Morgunblaðið - 01.03.2004, Síða 35

FRÉTTIR
MORGUNBLAÐIÐ MÁNUDAGUR 1. MARS 2004 35
Dagskort
á skíðasvæði
höfuðborgarinnar
fylgja skíða- og
brettapökkum
H
ön
nu
n:
G
un
na
r
S
te
in
þó
rs
so
n
/ M
ar
ki
ð
/ 0
2.
20
04
Frábær tilboð á skíða-
og brettapökkum
20-30% afsláttur
UPPLÝSINGUM um reiðleiðir
verður safnað saman og kort með
reiðleiðum gerð almenningi aðgengi-
leg á Netinu, en samningur þess efn-
is hefur verið undirritaður af Land-
mælingum Íslands, Landssambandi
hestamannafélaga (LH) og Vega-
gerðinni. Hestamenn segja það vera
mikið umhverfis- og öryggismál að
gera upplýsingagrunn um reiðleiðir
aðgengilegan almenningi, en búist er
við að um 80–85 þúsund innlendir
sem erlendir ferðamenn eigi eftir að
ferðast um landið á hestbaki á þessu
ári.
Ætlunin er að kortlegga 150 leiðir
á þessu ári, þar af eiga 50 leiðir að
vera tilbúnar fyrir 1. júní á þessu ári.
Hestamannafélögin munu sjá um að
afla gagna um reiðleiðir, Landmæl-
ingar munu koma upplýsingunum í
landfræðilegt upplýsingakerfi og
Vegagerðin númera reiðleiðir og
veita upplýsingar um hvaða leiðir
hafa verið viðurkenndar. Kostnaðar-
áætlun fyrir verkið liggur ekki fyrir,
en reiðleiðir um allt land verða
skráðar í grunninn.
Hestamenn virkjaðir
til samstarfs
„Við þurfum náttúrlega á hesta-
mönnum að halda, við þurfum GPS
punkta og hjálp þeirra sem fara um
landið við að taka niður punkta. Við
ætlum að reyna að virkja hesta-
mannafélögin í landinu sem eru 48
talsins, hvert á sínu svæði, til að afla
þeirra gagna sem við þurfum,“ segir
Jón Albert Sigurbjörnsson, formað-
ur LH.
Upplýsingar um reiðleiðir verður í
framtíðinni hægt að finna á vef LH,
sem og vef Landmælinga, sem einnig
munu gefa út kort með reiðleiðum.
„Draumurinn er sá að um leið og
menn kalla fram veganúmer geti
þeir fengið upplýsingar um hvaða að-
staða er í boði. Séð hvar er styst í
gistingu, hvar er aðhald fyrir hrossin
og svo framvegis,“ segir Jón Albert.
Á blaðamannafundi þar sem
samningurinn var undirritaður,
sagði Einar K. Guðfinnsson, formað-
ur ferðamálaráðs, að búast mætti við
að 80–85 þúsund ferðamenn fari um
landið á hestbaki á þessu ári, í lengri
eða styttri ferðum. Könnun sem gerð
var árið 2000, þegar um 300.000
ferðamenn komu til landsins, leiddi í
ljós að 60–70 þúsund erlendir ferða-
menn og 14 þúsund innlendir ferð-
uðust um landið á hestbaki. Í ár sé
gert ráð fyrir talsvert fleiri ferða-
mönnum, eða um 350 þúsund.
Jón Albert segir að þetta sýni að
gríðarlegur fjöldi fari á hestbak hér
á landi. „Þetta er viðkvæmt land og
gróðurinn kemur seint upp. Við get-
um líka lokað leiðum, t.d. þannig að
það komi fram á Netinu að ákveðnar
leiðir séu blautar og erfiðar yfirferð-
ar,“ segir hann og bætir við að skrán-
ing reiðleiða sé mikið umhverfismál
og á þennan hátt séu hestamenn að
bregðast við aukinni umferð hesta-
manna. Einnig sé þetta mikið örygg-
ismál, Vegagerðin, sem og hesta-
menn, vilji hafa reiðleiðir í ákveðinni
fjarlægð frá umferðargötum.
Reiðleiðir verða kort-
lagðar og settar á Netið
Morgunblaðið/Árni Sæberg
Einar K. Guðfinnsson, formaður ferðamálaráðs, segir að gera megi ráð
fyrir að 80–85 þúsund manns muni ferðast um landið á hestbaki á þessu ári.
Við hlið hans sitja Magnús Guðmundsson, forstjóri Landmælinga, Jón Al-
bert Sigurbjörnsson, formaður Landssambands hestamannafélaga, og Ey-
mundur Runólfsson, deildarstjóri áætlanasviðs Vegagerðarinnar.
MAGNÚS Gottfreðssson smit-
sjúkdómalæknir tók á móti styrk til
rannsókna á meningókokkum og
meningókokkasjúkdómi á skrifstofu
Landlæknisembættisins 25. febrúar
síðastliðinn. Styrkinn hlaut Magnús
til að halda áfram rannsóknum sín-
um á arfgerð meningokokkastofna
og samspili arfgerðanna og ónæm-
iskerfis þeirra sem sýkst hafa hér á
landi síðastliðinn aldarfjórðung.
Styrkurinn er minningargjöf sem
Landlæknisembættinu var gefin síð-
astliðið haust til minningar um
Bjarka Friðriksson sem lést úr þeim
sjúkdómi fyrir rúmum tíu árum.
Styrkurinn nemur tæpum 280
þúsund krónum og er hann ágóði
tónleika sem aðstandendur og vinir
Bjarka Friðrikssonar stóðu fyrir og
færðu Landlæknisembættinu að gjöf
síðastliðið haust til rannsókna á
meningókokkasjúkdómnum.
Viðstödd afhendinguna voru for-
eldrar Bjarka, Friðrik Alexand-
ersson og Þuríður Einarsdóttir,
ásamt Albert Steini Guðjónssyni,
vini hans sem skipulagði umrædda
tónleika. Sigurður Guðmundsson
færði þeim þakkir fyrir höfðinglega
gjöf og ekki síður fyrir þá sam-
félagslegu ábyrgð sem þau sýndu í
verki með henni.
Friðrik Alexandersson, Albert Steinn Guðjónsson, Þuríður Einarsdóttir,
Magnús Gottfreðsson smitsjúkdómalæknir og Sigurður Guðmundsson
landlæknir við afhendingu styrksins, sem er ágóði tónleika.
Styrkur til
læknisrannsókna
SÍMINN hefur afnumið stofn-
gjöld í ADSL-þjónustu til ein-
staklinga um allt land. Við-
skiptavinir í ADSL-þjónustu
hjá Símanum hafa fram að
þessu greitt 6.000 kr. fyrir
stofngjöld en niðurfelling
þeirra er liður í bættri þjónustu
við viðskiptavini fyrirtækisins,
segir í fréttatilkynningu.
Afnema ADSL-
stofngjald