Morgunblaðið - 01.03.2004, Page 18
UMRÆÐAN
18 MÁNUDAGUR 1. MARS 2004 MORGUNBLAÐIÐ
Tvær glæsilegar skrifstofubyggingar
Þessar tvær glæsilegu skrifstofubyggingar eru til sölu. Húsin afhendast tilbúin undir tréverk og
málningu og frágengin að utan með vandaðri utanhúsklæðningu. Sameign verður fullbúin og
lóð fullfrágengin með malbikuðum bílastæðum.
Hlíðasmári 3 er samtals um 4.400 fm og tilbúin til afhendingar nú þegar.
Hlíðasmári 1 er samtals um 3.300 fm og verður tilbúinn til afhendingar síðar á árinu.
Eignirnar henta vel fyrir hvers kyns skrifstofur, verslanir og þjónustu.
Húsin eru sérlega vel hönnuð. Fyrirkomulag er gott og nýting húsanna góð. Lyfta. Hægt er að
tengja húsin saman enda liggja þau samsíða. Aðkoma og staðsetning húsanna er mjög góð
og við fjölfarna umferðaræð. Útsýni er fallegt. Frágangur er vandaður. Húsunum fylgir fjöldi
bílastæða. 3957
Undirritaðir annast sölu eignanna og veita allar nánari upplýsingar um þær.
HLÍÐASMÁRI 1 OG 3 - KÓPAVOGI
FASTEIGNA
MARKAÐURINN
ÓÐINSGÖTU 4. SÍMI 570 4500, FAX 570 4505.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri, lögg. fasteigna- og skipasali.Sverrir Kristinsson, lögg. fasteignasali
NÝLEGA var greint frá fyrstu út-
hlutun styrkja úr hinum nýja Rann-
sóknasjóði í umsjá Rannís. Háskólinn
í Reykjavík sótti um níu styrki og
hlaut fjóra. Þrír þessara
styrkja voru vegna
rannsókna í tölv-
unarfræðideild skólans,
einn vegna rannsókn-
arverkefnis í við-
skiptadeild. Árangurs-
hlutfall skólans var
44,5%, það hæsta meðal
umsækjenda. Auk þess-
ara nýju styrkja, fékk
HR tvo framhaldsstyrki
fyrir árið 2004, annar
fór til lagadeildar, hinn
til tölvunarfræðideildar.
Forsvarsmenn Há-
skólans í Reykjavík eru stoltir af
frammistöðu rannsóknafólks skólans,
ekki síst í ljósi fyrirferðarmikillar
umræðu undanfarið þar sem mikill
áróður hefur verið rekinn fyrir því að
Háskóli Íslands sé eini rannsóknahá-
skóli landsins. Í þeirri umræðu allri
hefur gætt nokkurs misskilnings á
því hvað felst í hugtakinu rannsókna-
háskóli.
Ég vitna hér í viðtal við dr. Rúnar
Vilhjálmsson, prófessor við hjúkr-
unarfræðideild Háskóla Íslands, sem
birtist í Morgunblaðinu 22. febrúar sl.
Þar segir Rúnar: ,,Skóla má flokka
eftir því hvort þeir hafa grunnnám að
uppistöðu, eða hafa grunnnám og
framhaldsnám auk almenns rann-
sóknastarfs í öllum deildum. Í al-
þjóðlegri háskólaumræðu kallast
fyrri tegundin ,,college“ eða grunnhá-
skóli og sú síðari ,,university“ eða
rannsóknaháskóli.
Allar þrjár deildir Háskólans í
Reykjavík, lagadeild, tölvunar-
fræðideild og viðskiptadeild, bjóða
grunnnám og framhaldsnám auk
þess sem þar eru stund-
aðar rannsóknir. Það er
ekkert launungarmál
að innan skólans er
mikill metnaður til þess
að ná frábærum ár-
angri á öllum þessum
sviðum, ekki síst á sviði
rannsókna. Vís-
indamenn úr HR ætla
sér áfram góðan hlut
við úthlutun styrkja úr
samkeppnissjóðum
Rannís.
Þau rök sem einna
oftast heyrast í þeim
áróðri sem rekinn er gegn því að HR
sé eða geti verið rannsóknaháskóli,
eru að þar séu aðeins þrjár deildir.
HR sé með öðrum orðum ekki nægi-
lega fjölfaglegur til þess að geta talist
rannsóknaháskóli. Aftur má vitna í
fyrrnefnt viðtal: ,,Þá má einnig flokka
skóla eftir því hvort þeir eru sérhæfð-
ir (fagháskólar) eða fjölfaglegir. Þetta
er eðlileg skilgreining, en hvernig
hún tengist því hvenær háskóli er
rannsóknaháskóli, er vandséð.“
Í raun má segja að þessar tvær
tegundir flokkunar, þ.e. hvort skóli er
rannsóknaháskóli eða ekki, eða fjöl-
faglegur eða ekki, snúist um hvort
skóli vex lóðrétt eða lárétt eða hvoru-
tveggja. Forsvarsmenn Háskólans í
Reykjavík lögðu frá upphafi áherslu á
lóðréttan vöxt deilda skólans, m.ö.o.
að byggja innviði þeirra þannig upp
að boðið yrði upp á grunnnám og
framhaldsnám auk þess sem þar yrðu
stundaðar rannsóknir. Um lárétta
vöxtinn, fjölgun deilda, og þar með
hvort HR Háskólinn sé fjölfaglegur
háskóli eða ekki, er þetta að segja:
Skólinn er 5 ára gamall! Á þessum
fimm árum hafa verið byggðar upp
þrjár sterkar deildir með samtals um
1.400 nemendum. Auk þess hefur átt
sér stað markviss stefnumótun varð-
andi næstu skref. Þar hefur spurn-
ingin ekki verið hvort fjölga eigi
deildum, heldur hvaða deild verði
næst og hvenær það skref skuli stig-
ið. Háskólinn í Reykjavík hefur
ákveðið að stofna verkfræðideild
haustið 2005. Þá er stefnt að stofnun
kennslufræðideildar á svipuðum
tíma.
Þeir sem vilja setja Háskólann í
Reykjavík á ákveðinn stall – annan en
þann sem stefnt er að af hálfu for-
svarsmanna hans, vísa gjarnan til
skólans sem ,,viðskiptatengds“ skóla.
Það hlýtur að vera sérsmíðuð kenn-
ing að skóli sem kennir lögfræði,
raunvísindi og viðskiptafræði sé fyrst
og fremst viðskiptaháskóli. Mér þykir
til dæmis ólíklegt að innan lagadeild-
ar og verkfræðideildar Háskóla Ís-
lands séu menn sammála því að þar
séu kenndar ,,viðskiptatengdar“
greinar.
Fimm ár eru örskotsstund í lífaldri
háskóla – einn af helstu sam-
starfsháskólum HR er t.d. hinn sex
hundruð ára gamli Kölnarháskóli í
Þýskalandi. Það er við hæfi að rifja
upp hér að við stofnun Háskóla Ís-
lands árið 1911 voru Prestaskólinn,
Lagaskólinn og Læknaskólinn sam-
einaðir og mynduðu hver sína deild
innan skólans. Að auki var heim-
spekideild bætt við. Mjór reyndist
þar mikils vísir.
Að lokum, aftur að nýlegri út-
hlutun úr Rannsóknasjóðnum. Alls
bárust 290 umsóknir frá háskólum,
rannsóknar- og sjálfseignarstofn-
unum, fyrirtækjum og einstaklingum.
71 styrkur var veittur. Í meðfylgjandi
töflu sést hvernig umsóknir annars
vegar og veittir styrkir hins vegar
skiptust á milli hinna ýmsu aðila. Þar
sést að Háskólinn í Reykjavík er með
hæst árangurshlutfall (veittir styrkir
í hlutfalli af umsóknum). Hlutur Há-
skóla Íslands í liðnum aðrir háskólar
er eðlilega mjög stór. Veittir styrkir
til annarra háskóla en Háskólans í
Reykjavík voru 47, þar af fékk Há-
skóli Íslands 46 styrki og Kenn-
araháskólinn einn styrk. Upplýsingar
um fjölda umsókna frá hverjum há-
skóla eru ekki opinberar.
Góður árangur Háskólans í
Reykjavík við fyrstu úthlutun hins
nýja Rannsóknasjóðs er óumdeil-
anlegur. Árangurinn sýnir svo ekki
verður um villst gæði rannsókna inn-
an HR, því að baki styrkveitingunum
liggur faglegt mat færustu vísinda-
manna þjóðarinnar. Það skýtur því
óneitanlega skökku við að HR sitji
ekki við sama borð og aðrir rann-
sóknaháskólar á fjárlögum. Það er á
grundvelli þess rannsóknafjármagns
sem stoðirnar undir rannsókna-
starfsemi háskólanna eru tryggðar.
Ef þær stoðir eru ekki til staðar er
Háskólinn í Reykjavík ekki að keppa
á jafnréttisgrundvelli við aðra há-
skóla um rannsóknafjármagn úr sam-
keppnissjóðum í umsjón Rannís.
Mjór er
mikils vísir
Hanna Katrín Friðriksson
skrifar um rannsóknaháskóla
’Góður árangur Há-skólans í Reykjavík við
fyrstu úthlutun hins
nýja Rannsóknasjóðs er
óumdeilanlegur. ‘
Hanna Katrín
Friðriksson
Höfundur er framkvæmdastjóri
Háskólans í Reykjavík.
Í GREIN undirritaðra í Morg-
unblaðinu 22. febrúar var gerð grein
fyrir fyrirkomulagi hrefnurann-
sókna Hafrannsóknastofnunarinnar
sl. sumar og hvernig leitast var við
að taka tillit til hvala-
skoðunar. Þar voru
einnig gefnar skýr-
ingar á einstökum
hrefnum sem ágrein-
ingur hefur verið um.
Hér er ekki ætlunin að
endurtaka það sem
þar var sagt en eftir
skrif formanns Hvala-
skoðunarsamtakannna
í Morgunblaðinu 26.
febrúar virðist nauð-
synlegt að draga fram
það sem undirrituð
telja kjarna málsins.
Samráð
Áður en rannsókn-
irnar hófust var ákveð-
ið að haga veiðum
þannig að þær trufl-
uðu ekki starfsemi
hvalaskoðunarfyr-
irtækja. Þannig var
ákveðið að ef veiðibát-
ar væru nærri hefð-
bundnum hvalaskoð-
unarsvæðum á
hvalaskoðunartíma
yrði haft samráð við
skoðunarbáta til að hindra að báðir
aðilar væru við vinnu samtímis á
sömu slóðum. Við þetta var staðið.
Hvalaskoðunarsvæði
Gífurlegur munur er á stærð hvala-
skoðunarsvæðanna eftir því hvort
miðað er við auglýst svæði (skv.
myndum í bæklingum) eða svæði
þar sem bátarnir fara um reglulega.
Samkvæmt fyrirliggjandi upplýs-
ingum er mjög sjaldgæft að hvala-
skoðunarbátar fari fjær landi en 15
mílur, að hvalaskoðun frá Snæfells-
nesi undanskilinni. Því
var ákveðið að miða við
síðari skilgreininguna,
enda ljóst að ef sk. aug-
lýst svæði væru útilok-
uð frá sýnatöku hefði
það veruleg áhrif á
rannsóknirnar.
Árstími
hvalaskoðunar
Eins og rakið var í fyrri
grein voru fimm af
þeim átta dýrum sem
deilt hefur verið um
veidd við Snæfellsnes
eftir að hvalaskoðun
lauk á svæðinu. Mjög
gott samstarf var við
hvalaskoðunaraðila á
því svæði og snúast því
fram komnar umkvart-
anir að langmestu leyti
um dýr sem veidd voru
utan hvalaskoðunar-
árstíma og auk þess í
góðri sátt við heima-
menn. Því sætir furðu
að forysta Hvalaskoð-
unarsamtakanna skuli
leggja svo mikla áherslu á kvartanir
fyrir hönd umbjóðanda sem ekki
hefur yfir neinu að kvarta í þessu
sambandi.
Undirrituð vilja að lokum taka
undir með formanni Hvalaskoð-
unarsamtakanna að það sé um-
ræðunni ekki til góðs að hún stjórn-
ist um of af tilfinningahita og hvetja
hann til að ganga fram með góðu for-
dæmi.
Að endingu um
hrefnurannsóknir
og hvalaskoðun
Gísli A. Víkingsson og
Droplaug Ólafsdóttir skrifa
um hvalveiðar og hvalaskoðun
Droplaug Ólafsdóttir
’… snúast því framkomnar umkvartanir að
langmestu leyti um dýr
sem veidd voru utan
hvalaskoðunar-
árstíma …‘
Höfundar eru hvalasérfræðingar á
Hafrannsóknastofnuninni.
Gísli A. Víkingsson