Morgunblaðið - 02.11.2010, Blaðsíða 30
MORGUNBLAÐIÐ ÞRIÐJUDAGUR 2. NÓVEMBER 2010
– meira fyrir áskrifendur
Fáðu þér áskrift á
mbl.is/askrift
JÓLAGJAFAHANDBÓK
ATVINNULÍFSINS
Þann 11. nóvember kemur
Jólagjafahandbók
Viðskiptablaðs
Morgunblaðsins út
í sjötta sinn.
Þessi veglegi blaðauki hefur skipað sér sess
sem ómissandi hjálpartæki fyrir stjórnendur
jafnt stórra og smárra fyrirtækja sem standa
frammi fyrir vandasömu verkefni á þessum
tíma árs.
Jólagjafahandbókin fjallar um allt sem snertir
jólagjafir til starfsfólks, samstarfsaðila og
viðskiptavina. Skoðaðir verða fjölbreyttir
gjafamöguleikar sem henta öllum þörfum.
Hér er á ferð samantekt sem auðveldar valið
á réttu gjöfinni sem kemur til skila þakklæti,
vinsemd og hátíðarstemningu jólanna.
Vertu með í glæsilegri sérútgáfu sem nær beint
til markhópsins
Pöntunartími auglýsinga er fyrir klukkan
16.00 mánudaginn 8. nóvember.
Nánari upplýsingar veitir Sigríður Hvönn
í síma 569 1134 / 692 1010,
sigridurh@mbl.is
Börkur Gunnarsson
borkur@mbl.is
Keppnin um Norrænu kvikmynda-
verðlaunin var einstaklega spennandi
í ár þar sem mjög vel lukkaðar mynd-
ir frá sérhverju Norðurlandanna
voru í pottinum. Mynd Tomasar Vin-
terberg, Subm-
arino, sigraði en
hana klipptu Ís-
lendingarnir Val-
dís og Andri. Í
tengslum við
Ting, norrænu
menningarhátíð-
ina sem stendur
yfir núna fram til
7. nóvember
verða myndirnar
úr keppninni
sýndar. Einnig
verður sýnt úrval
eldri mynda eftir
þá fimm leikstjóra
sem tilnefndir
voru en þeirra á
meðal er Dagur
Kári. „Við höfum
sýnt myndir eftir
marga þessa leik-
stjóra á Reykja-
vík International
Film Festival
(RIFF),“ segir Hrönn, fram-
kvæmdastjóri RIFF, „en hér gefst
tækifæri til að njóta þessara gæða-
mynda á ný á breiðtjaldi. Sýning-
arnar fara fram í Bíó Paradís við
Hverfisgötu, en lýkur á fimmtudag-
inn.“
Bíó Paradís sem
menningarmiðja
Bíó Paradís hefur komið sterkt inn
í menningarsamfélag Reykvíkinga
með bland af Hollywood-myndum og
síðan gömlum myndum sem skóla Ís-
lendinga í menningarsögunni og síð-
an það nýjasta sem er að gerast í
Evrópu. Andrúmsloftið í þessu gamla
bíói í hjarta borgarinnar (gamli
Regnboginn) er afslappað og þægi-
legt. „Já, við hjá RIFF tökum fullan
þátt í þessu verkefni hjá Bíó Para-
dís,“ segir Hrönn. „Það er lífs-
nauðsynlegt að hafa svona kvik-
myndahús. Maður botnar ekki í því af
hverju það hefur ekki verið til staðar í
nokkurn tíma. Það er mikil þörf og
áhugi á svona bíói og rekstur þess á
að vera á fjárlögum, það á að vera
skylda yfirvalda að koma að þessu.
Einsog það er til ópera, þjóðleikhús,
borgarleikhús og sinfóníuhljómsveit
þá á að vera til bíó. Ef við berum okk-
ur saman við hin Norðurlöndin þá eru
svona hús þar rekin með styrk rík-
isins. Það er þetta sem unga fólkið
sækir í og þess vegna skiptir máli að
það sé verið að sýna myndir sem við
getum speglað okkur í. Við erum
fyrst og fremst Evrópubúar og það
sem bíóhúsið býður uppá er í sam-
ræmi við það,“ segir Hrönn.
En hátíðin er ekki einskorðuð við
myndir sem voru tilnefndar til kvik-
myndaverðlaunanna því við kynn-
umst ennfremur framsæknustu og
uppfinningasömustu röddum nor-
rænnar kvikmyndagerðar í flokki
mynda sem bera yfirskriftina Nor-
ræn snilld, en þar er lögð áhersla á
hina síbreytilegu dönsku kvikmynda-
gerð og svo verða kynnt nöfn norskr-
ar kvikmyndagerðar framtíðarinnar í
flokknum Norsk ungstirni. „Ég
myndi líka vilja benda á norsku
myndina Vetrarkoss eftir Söru John-
sen sem var tilnefnd til verðlaunanna
en við höfum verið með hana áður á
RIFF. Það sama á við um sænsku
leikstjórana, sem eru ungir og efni-
legir leikstjórar sem við eigum eftir
að sjá mikið af í framtíðinni,“ segir
Hrönn.
Hátíðin haldin í kringum þingið
En frumkvæði að þessari hátíð
kemur frá Max Dager sem fundaði
með fulltrúum menningarfélaga á Ís-
landi í tilefni af Norðurlandaráðs-
þinginu en hefð hefur skapast fyrir
svona menningarhátíð í kringum
þingið hvar sem það er haldið á Norð-
urlöndunum. Það var mikil hátíð í
Stokkhólmi í fyrra og þingið verður
haldið í Kaupmannahöfn á næsta ári.
Fleira en bíó er í boði á hátíðinni, til
dæmis ballett og leikhúsverk.
Norsk kvikmyndagerð í vexti
Áhugavert er að Hrönn nefnir
norsku myndirnar sérstaklega en það
hefur stundum verið sagt um Norð-
mennina að þeir hafi nóg af peningum
til framleiðslu en lítið um efni. „Það á
ekki við lengur,“ segir Hrönn. „Það
hafa virkilega góðar myndir verið að
koma frá þeim undanfarin ár. Ég að-
stoðaði við að velja norskar myndir á
pólska hátíð í apríl en þar voru Ísland
og Noregur í fókus. Sú hátíð gekk
mjög vel og bæði norsku og íslensku
myndirnar fengu afbragðsund-
irtektir. Reyndir leikstjórar einsog
Bent Hammer hafa verið að gera
góða hluti en einnig er mikið lagt upp
úr því að styðja unga stjórnendur í
Noregi og það er að bera ávöxt,“ seg-
ir Hrönn.
Morgunblaðið/Árni Sæberg
RIFF Þótt hinni glæsilegu alþjóðlegu kvikmyndahátíð hafi lokið um síðustu mánaðamót er Hrönn enn að og í sam-
tarfi við Græna ljósið eru þau komin með fullt af flottum norrænum bíómyndum í Bíó Paradís.
Norræn paradís í Bíó Paradís
RIFF heldur áfram að veita meistaraverkum inn í íslensk
bíóhús Fingraför Íslendinga á sigurmyndinni Verk
ungra og efnilegra norrænna höfunda sýnd í Norræna húsinu
Afslappelsi Hin góðhjartaða mynd the Good Heart hefur brætt mörg hjörtun.
Dagur Kári
Pétursson
Thomas
Vinterberg
Sigurvegarinn Myndin Submarino þykir áhrifamikil bíómynd en það voru
Íslendingar sem klipptu hana fyrir Danina.