haft var eftir Guy Philippe, leið-
toga uppreisnarmanna, að hann
yrði senn kominn til Port-au Prince.
„Ég held að hið versta sé afstaðið og
nú bíðum við bara alþjóðlegu her-
sveitanna. Við munum sýna þeim
fullan samstarfsvilja,“ sagði Phil-
ippe við CNN-sjónvarpsstöðina.
Mikil ringulreið ríkti í Port-au
Prince eftir að Aristide flýði land og
gengu stuðningsmenn hans ber-
serksgang, skutu af byssum sínum
og stunduðu gripdeildir. Seint í gær
lýsti lögreglan yfir útgöngubanni.
Rúmlega þrjár vikur eru nú liðn-
ar síðan uppreisn hófst á Haítí en
óánægja hefur verið með stjórnar-
hætti Aristides. Er talið að um 100
manns hafi beðið bana í þeirri óöld
sem hefur ríkt undanfarnar vikur.
Aristide sagði í yfirlýsingu að
hann vildi ekki að meira blóði yrði
úthellt. „Ef afsögn mín getur orðið
til að fyrirbyggja frekari blóðsút-
hellingar þá er ég tilbúinn til að
hverfa á brott,“ sagði hann.
Bandarísk og frönsk stjórnvöld
fögnuðu ákvörðun Aristides en þau
hafa gagnrýnt hann harðlega und-
anfarna daga og hvatt hann til að
hugleiða afsögn. Richard Boucher,
talsmaður utanríkisráðuneytisins
bandaríska, staðfesti að Aristide
hefði notið aðstoðar Bandaríkja-
manna við að komast úr landi en
hann flaug frá Port-au Prince eld-
snemma í gær. Ekki var vitað hvert
hann fór en bæði Panama og Kosta
Ríka höfðu lýst sig reiðubúin til að
veita honum tímabundið hæli.
Bandarískir land-
gönguliðar til Haítí
AP
Stuðningsmenn Aristide, forseta Haítí, voru ósáttir þegar fréttist að hann væri farinn í útlegð. Margir íbúar
borgarinnar Cap-Haitien í norðurhluta landsins fögnuðu hins vegar innilega en stuðningur við uppreisnar-
menn er einna mestur þar. Í Port-au Prince ríkti stjórnleysi lengi dags eftir að fréttist um afsögn Aristides.
Aristide forseti
sagði af sér og
er farinn í útlegð
Washington, Port-au Prince. AP, AFP.
 Aristide/13
Fögnuðu afsögn Aristides
ÞÝSKIR jafnaðarmenn guldu afhroð í fylk-
iskosningum sem fram fóru í Hamborg í gær
ef marka má spár sem byggðu á talningu
hluta atkvæða. Niðurstaðan er sögð mikið
áfall fyrir Gerhard Schröder, kanslara
Þýskalands, en talið er að kjósendur hafi vilj-
að refsa Schröder fyrir
óvinsælar umbætur í
efnahagsmálum sem
hann hefur beitt sér fyrir.
Fyrstu tölur bentu til
að SPD-flokkur Schröd-
ers myndi fá um það bil
30% atkvæða en Kristi-
legir demókratar (CDU)
allt að 47%. Yrði þetta
versta útkoma SPD í
Hamborg frá því í síðari heimsstyrjöldinni.
CDU bætir hins vegar verulega við sig, fékk
aðeins 26,2% í síðustu kosningum, 2001.
CDU áfram við völd
Grannt var fylgst með kosningunum í
Hamborg enda þykja þær gefa vísbendingar
um stöðu Schröders sem á næstunni þarf að
ganga í gegnum kosningar í mörgum sam-
bandslanda Þýskalands, auk þess sem Evr-
ópuþingskosningar fara fram í sumar.
Úrslitin í Hamborg þýða að CDU verður
áfram við völd í Hamborg og allt benti reynd-
ar til að flokkurinn myndi geta stjórnað
borginni án aðstoðar minni flokka.
CDU hefur stýrt málum í Hamborg frá því
eftir kosningarnar 2001 í samstarfi við flokk
dómarans hægrisinnaða, Ronald Schill. Til
kosninganna nú var hins vegar boðað eftir að
erfiðleikar komu upp í samstarfinu. Schill,
sem fékk 19,4% í kosningunum 2001, fékk að-
eins 3% að þessu sinni og rauf því ekki múr-
inn sem þarf til að fá fulltrúa kjörna.
SPD galt
afhroð í
Hamborg
Hamborg. AFP, AP.
Gerhard Schröder