Morgunblaðið - 02.11.2010, Blaðsíða 2
2 FRÉTTIRInnlent
MORGUNBLAÐIÐ ÞRIÐJUDAGUR 2. NÓVEMBER 2010
©
IL
V
A
Ís
la
n
d
20
10
KONUKVÖLD
MIÐVIKUDAGINN
3. NÓVEMBER
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Baldur Arnarson
baldura@mbl.is
„Þetta er verra en hundsbit, víst er
það, en kemur ekki alls kostar á
óvart. Ríkisstjórnin er nýbúin að
leggja fram erfiðustu efnahagsað-
gerðir sem ég man eftir, sem ein-
kennast af umdeildum skattahækk-
unum og erfiðum niðurskurði.
Nákvæmlega á sama tímapunkti eru
kjósendur afar ósáttir við það að úr-
ræði sem varða húsnæðisskuldir
skuli hafa dregist á langinn, en þau
eru sem betur fer að komast í loka-
vinnslu. Við þessar aðstæður er það
ekki undrunarefni að fylgið hverfi
frá ríkisstjórninni, og enn síður að
forystuflokkur hennar, Samfylking-
in í þessu tilviki, tapi mestu,“ sagði
Össur Skarphéðinsson utanríkisráð-
herra, aðspurður um nýja könnun
þar sem stuðningur við ríkisstjórn-
ina mælist 30%.
Horfist í augu við mistök
„Hitt er jafnljóst, að auðvitað
verður ríkisstjórn að bæta úr ef
henni hafa orðið á mistök. Þjóðin
hefur rækilega sýnt fram á að henni
þykir ríkisstjórninni hafa orðið á
mistök í aðgerðum varðandi niður-
skurð í heilbrigðismálum. Þá verðum
við sem í henni sitjum að skoða ræki-
lega hvernig hægt er úr að bæta.“
– Verður dregið í land?
„Við verðum sem ríkisstjórn að
hlusta, og þyki mönnum ósanngjarnt
að farið, eins og þeim þykir klárlega
varðandi heilbrigðisgeirann, þá
verður að bæta úr því þannig að
þjóðin verði sáttari við þann niður-
skurð. Jafna hann betur. Og menn
eru að skoða það þessa dagana.“
Steingrímur J. Sigfússon fjár-
málaráðherra telur fylgisdýfuna
skiljanlega í ljósi þeirra erfiðu
ákvarðana sem stjórnvöld hafi tekið.
„Ég get nú ekki sagt að það komi
mikið á óvart þótt stuðningur við
stjórnina taki dýfu. Þetta er búinn að
vera umbrotamánuður. Við lögðum
fram mjög erfitt fjárlagafrumvarp í
byrjun mánaðarins og umræðan hef-
ur dálítið markast af þeim erfiðleik-
um sem við erum að glíma við.“
Skipta ekki mestu máli
– Nú mælist fylgi Sjálfstæðis-
flokksins 36% en stjórnarinnar 30%.
Er þetta ykkur í Vinstri grænum
ekki mikið áhyggjuefni?
„Að sjálfsögðu vildi maður alltaf fá
betri útkomu í könnunum en þær eru
ekki það sem skiptir mestu máli. Og
ég sé nú ekki að stjórnarandstaðan
komist neitt vel út úr þessu.“
– Nú var efnt til fjölmennra mót-
mæla í Reykjavík í byrjun síðasta
mánaðar og í kjölfarið boðaði ríkis-
stjórnin til samráðsfunda með hags-
munaaðilum. Bendir þessi könnun
ekki til að stjórninni hafi mistekist
að leiða þjóðina saman?
„Nei. Það gerir það alls ekki enda
er það samstarf enn í fullum gangi og
við erum að vonast til að draga fari
að niðurstöðum í því. Þannig að það á
ekki að dæma það fyrirfram þótt
mönnum liggi mikið á og hafi áhuga
á að bera fram mikið af jákvæðum
spurningum. Látum það njóta vaf-
ans þangað til niðurstöður liggja fyr-
ir í því. Ég held að það hafi verið
mjög gagnlegt að fá alla að borðinu,
bankastofnanir, lífeyrissjóði, hags-
munasamtök og stjórnvöld. Það þarf
að gera meira af því vegna þess að
við Íslendingar höfum okkur ekkert í
gegnum þetta sem þjóð nema allir
leggist á árarnar. Þa[ þurfa allir að
vera sér meðvitandi um ábyrgð sína í
því sambandi og þar á meðal fjöl-
miðlar.“
Verður að vera uppbyggilegt
– Hvað áttu við með því?
„Það er að sjálfsögðu rétt og skylt
að vera með gagnrýna umfjöllun og
veita stjórnvöldum aðhald. Það eiga
góðir fjölmiðlar að gera. En það þarf
að vera uppbyggilegt um leið og það
má ekki tala okkur algerlega niður
úr gólfinu. Við þurfum auðvitað að
varðveita trú okkar á það að við kom-
umst út úr þessu sem þjóð. Við eig-
um að hjálpast einhvern veginn að
því að hlúa að trúnni á framtíðina.“
Útkoma könnunar
„verri en hundsbit“
Össur boðar endurskoðun á niðurskurði í heilbrigðismálum
Steingrímur átelur fjölmiðla Tali þjóðina niður úr gólfinu
Össur
Skarphéðinsson
Steingrímur J.
Sigfússon
Hreyfing á fylgi
» Samkvæmt nýjum þjóð-
arpúlsi Capacent Gallup nýtur
ríkisstjórnin stuðnings 30%
aðspurðra, en naut stuðnings
40% í síðasta mánuði.
» Fylgi hvors stjórnarflokksins
mælist 18%, 36% styðja Sjálf-
stæðisflokkinn, 12% Framsókn
og 8% Hreyfinguna.
Þótt veðrið hafi verið hráslagalegt að undan-
förnu og skammdegið færst í aukana hafa sólar-
geislarnir stundum náð að brjóta sér leið í gegn-
um skýjahuluna. Spáð er norðan 15-23 m/s á
vestanverðu landinu í dag, annars hægari. Þurrt
verður syðra, annars víða snjókoma eða slydda.
Skammdegið færir sig upp á skaftið
Morgunblaðið/RAX
Ákveðið hefur verið að fresta
þjálfun flugmanna björgunarþyrlu
Landhelgisgæslunnar vegna hugs-
anlegs eldgoss í Grímsvötnum, en
þeir áttu að fara út til Skotlands í
dag. Þetta er í þriðja sinn sem
þjálfuninni er frestað; alltaf vegna
eldgosa.
Hrafnhildur Brynja Stef-
ánsdóttir, upplýsingafulltrúi Land-
helgisgæslunnar, segir að sam-
kvæmt reglum þurfi flugmenn
Gæslunnar að fara reglulega í
þjálfun. Þeir fara í flughermi þar
sem líkt er eftir aðstæðum þegar
óvænt atvik koma upp.
Upphaflega var ákveðið að þeir
færu í vor, en því var frestað þeg-
ar fór að gjósa á Fimmvörðuhálsi.
Um mánuði síðar var búið að
ákveða aðra dagsetningu en þá
fór að gjósa í Eyjafjallajökli. Þá
var aftur tekin ákvörðun um að
fresta því að senda flugmennina út
í þjálfun. Flugmennirnir áttu að
fara út í dag, en í gær var ákveðið
að fresta ferðinni vegna þess að
talsverðar líkur eru taldar á að
eldgos hefjist í Grímsvötnum.
egol@mbl.is
Fresta í þriðja sinn
Morgunblaðið/Árni Sæberg
Björgunaræfing Æfingarnar í
Aberdeen eru erfiðar.
73% Íslendinga
eru hlynnt mót-
mælum almenn-
ings. Þetta kem-
ur fram í
þjóðarpúlsi Gall-
up og var sagt
frá því í fréttum
RÚV. 13% sögð-
ust vera andvíg
mótmælunum og
14% sögðust
hvorki hlynnt né andvíg.
Háskólamenntaðir og þeir sem
hafa meiri tekjur eru almennt and-
vígari mótmælum en þeir sem hafa
minni tekjur og menntun. Fólk á
fertugs- og fimmtugsaldri er
hlynntast mótmælunum.
Fjórir af hverjum tíu kjósendum
Samfylkingarinnar voru hlynntir
mótmælum, 63% kjósenda vinstri
grænna, 75% sjálfstæðismanna og
rúmlega 95% kjósenda Hreyfing-
arinnar styðja mótmælin.
73% styðja
mótmælin
Mótmæli Margir
styðja mótmælin.
Bifreið fór út af veginum og valt
niður í gil í hálku á Fróðárheiði
austan við Ólafsvík í gær. Að sögn
lögreglunnar á Ólafsvík voru þrír í
bílnum, tveir karlar og ein kona.
Þau voru flutt til skoðunar til
Ólafsvíkur en að sögn lögreglu er
ekki vitað til þess að þau hafi slas-
ast alvarlega.
Bíll valt niður í gil
á Fróðárheiði