Andvari - 01.01.1939, Síða 92

Andvari
íslenzkt þjóðerni.
Eftir Barða Guðmundsson, þjóðskjalavörð.
Ari hinn fróði Þorgilsson hefir fyrstur manna, svo
vitað sé, ritað um landnámssögu íslands. Fjallar fyrsti
kafli íslendingabókar hans um þetta efni. Hefst frásögn
Ara þannig: »ísland byggðist fyrst úr Noregi á dögum
Haralds hins hárfagra, í þann tíð er ívar Ragnarsson
loðbrókar lét drepa Edmund helga Englakonung, en
það var 870 vetrum eftir Kristburð, að því er ritað er í
sögu hans.« Því næst gerir Ari grein fyrir komu fyrsta
Iandnámsmannsins, Ingólfs Arnarsonar, til íslands og segir
síðan: »Var för manna mikil mjög út hingað úr Noregi>
til þess uns konungurinn Haraldur bannaði, af því að
honum þótti landauðn nema. Þá sættust þeir á það, sð
hver maður skyldi gjalda konungi 5 aura, sá er eis1
væri fráskildur og þaðan færi hingað.*
í hinni stuttu frásögn sinni getur Ari þess að engu,
að landnemarnir hafi komið annars staðar frá en ur
Noregi. Samt sem áður má ráða af orðum hans, að
talsvert mikið hafi kveðið að þátttökum manna í land-
náminu, sem ekki voru af norrænum kynstofni. Ari telur
upp 4 helztu landnámsmennina, — 1 úr hverjum Iands-
fjórðungi, og bætir þeirri athugasemd við um þrjá þeirra,
að þeir séu norrænir. Þetta er sýnilega ekkert handa-
hófstiltæki, því að um fjórða landnámsmanninn segir An,
að hann hafi verið sonur Rögnvalds jarls á Mæri. Þar