Morgunblaðið - 01.03.2004, Side 6

FRÉTTIR
6 MÁNUDAGUR 1. MARS 2004 MORGUNBLAÐIÐ
Einnig eigum við til
Cherokee Overland árg. ‘04
Verð kr. 5.700.000
og á súperverði
nýr Dodge Ram 2500 Diesel, leður, árg. ‘04 Verð kr. 4.600.00
RISATILBOÐ
á nýjum Cherokee jeppum árg. 2003
Netsalan ehf. • Knarravogi 4 • sími 517 0220
Alltaf með nýjungar!
Cherokee Limited ‘03
verð kr. 4.990.000
Cherokee Overland ‘03
verð kr. 5.200.000
Háskólarektor sagði þennan
nýja Rannsóknar-Háskóla vera
eina meginskýringuna á mikilli
fjölgun nema og á aukinni fjárþörf
Háskólans til kennslu, rannsókna
og margvíslegra þjónustuverk-
efna. Páll sagði það því skipta afar
miklu máli að allur almenningur
og stjórnvöld gerðu sér grein fyrir
þeirri staðreynd að Rannsóknar-
Háskóli Íslands væri ekki að verða
til vegna duttlunga eða löngunar
NÝJA náttúrufræðihús Háskóla Ís-
lands í Vatnsmýri hefur hlotið
nafnið Askja að því er Páll Skúla-
son rektor greindi frá við braut-
skráningu kandídata á laugardag-
inn. Að þessu sinni voru
brautskráðir 245 kandídatar og
þar af voru 44 að ljúka meist-
aranámi en að auki hafa fjórir lok-
ið doktorsnámi frá því í október.
Páll greindi í ræðu sinni frá
mikilli fjölgun nemenda í meist-
ara- og doktorsnámi við HÍ en nú
stunda 1.130 nemendur meist-
aranám og 110 doktorsnám við
skólann. Páll benti á að framhalds-
nemum hefði fjölgað um hátt í
150%.
Rannsóknar-Háskóli
Íslands að verða til
„Vöxturinn jafngildir því,“ sagði
Páll, „að innan vébanda Háskóla
Íslands hafi orðið til nýr háskóli
með yfir 1200 nemendur sem eru
allir meira eða minna virkir í
rannsóknarstarfi. Að auki eru þeir
iðulega í nánum tengslum við fyr-
irtæki og stofnanir í þjóðfélaginu
sem oft taka beinan þátt í þessari
uppbyggingu með styrkjum og
fjárframlögum. Við gætum kallað
þennan skóla „Rannsóknar-
Háskóla Íslands“ og gefið honum
formlega stöðu eins og víða er
gert erlendis ...“
HÍ til að þenja sig út og gína yfir
rannsóknum og háskólamenntun í
landinu.
„Hann er að verða að veruleika
vegna brennandi áhuga fjölda Ís-
lendinga á eflingu vísinda og
fræða og þar með á æðri menntun
í þágu íslensks þjóðfélags – og
vegna þess að allt starf Háskóla Ís-
lands hefur frá öndverðu verið
fólgið í því að svara af fullum
krafti þörf þjóðfélagsins fyrir
fræðilega menntun og rannsóknir.
[-] Okkur skortir satt að segja að-
eins herslumun til að skapa hér
ákjósanlegustu skilyrði í húsa-
kosti, tækjabúnaði og launum og
tryggja þar með að „Rannsóknar-
Háskóli Íslands“ verði sú grósku-
mikla uppspretta nýrra hugmynda
í vísindum, fræðum og tækni sem
Ísland þarf öllu öðru fremur á að
halda til að efla sjálfstæði sitt í
framtíðinni,“ sagði Páll.
Nýja náttúrufræðihúsið í
Vatnsmýri heitir Askja
Morgunblaðið/Kristinn
„Við gætum kallað þennan skóla „Rannsóknar-Háskóla Íslands“ og gefið honum formlega stöðu eins og víða er
gert erlendis…“ Þetta sagði Páll Skúlason rektor þegar hann brautskráði 245 kandídata á laugardag.
Yfir 1.200 nem-
endur HÍ virkir í
rannsóknarstarfi
Á FUNDI Félags eldri borgara
og Öryrkjabandalags Íslands
vegna heimahjúkrunardeilunn-
ar á laugardag var samþykkt
ályktun þar sem því er harð-
lega mótmælt að verið sé að
rýra aðbúnað veikustu þegna
landsins. Skorað var á stjórn-
völd að ekki yrði gripið til neyð-
arþjónustu eins og um náttúru-
hamfarir væri að ræða.
Ólafur Ólafsson, formaður
Félags eldri borgara, segir að
margir í félaginu beri ótta í
brjósti vegna þessa ástands
sem muni skapast ef deilan
leysist ekki. „Menn sjá það að
ef helmingur starfsmannanna
fer þá þýðir ekki fyrir stjórn-
endur heilsugæslunnar að
koma og segja að það verði ekki
nein veruleg röskun. Við botn-
um einfaldlega ekki í þeirri
samlagningu. Það sjá allir að
það verður veruleg röskun á
heimahjúkruninni. Og þetta er
viðkvæmasta þjónustan,“ segir
Ólafur.
Ólafur segir það ekki vera
neina lausn að menn geti leitað
til félagsmiðstöðvanna og
heilsusgæslustöðva eins og
stjórnendur Heilsugæslunnar
hafi stungið upp á. „Það sýnir
sig nú þegar að þær hafa of
mikið að gera.“
Ólafur segir vel vera hægt að
leysa deiluna og bendir t.d. á að
formaður Hjúkrunarfræðinga-
félagsins hafi komið með ágæta
tillögu.
Ekki verði
gripið til
neyðar-
þjónustu
RANNSÓKN á líkfundinum í Nes-
kaupstað miðar vel áfram en fyrir
liggur játning í málinu eins og fram
kom í Morgunblaðinu á laugardag-
inn. Lögreglan á Eskifirði leitar nú
að áhaldi, væntanlega hnífi, sem
stungið var í líkið en talið er að
áhaldið sé í sjónum fyrir utan
bryggjuna á Norðfirði og hafa því
kafarar aðstoðað lögregluna við leit-
ina.
Teppið, sem lögreglan auglýsti
eftir á föstudag, hefur enn ekki
komið í leitirnar.
Lögreglan hefur vissu fyrir því að
einhverjir mannanna þriggja, sem
nú sitja í gæsluvarðhaldi, keyptu
teppið föstudagsmorguninn 6. febr-
úar í verslun BYKO í Kópavogi.
Grunurinn styrkist gegn
öllum mönnunum þremur
Arnar Jensson, aðstoðaryfirlög-
regluþjónn hjá Ríkislögreglustjóra,
segir að þau gögn og upplýsingar
sem verið hafa að koma fram við
rannsókn málsins styðji þann grun
sem fyrir hendi er og gæsluvarð-
hald yfir mönnunum þremur bygg-
ist á. Arnar staðfestir að grunurinn
styrkist gegn þeim öllum en ekki
bara gegn einum eða tveimur
þeirra.
„Rannsóknin gengur vel og henni
er haldið áfram af fullum krafti og
henni miðar í þá átt sem grunurinn
hefur beinst að og hann styrkist eft-
ir því sem henni vindur fram.“
Arnar segir teppið enn ekki hafa
fundist og lögreglan óski sem fyrr
eftir upplýsingum hjá þeim sem
telja sig hafa orðið vara við slíkt
teppi. „Við höfum fengið einhverjar
ábendingar,“ segir Arnar, „en þær
hafa ekki reynst réttar.
Arnar segir ekki enn ljóst hvenær
staðfest dánarorsök Vaidas Jucivi-
cius muni liggja fyrir.
Morgunblaðið/Júlíus
Lögreglan hefur vissu fyrir að hinir grunuðu hafi keypt nákvæmlega
svona teppi í BYKO að morgni föstudagsins 6. febrúar.
Teppið hefur ekki
komið í leitirnar
SKEMMDIR voru unnar á golfvell-
inum í Vestmannaeyjum aðfaranótt
laugardags þegar stolnum bíl var
ekið yfir flatir og girðingar. Ekki
urðu miklar skemmdir á flötunum
þar sem frost var í jörðu. Ökumað-
ur keyrði yfir og eyðilagði allar
girðingar umhverfis æfingasvæði á
vellinum.
Að sögn Ragnars Þórs Baldvins-
sonar, formanns vallarnefndar Golf-
klúbbs Vestmannaeyja, bjargaði
frostið því sem bjargað varð. Hefði
ekki verið frost í jörðu hefðu
skemmdir á flötunum getað orðið
miklar, að mati Ragnars Þórs.
Hann kveðst ekki geta sagt með
vissu hve mikið tjónið er, en telur
það geta hlaupið á hundruðum þús-
unda.
Ekki er vitað hvað ökumanni
gekk til með athæfinu. Bíllinn, sem
stolið var úr bænum fyrr um nótt-
ina, stórskemmdist en ökumaður
yfirgaf hann 3–4 metra frá bjarg-
brún, þaðan sem 20–30 metrar eru í
stórgrýti og sjó. Málið er í rann-
sókn hjá lögreglunni í Vestmanna-
eyjum.
Morgunblaðið/Sigurgeir
Girðingar umhverfis æfingasvæði Golfklúbbs Vestmannaeyja voru keyrð-
ar niður. Frost var í jörðu svo ekki urðu miklar skemmdir á flötunum.
Skemmdir
unnar á
golfvellin-
um í Eyjum
Frost í jörðu
bjargaði flötunum
Vestmannaeyjum. Morgunblaðið.
LÖGREGLAN í Keflavík stöðvaði
sautján ára ökumann á ofsahraða á
Reykjanesbraut um helgina. Mæld-
ist hann á 149 km hraða og verður
hann sviptur ökuleyfi fyrir þetta
aksturslag.
Ofsaakstur á
Reykjanesbraut
♦♦♦