Morgunblaðið - 02.11.2010, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 2. NÓVEMBER 2010
Á morgun, miðvikudag, kl. 20
standa samtökin Heimili og skóli
fyrir borgarafundi í Ráðhúsi
Reykjavíkur. Fundurinn er hluti af
eineltisátaki sem samtökin standa
fyrir. Borgarafundir og jafningja-
fræðslufundir hafa nú verið haldnir
á 10 stöðum á landinu. Um 180 nem-
endur voru á tveim fundum sem
haldnir voru í Egilsstaðaskóla og
Fellaskóla og yfir 100 nemendur úr
efstu bekkjum grunnskóla sóttu
fund sem haldinn var í Mennta-
skólanum í Borgarnesi. Fjölmenni
var á tveim borgarafundum sem
haldnir voru í Hlymsdölum á Egils-
stöðum og Borgarnesi. Þá voru
fundir í Vestmannaeyjum og Horna-
firði vel sóttir og umræður líflegar.
Egilsstaðir Fundurinn um einelti var vel
sóttur þar sem annars staðar á landinu.
Eineltisfundur
Í ár eru 100 ár síðan konur hófu
þátttöku í skátastarfi. Í tilefni af því
stendur Bandalag íslenskra skáta í
samstarfi við St. Georgs-gildin á Ís-
landi fyrir málþingi þar sem konur
ræða reynslu sína af skátastarfi.
Málþingið fer fram í dag, þriðjudag,
kl. 20-22.30 í Háskólanum í Reykja-
vík. Frummælendur rifja upp minn-
ingar úr skátastarfinu og ræða þýð-
ingu þess fyrir sig sem einstaklinga
og virka þjóðfélagsþegna. Á þessum
tímamótum er vert að varpa ljósi á
hvort og þá hvernig skátastarfið jók
á starfshæfni og lífsleikni viðkom-
andi kvenskáta.
Aðgangur er ókeypis. Æskilegt
er að þátttakendur skrái sig með
tölvupósti á netfangið skatar@skat-
ar.is.
Málþing um 100 ára
starf kvenskáta
Fundur verður haldinn í sal Lauga-
lækjarskóla að frumkvæði hinna
óformlegu hverfissamtaka Laugar-
neshverfis í dag, þriðjudag kl. 16.30-
18. Þar verður hlýtt á mál fimm full-
trúa ólíkra sjónarhorna.
Fulltrúi múslima verður Salman
Tamimi, formaður Félags múslima á
Íslandi, fulltrúi kristinna Bjarni
Karlsson, sóknarprestur í Laugar-
neskirkju, fulltrúi trúlausra Bjarni
Jónsson, stjórnarmaður í Siðmennt,
fulltrúi grunnskólasamfélagsins Jón
Páll Haraldsson, aðstoðarskólastjóri
í Laugalækjarskóla, og fulltrúi leik-
skólasamfélagsins Kristín Dýrfjörð,
lektor við Háskólann á Akureyri.
Hver framsögumaður talar í 7 mín-
útur.
Þegar öll erindin hafa verið flutt
mun Gunnar Hersveinn rithöfundur
draga saman það helsta sem sagt
hefur verið. Allir eru velkomnir.
Ólík sjónarhorn
Fermingarbörn
úr 65 sóknum á
öllu landinu
munu ganga í
hús dagana 1.-9.
nóvember og
safna peningum
til vatnsverk-
efna Hjálpar-
starfs kirkj-
unnar í Malaví,
Úganda og Kenía. Starfsfólk kirkj-
unnar fræðir 3.000 fermingarbörn
um aðstæður í fátækum löndum
Afríku, sérstaklega skort á hreinu
vatni. Í fræðslunni heyra börnin um
árangur af starfi kirkjunnar við að
aðstoða þá sem ekki hafa aðgang að
hreinu vatni.
Þetta er í tólfta sinn sem söfn-
unin er haldin en í fyrra söfnuðust
8,2 milljónum króna.
Fermingarbörn
safna fyrir Afríku
STUTT
BAKSVIÐ
Steinþór Guðbjartsson
steinthor@mbl.is
Helgi Hjörvar, formaður Íslandsdeildar Norður-
landaráðs og forseti Norðurlandaráðs, segir að
norræn samvinna hafi skilað miklu, hún sé á
mörgum sviðum og eigi eflaust eftir að aukast
enda sé mikill stuðningur við það.
62. þing Norðurlandaráðs verður haldið á
Grand hóteli í Reykjavík dagana 2. til 4. nóvember
og verður sett klukkan 14.30 í dag. Fulltrúar á
þinginu verða forsætisráðherrar og aðrir ráð-
herrar og þingmenn frá öllum norrænu ríkjunum
og sjálfstjórnarsvæðunum. Helgi segir að gert sé
ráð fyrir milli 600 og 700 erlendum gestum.
Margir í stofnunum og ráðum
Í Norðurlandaráði eru 87 fulltrúar og þar af
sjö íslenskir – Helgi Hjörvar, Álfheiður Ingadótt-
ir, Ásmundur Einar Daðason, Bjarni Benedikts-
son, Ragnheiður Ríkharðsdóttir, Sigríður Ingi-
björg Ingadóttir og Siv Friðleifsdóttir. Ísland á
auk þess fulltrúa í öllum 10 fagráðherranefndum
Norrænu ráðherranefndarinnar og í hópi sam-
starfsráðherranna. Þá á Ísland fulltrúa í nokkrum
stjórnum norrænna stofnana sem heyra undir
ráðherranefndina.
Norðurlandaráð er samstarfsvettvangur
þingmanna sem er ráðgefandi fyrir norrænu
ríkisstjórnirnar og vinnur að sameiginlegum
niðurstöðum á ýmsum sviðum.
Norræna ráðherranefndin er vettvangur
ríkissstjórnasamstarfsins. Þar er lögð áhersla á
rannsóknir og nýsköpun, loftslagsmál og um-
hverfisvernd, og menningar- og velferðarmál.
Halldór Ásgrímsson var á dögunum endurráðinn
framkvæmdastjóri Norrænu ráðherranefndar-
innar til tveggja ára.
Kreppan og grænn hagvöxtur
Að lokinni þingsetningu í dag hefst norrænn
leiðtogafundur undir yfirskriftinni Grænn hag-
vöxtur – leiðin út úr kreppunni. Helgi segir að
fjallað verði um tvöfalda kreppu og sameiginlegar
lausnir. Annarsvegar um fjármála- og efnahags-
kreppuna og hvernig koma megi fótum undir at-
vinnulífið á ný. Hinsvegar um umhverfiskreppuna
og áhrif loftslagsbreytinga á umhverfið.
Eftir leiðtogafundinn kynnir forsætisráð-
herra Finnlands formennskuáætlun Finnlands í
Norrænu ráðherranefndinni 2011. Í fyrramálið
verða almennar umræður. Þá verður m.a. rætt um
skýrslu ríkisstjórnar Danmerkur um brottvísun
norrænna ríkisborgara. Helgi bendir á að mikil-
vægt sé að norrænir þegnar njóti sömu réttinda í
löndunum en afstaða Dana hafi m.a. bitnað á Ís-
lendingum.
Styrkur
Bókin Sambandsríkið Norðurlönd (För-
bundsstaten Norden) eftir Gunnar Wetterberg er
ársrit Norrænu ráðherranefndarinnar og Norður-
landaráðs 2010. Wetterberg segir að það geti tek-
ið 15 til 20 ár að mynda norrænt sambandsríki og
hann færir rök fyrir hugmyndinni í bókinni.
Í mars 2009 samþykktu norrænu samstarfs-
ráðherrarnir að styrkja Íslendinga með 18 millj-
ónum danskra króna, rúmlega 370 milljónum ís-
lenskra króna, á tveggja ára tímabili, til þess að
gera Íslendingum kleift að sinna norræna sam-
starfinu af fullum krafti. Kostnaður Íslands vegna
þingsins er um 40 milljónir króna, að sögn Helga.
Í tengslum við Norðurlandaráðsþingið verða
afhent verðlaun Norðurlandaráðs á sviði bók-
mennta, tónlistar, kvikmynda og umhverfis. At-
höfnin verður í Íslensku óperunni og hefst kl.
18.30 á morgun.
Mikill stuðningur við
aukið norrænt samstarf
 Milli 600 og 700 erlendir gestir sækja Norðurlandaráðsþing í Reykjavík
Morgunblaðið/RAX
Fundur Siv Friðleifsdóttir, Helgi Hjörvar og Álfheiður Ingadóttir kynna þing Norðurlandaráðs. Ár-
legt framlag Íslendinga til norræns samstarfs er um 230 milljónir íslenskra króna.
Sigtryggur Sigtryggsson
sisi@mbl.is
Hlýtt var í nýliðnum október og hiti
á landinu einu til tveimur stigum yf-
ir meðallagi áranna 1961-1990.
Þetta kemur fram í yfirliti Trausta
Jónssonar veðurfræðings. Hlýindin
voru óvenjuleg framan af mán-
uðinum, en síðan kólnaði og var hiti
síðari hlutann nærri meðallagi og
suma daga undir því. Því varð þetta
enginn metmánuður eins og stefndi
í á tímabili. Úrkoma var víðast hvar
minni en í meðalári nema sums stað-
ar á Norðaustur- og Austurlandi.
Meðalhitinn í Reykjavík var 6,3
stig, 1,9 stigum ofan meðallags. Á
Akureyri var meðalhitinn 4,3 stig
en það er 1,3 stigum ofan með-
allags.
Í Reykjavík var mánuðurinn sá
hlýjasti frá 1985, en ámóta hlýtt var
í október 2001. Á Akureyri var
hlýrra í október 2007 en nú.
Hæsti hiti á landinu mældist á
Sauðárkróksflugvelli 2. október,
17,4 stig. Á mönnuðu stöðvunum
varð hiti hæstur á Reykjum í Hrúta-
firði hinn 2. og í Stafholtsey í Borg-
arfirði hinn 3., 15,4 stig.
Lægsti hiti í mánuðinum mældist
á nýrri veðurstöð í Gæsafjöllum
norður af Mývatni, -18,5 stig, hinn
25. Í byggð varð hiti lægstur í
Svartárkoti sama dag, -16,3 stig.
Lægstur hiti á mannaðri veðurstöð
mældist sama dag á Staðarhóli,
-15,0 stig.
Þurrt var um landið vestanvert. Í
Reykjavík mældist úrkoman 41,3
millimetrar og er það tæpur helm-
ingur meðalúrkomu. Úrkoma var
síðast svona lítil í Reykjavík í októ-
ber 2003. Á Akureyri mældist úr-
koman 58,3 mm og er það í með-
allagi. Á Höfn í Hornafirði mældist
úrkoman 146,5 mm og er það í tæpu
meðallagi. Óvenjulítil úrkoma
mældist á Stórhöfða í Vestmanna-
eyjum, 61,4 mm. Ámóta lítil úrkoma
mældist þar í október 1981, en úr-
koma hefur aðeins einu sinni mælst
minni í október, það var 1966 þegar
hún mældist 50,6 mm.
Sólskinsstundir í Reykjavík
mældust 104 og er það 21 stund um-
fram meðallag. Á Akureyri mæld-
ust sólskinsstundirnar 44 og er það
sjö stundum undir meðallagi.
Mánuðurinn var hægviðrasamur
og hefur meðalvindhraði í október
ekki verið jafnlágur síðan 2003.
Loftþrýstingur var lítillega yfir
meðallagi.
Í Reykjavík eru fyrstu 10 mán-
uðir ársins jafnhlýir og sama tíma-
bil hefur orðið hlýjast áður en það
var á árinu 2003. Munur á þessum
árum tveimur og fyrstu 10 mán-
uðum ársins árið 1939 er ekki
marktækur. Árið á enn möguleika á
að verða það hlýjasta í Reykjavík
frá upphafi mælinga, segir Trausti.
Októbermánuður sló engin met
Morgunblaðið/Ernir
Stillur Fuglarnir og húsin speglast í hálffrosinni Tjörninni.
 Hitinn í mánuðinum var þó vel yfir meðallagi víða um land  Árið á ennþá
möguleika á að verða það hlýjasta í Reykjavík frá upphafi mælinga
Íslandsdeild Norðurlandaráðs leggur til að
Norðurlandaráð mæli með því við Norrænu
ráðherranefndina að nefnd sérfróðra vísinda-
manna og lækna verði falið að safna upplýs-
ingum og skila skýrslu með yfirliti yfir nor-
rænar og aðrar rannsóknir og meðferðir við
mænuskaða. Nefndin geri jafnframt tillögur
um úrbætur um rannsóknir og meðferðir á
mænuskaða.
Í skýringum með tillögunni kemur meðal
annars fram að framfarir í bráðalækningum
þýði að stöðugt fleiri lifa af slys og samfara
því lifa æ fleiri af með mænuskaða. Standa
verði vörð um lífsgæði þeirra sem hljóta
mænuskaða og möguleika á samfélagsþátt-
töku.
Þingmannatillaga
MÆNUSKAÐI