Andvari - 01.01.1939, Síða 18

14
Tryggvi Þórhallsson
Andvari
ágaetum sonum landsins og dætrum, að þeim þótti sem
útséð væri um lífvænlega framtíð í ættlandi sínu og
fluttust vestur um haf þúsundum saman, orkaði ekki á
hann. Trú hans á landið og framtíð þess var óbifanleg.
Áhrifin, sem hann hafði ungur sætt af sterkri vakningu
til framsóknar um aukið sjálfstæði þjóðarinnar og fram-
farir í atvinnuháttum hennar, er þúsundárahátíðin 1874
lyfti svo mjög undir með ýmsum hætti, slepptu honum
aldrei, og þau stóðust hverja raun. Þessi hreyfing átti
ekki hvað minnst ítök í Þingeyjarsýslu, hjá þorra manna
þar, og verða rætur hennar raktar allt aftur til þjóð-
fundarins 1851. Fyrirmyndin og foringinn var auðvitað
sjálfur Jón Sigurðsson. En svo góða fylgismenn sem
sem hann átti um landið allt, urðu áhrif hans og þeirra
óvíða djúptækari og líklega hvergi jafn stöðug og órof-
in, þrátt fyrir allt, eins og í Þingeyjarsýslu. Þótt hinn
sýnilegi árangur yrði ekki mikill í bráð — hér mætti
þó nefna Þjóðvinafélagið og framkvæmdir Hallgilsstaða-
bóndans, Tryggva Gunnarssonar, um verzlunarmál Norð-
lendinga — þá glæddust hér þeir eldar, er aldrei kuln*
uðu síðan. Stjórnarbótarmálið svo kallaða fékk bráða-
birgðaafgreiðslu 1874, sem við varð að una um sinn.
Framfarir atvinnuveganna kölluðu nú öllu öðru fremur
á krafta þjóðarinnar. Hér var það sem Þórhallur Bjarn-
arson átti að vinna annað höfuðstarf sitt fyrir þjóð sína.
Þótt Þórhallur Bjarnarson væri lengst ævi sinnar bæ)-
arbúi, kennari og biskup landsins, auðnaðist honum að
vinna meira verk fyrir íslenzkan landbúnað en nokkr-
um manni öðrum á undan honum. Hann rak um 20
ára skeið eitt af blómlegustu búum landsins á býli sínu,
Laufási við Reykjavík. Hann var frumkvöðull að stofn-
un Búnaðarfélags íslands, ásamt Páli Briem amtmanni,
og átti sæti í stjórn þess frá upphafi til dauðadags og