Morgunblaðið - 02.11.2010, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 2. NÓVEMBER 2010
STUTTAR FRÉTTIR
● Nafni Saga Capital hefur verið breytt
lítillega og heitir bankinn nú einfaldlega
Saga Fjárfestingabanki. Samhliða
breytingunni hefur bankinn flutt starf-
semi sína í Reykjavík að Höfðatorgi 14.
Starfsstöð bankans á Akureyri verður
þó ennþá rekin. Hjá bankanum starfa
alls 37 manns, þar af 21 fyrir norðan.
Þorvaldur Lúðvík Sigurjónsson forstjóri
segir að nafnabreytingin endurspegli
sérstöðu bankans sem eina fjárfest-
ingabankans á Íslandi.
Saga breytir um nafn
● Skuldabréfavísitala Gamma lækkaði
um 1% í októbermánuði. Þrátt fyrir
lækkunina hefur vísitalan hækkað um
9,7% það sem af er ári. Vísitala Gamma
fyrir óverðtryggð skuldabréf lækkaði
um 1,6% í mánuðinum sem var að líða
og vísitalan fyrir verðtryggð skuldabréf
um 0,8%. Meðalvelta á skuldabréfa-
markaðnum nam 12 milljörðum króna á
degi hverjum í október samkvæmt upp-
lýsingum frá GAM Management sem
heldur utan um Gamma-vísitöluna.
Heildarmarkaðsverðmæti skuldabréfa í
Gamma-vísitölunni lækkaði um átta
milljarða í mánuðinum í og er nú 1.219
milljarðar króna.
Líflegur mánuður í
skuldabréfum að baki
Tap af rekstri Birtíngs útgáfufélags
á árinu 2009 nam 190 milljónum
króna. Birtíngur gefur út fjölda
tímarita á borð við Séð og heyrt,
Gestgjafann og Vikuna. Í mars á
þessu ári gekk Birtíngur síðan frá
sölu á dagblaðinu DV. Sú sala hefur
að öllum líkindum bætt stöðu Birt-
íngs að talsvert, en í árslok 2009 var
eigið fé fyrirtækisins neikvætt um 26
milljónir króna.
Fram kemur í ársreikningi að
hlutafé fyrirtækisins hafi verið aukið
um 48 milljónir króna á yfirstand-
andi ári, en einnig hafi verið samið
við lánardrottna um lengingu lána.
Einnig er salan á DV talin hafa létt á
skuldabyrði félagsins, en í lok árs
2009 skuldaði Birtíngur samtals um
363 milljónir króna. Talsvert hátt
hlutfall þeirra skulda var í formi
skammtímaskulda, eða um 80% allra
skulda félagsins. Staða fyrirtækisins
hefur því óneitanlega verið mjög
þröng undir lok síðasta árs. Birtíng-
ur er í eigu fjárfestisins Hreins
Loftssonar í gegnum félagið Hjálm
ehf. Hreinn hefur tapað talsverðu fé
á fjárfestingu sinni í Birtíngi, en á
árinu 2007 tapaði félagið 408 millj-
ónum króna, um 150 milljónum árið
2008 og loks 190 milljónum árið 2009.
Samanlagt tap síðustu þriggja ára af
rekstri birtings er því um 750 millj-
ónir króna.
Unnið að sölu
Greint var frá því á mbl.is í byrjun
september síðastliðins að sala á Birt-
íngi væri langt komin. Hreinn Lofts-
son sagði þá að tilboð hefði borist í
félagið og skýrast myndi á 2-3 vikum
hvort salan gengi í gegn, en Arev
hefur haft umsjón með sölunni. Eng-
in tíðindi hafa þó borist af sölu á
fyrirtækinu né heldur hefur fyrir-
tækjaskrá borist tilkynning um
breytt eignarhald. thg@mbl.is
Morgunblaðið/Ómar
Birtíngur Gefur út fjölda tímarita en seldi frá sér DV í mars á þessu ári. Í
ársreikningi er sú sala sögð hafa létt mjög á skuldabyrði félagsins.
Birtíngur tapaði
190 milljónum
 Segja sölu á DV hafa bætt stöðuna
VIÐTAL
Bjarni Ólafsson
bjarni@mbl.is
Heilbrigðisgeirinn er frábrugðinn
öðrum geirum atvinnulífsins að því
leyti að hann er skipulagður út frá
hagsmunum þess sem veitir þjón-
ustuna en ekki neytandans, að mati
Michael Porter, prófessors við Har-
vard Business School. Porter hélt
erindi í fundarsal Arion banka í
gær, þar sem hann talaði um nýjar
leiðir til að byggja upp og skipu-
leggja heilbrigðiskerfi í kringum
sjúklinga og sjúkdóma, í stað lækna
og stofnana. Með því móti sé hægt
að veita betri þjónustu fyrir lægra
verð. Grunnurinn í nálgun Porters
er virði, sem hann skilgreinir sem
gæði þjónustu fyrir hverja krónu
sem hún kostar. Markmiðið sé að
auka virðið, með því að draga úr
kostnaði og auka gæði þjónustunn-
ar. Það sé ekki nóg að allir hafi að-
gang að heilbrigðiskerfi ef það er
ekki nógu gott eða ef það er of dýrt.
Í einföldu máli snýst þessi nálgun
um sérhæfingu, en í stað þess að
horfa á sérhæfingu einstakra lækna
vill Porter að horft sé til sérhæfingu
í teymum eða sjúkrastofnunum.
Tekur hann sem dæmi tilraun sem
gerð var í Þýskalandi, þar sem öll
mígrenimeðferð í landinu var sam-
einuð í eina fullkomna og vel útbúna
miðstöð. Það sem fæst við þessa að-
ferð er það að starfsfólkið sinnir
mjög mörgum sjúklingum með
sama sjúkdóminn og fær þar með
meiri reynslu og þekkingu á sjúk-
dómnum. Þessi reynsla og þekking
safnast saman í stofnuninni þannig
að eftir nokkur ár voru gæði þjón-
ustunnar betri en áður og kostn-
aður hafði dregist umtalsvert sam-
an.
Þetta eigi að vera hægt að gera
með fleiri sjúkdóma, einkum þá sem
hrjá marga sjúklinga. Dæmi um
slíkt eru hjartasjúkdómar, sem
draga margan Íslendinginn til
dauða.
Kerfinu snúið á hvolf
Porter segir að annað vandamál í
heilbrigðiskerfinu sé að það sé
byggt þannig upp að það geti tekist
á við sjaldgæfa en alvarlega kvilla í
stað þess að einbeita sér frekar að
þeim kvillum sem hrjá fleiri ein-
staklinga. „Það má byggja kerfið
upp þannig að algengu sjúkdóm-
arnir séu kjarninn í starfseminni og
svo er tekist á við þá sjaldgæfari
þegar þeir koma upp.“ Þetta eru í
raun umskipti á því kerfi sem er til
staðar nú þegar.
„Það er erfitt að meta nákvæm-
lega hvað mikill sparnaður er fáan-
legur með því að byggja heilbrigðis-
kerfið upp með þessum hætti og
með réttri notkun á upplýsinga-
tækni, en mitt mat er að hægt sé að
ná allt að helmingslækkun kostn-
aðar,“ segir Porter. „Það kann að
vera erfiðara að ná slíkum sparnaði
hér á Íslandi, þar sem byggð er
dreifðari, en með réttum aðferðum
ætti að vera hægt að ná umtals-
verðum sparnaði.“
Heilbrigðiskerfi fyrir sjúk-
linga en ekki sjúkrahús
 Michael Porter, prófessor við Harvard, boðar nýjar leiðir í heilbrigðismálum
Umönnun Michael Porter segir að heilbrigðiskerfið eigi að byggjast upp á
meðferð við algengum sjúkdómum og kvillum.
Morgunblaðið/Sverrir
Iðnaðarfram-
leiðsla í Banda-
ríkjunum jókst í
október þvert á
væntingar sér-
fræðinga. Sam-
kvæmt vísitölu
The Institute for
Supply Manage-
ment fór gildi
framleiðslunnar
úr því að vera
54,4 stig í september í 56,9 stig í
október. Þegar vísitalan er yfir 50
stigum er það til marks um hagvöxt
en að sama skapi merki um sam-
drátt þegar hún er fyrir neðan.
Aukningu iðnaðarframleiðslunnar
má fyrst og fremst rekja til vaxandi
eftirspurnar eftir bandarískum
vörum á alþjóðamörkuðum sam-
hliða veikingu Bandaríkjadals. En á
sama tíma og aukningar í iðn-
aðarframleiðslu verður vart benda
hagtölur enn til erfiðrar stöðu
bandarískra heimila. Hagtölur sem
voru birtar í gær sýndu að tekjur
heimila drógust saman í sept-
embermánuði. Ennfremur sýndu
þær minni aukningu á einkaneyslu
en búist hafði verið við og að
bandarískir neytendur gangi í
auknum mæli á sparnað sinn til
þess að fjármagna hana.
Misvísandi
merki
Bandarísk
verksmiðja.
Framleiðsla eykst í
Bandaríkjunum
Marel hefur boðið eigendum MARL
06 1 skuldabréfaflokksins endur-
kaup á bréfum. Flokkurinn sem um
ræðir var gefinn út í febrúar 2006
og er skráður í kauphöllina með
gjalddaga í febrúar 2012. Sam-
kvæmt fréttatilkynningu frá Marel
eru endurkaupin á skuldabréfa-
flokknum liður í því að draga úr
gjaldeyrisáhættu á efnahagsreikn-
ingi Marel, en MARL 06 ásamt
flokknum MARL 09 eru einu krónu-
skuldirnar eftir á efnahagsreikn-
ingi fyrirtækisins. Heildarvirði
flokkanna tveggja er um 38 millj-
ónir evra. thg@mbl.is
Marel vill kaupa skuldir
 


   
  
   
  

 




 
  
  

   
 !"# $% " &'( )* '$*
++,-./
+0.-,.
+,.-01
2,-03.
+.-/.+
+4-44
++2-1.
+-100.
+03-./
+53-03
+++-+5
+0.-5+
+,/-,5
2,-.,/
+/-,10
+4-0,/
++2-4/
+-1.+.
+05-3+
+55-+0
2,4-++4+
+++-3+
+0.-/3
+,/-10
2,-.0
+/-,/1
+4-05.
++1
+-1.5.
+05-/1
+55-4