Pressan - 02.02.1989, Blaðsíða 22
Fimmtudagur 2. febrúar 1989
22
Birgir Jóhann Birgisson tónlistarmaður hefur tekið
að sér að útsetja og tölvuvinna lögin tíu í keppninni um
Landslagið ’89. Þótt hann sé ekki aldinn að árum hefur
hann mikla reynslu úr hljóðverum hér á landi sem er-
lendis. Er meðal annars með þrjár hljómplötur í takinu
þessa dagana.
„Fyrsta platan sem ég tók upp hét
Enn er von, trúartónlist sem ég
vann með félögum mínum í pínu-
litlu stúdíói í Hafnarfirði," sagði
Birgir Jóhann er Pressan ræddi við
hann. „Síðar fór ég til Bandaríkj-
anna og vann þar að plötu með
dúettinum Takk. Hún var tekin upp
í Texas. Þar kom við sögu margt
góðra og vel þekktra tónlistar-
manna, svo sem Abraham Labori-
el, sem mikið hefur unnið með
Weather Report, Lee Ritenour,
James Ingram, Donald Fagen,
Robbie Robertson og fleirum.
Þarna var Bill Maxwell, sem hefur
leikið mikið á trommur hjá Quincy
Jones, gítarleikarinn úr hljómsveit
Neils Diamond og fleiri og fleiri.
Það var mikil og góð reynsla að
vinna að þeirri plötu.“
Megnið af lögunum á hljóm-
plötu Takk-dúettsins var eftir Birgi
Jóhann. Er hann kom heim frá
Bandaríkjunum hélt hann áfram að
vinna við plötuupptökur hér á
landi. Til að mynda Á krossgötum,
sem hafði að geyma lög með trúar-
legum textum. Hann lék á Eyði-
merkurhálsum Rúnars Þórs Péturs-
sonar á síðasta ári, svo og Rækju-
kokkteil Ómars Óskarssonar. Fyrir
jólin tók hann upp tvær plötur, eina
með Lýð Ægissyni og plötuna
Hjálparhönd, sem hann vann við
að hluta til. — En hljómsveitirnar?
Með hverjum hefur Birgir leikið?
„Ja, það er nú það,“ svaraði
hann. „Seafönkið kom fyrst og
hliðarbúgreinin okkar, hljómsveit
sem við kölluðum Afsakið. Við af-
rekuðum það meira að segja að
koma fyrsta íslenska laginu á topp
Birgir Jóhann Birgisson tónlistarmaður. Auðvitað er skrekkur i manni í upphafi. En hann hverfur.
Pressumynd: Einar Ólason.
tíu á vinsældalista rásar tvö. Það
var lagið Dansaðu sem ég samdi
bæði lag og texta við. Nú, síðar kom
Ópera, Kynslóðin og einhverjar
fleiri sem hlutu litla frægð. Núna
leik ég með Sálinni hans Jóns
míns.“
NÓG AÐ GERA
Og Birgir Jóhann Birgisson er
einmitt að gera klárt fyrir nýja
plötu með Sálinni ásamt félögum
sínum. Þá er hann að vinna að
plötu með hljómsveit André Bach-
manns, annarri plötu Lýðs Ægis-
sonar og með dúett sem skipaður er
Pétri Hrafnssyni og Sigríði Guðna-
dóttur.
„Þessu til viðbótar má nefna
plötu sem við Sigurður Dagbjarts-
son höfum verið nokkuð lengi með
í smíðum,“ bætti Birgir Jóhann
við. „Við stefnum að því að ljúka
við hana nú i surnar."
Birgi Jóhanni Birgissyni líst vel á
keppnina um Landslagið 89.
„Auðvitað er maður með smá-
skrekk eins og ævinlega þegar tekist
er á við nýtt verkefni,“ sagði hann.
„En ég þekki það af gamalli reynslu
að hann hverfur þegar af stað er
komið.
Ég kem til með að haga vinnu
minni talsvert eftir því hvernig efni-
við ég fæ í hendurnar," hélt hann
áfram. „Ef höfundar laganna hafa
góða hugmynd um hvernig þeir
vilja láta lögin sín hljóma endan-
lega vonast ég til að geta haft sem
nánasta samvinnu við þá með það.
En þar eð ég ber ábyrgð á endan-
legu útkomunni gæti ég hugsanlega
þurft að taka af skarið. Auðvitað
eru menn misjafnlega í stakk búnir
til að ganga frá lögum til flutnings.
Ef þeim er skilað hráum kem ég til
sögunnar og verð þá að treysta á
eigin dómgreind að gera þau sem
best úr garði.“
Birgir Jóhann Birgisson hefur
fjölþætta reynslu sem hljóðfæra-
leikari. Hann stundaði klassískt
píanónám árum saman. Hann Ieik-
ur einnig á gítar, trommur, bassa og
hljómborð. Kemur hann þá til með
að sjá um allan hljóðfæraleik í lög-
unum sem keppa um Landslagið
’89?
„Nei, auðvitað ekki,“ svaraði
hann og hló. „Ég ætla að leita til
aukamanna eftir því sem með þarf.
Ég þekki karakter íslensku
„session“-leikaranna út og inn og
veit hver hentar í hvaða hlut-
verk.“ ■
LANDSLAGIÐ
Sönglagakeppni íslands ’89
REGLUR
★ Allirþeirsem takaþátt íkeppninni um LANDSLAGIÐ
gangast þar med undir reglur hennar.
★ Höfunduni er heinÍUt að sendafleiri en eitt lag í keppn-
ina. Þau skulu vera á kassettu, eitt lag á hverri, og textar
skulu helstfylgja vélritaðir ineð. — Textar skulu vera á
íslensku.
★ Kassettunni og textaörkinni skal stungið I umslag og því
lokað tryggilega. Umslagið skal merkt með dulnefni eða
númeri.
★ I öðru umslagi skal dulnefni eða númer einnig vera utan
á. I það setur höfundur sitt rélta nafn ásamt heimilis-
fangi og símaniímeri.
★ Lögin sem send verða I kepnina mega hafa lieyrst áður,
en ekki hafa komið út á hljómplötum né vera eða hafa
verið Isöngvakeppnum áður. I lagi er að textar hafi birst
opinberlega áður í Ijóðabók eða blaði. LagahöJ'undar
skulu þó leggja fram skriflegt samþykki höfunda fyrir
að nota megi Ijóð þeirra í keppninni.
★ Lög þeirra höfunda sem komast áfram i keppninni verða
gefin út á hljómplötu.
★ Hámarkslengd laga er fjórar mínútur.
★ Engum sem lengist keppninni um LANDSLAGIÐ ’89 á
nokkurn hátt er heimilt að senda lag í keppnina.
★ Lögin skulu send til:
LANDSLAGIÐ
SÖNGLAGAKEPPNI ÍSLANDS ’89
PÓSTHÓLF 1331
121 REYKJAVÍK
★ Skilafrestur er til 1. mars.
Birgir Jóhann Birgisson
útsetjari Landslagsins ’89
VONi
EFTIR
SAMST
VIÐ I
HÖFUN