Morgunblaðið - 02.11.2010, Blaðsíða 19

UMRÆÐAN 19
MORGUNBLAÐIÐ ÞRIÐJUDAGUR 2. NÓVEMBER 2010
Það er sama hvaðan
gott kemur, hrós, sam-
kennd, vellíðan, en
ýmsir iðjuþjálfar sem
hafa unnið með mig í
endurhæfingu síðustu
árin eru ekki hrifnir af
facebook, en hvetja
mig áfram í mínum
skrifum. Margir setja í
brýrnar þegar minnst
er á fésbókina, það
þykir langtum mann-
legra að sinna sem flestum sam-
skiptum augliti til auglitis og þjálfa
þannig sem flestar tegundir sam-
skipta. En aðrir eru jú til sem fá hroll
við það eitt að horfa á tölvu sem er
ekki í gangi. Fjölmennur hópur
prentar út tölvutækt efni sitt til að
vinna með utan tölvugeisla – til
hvíldar frá skjánum og önnur hvíld-
armeiri upplifun er að lesa prent-
miðlana eins og þeir koma fyrir í
daglegu lífi. Það var mér sjón-
skertum manni mikil hjálp að skanna
efni úr prentmiðlum og lesa mikið
stækkað í tölvunni. En í dag er ég
kominn talsvert til baka og finn meiri
hvíld í að lesa áhugavert efni beint af
prenti. Það er því allt önnur menning
að fletta prentmiðlum og nota tölv-
una í önnur verkefni – nóg þarf ég að
vinna á tölvuna samt.
Margir fletta prentmiðlum en líta
ekki við þeim á netinu, eins eru aðrir
sem lesa prentið á vefnum en ekki í
útgefnu prenti. En þarna er bæði
áreiti, en líka hrós og jákvæð sam-
skipti. Nú koma ósjálfrátt upp í hug-
ann viðbrögð barna/ungmenna í
grunnskóla þegar fréttamaður N4
sjónvarps Norðurlands spurði eftir
opnun Héðinsfjarðarganganna
hvaða breytingu slík samgöngu-
bylting mundi hafa á þau sem nem-
endur: Svörin komu mér neyðarlega
á óvart, því ungmennin voru fálát og
fáskiptin og svöruðu helst já eða nei
spurningum. En ef þetta unga fólk
framtíðarinnar í 9.-10. bekk hefði
fengið þessar spurningar í gegnum
Facebook er trúlegt að tilsvör hefðu
sýnt meiri sjálfsvirðingu – þroska.
Ef tölvuleikir/veruleikahermar væru
ódýrari og jafnvel í almennri sölu
með umferðargöngum/þjálfun í
akstri og öðru þá er ég viss um að
jafnvel yrði hægt færa bílprófsaldur
niður í 15 ár.
Ég undirritaður stunda ekki tölvu-
leiki, hef nóg annað að
gera. En þessi vandi
með samskiptaform er
mjög þekktur og eðli-
legur og flestir frjósa
við það að fá á sig frétta-
mann með tökuvél.
Leikari á sviði þarf jú að
æfa texta sinn mikið áð-
ur en verk er klárt til
frumsýningar. Smáfólk-
ið talar ekki eins og
röskir ræðumenn, held-
ur nikkar höfði með já
eða nei við spurningum
frá fullorðnum. Og fullorðnir nikka
fingrum við spurningum á facebook.
Það er líka kosturinn við allt skrifað
efni að það er ekki sent í loftið á fa-
cebook og eða í prentmiðil nema um-
fjöllunarefnið sé vel skipulagt og orð-
að á sem nettastan hátt frá höfundi.
Helsta sérkenni facebook er orð-
sendingar í stuttu máli 3-6 setningar
um lundarfar viðkomandi eða skoðun
á málefnum líðandi stundar. Óttinn
við notkunarkosti facebook er sá
sami og við t.d. einstakling í van-
heilsu – geðröskun. Það er algjör
vanþekking á aðstæðum. Gallarnir
verða því ósjálfrátt ofan á vegna ótta
út af þekkingarleysi. Þú ert hæddur
við bókina ef þú kannt ekki að lesa
hana. Gallinn við flest á netinu er
eins og allir vita sú nærvera sem er
ekki fyrir hendi. En fésbókin hefur
alltaf það ákveðna öryggi í gangi að
sýna vinalista með nafni/mynd af öll-
um þínum vinum sem eru tengdir þá
stundina. Ef þú færð hrós, augliti til
auglitis eða á vefsvæðum blómstrar
sigurtilfinning þín þann daginn og
hræðslan við að kunna ekki á tölvu
jafnvel gleymist. Að fá hrós og klapp
á bakið er öllum nauðsynlegt og þá
skiptir ekki máli hvort það er veitt á
netinu eða augliti til auglitis, – þú
brestur í dans og söng í vinnunni
þann daginn og ferð hamingjusamur
(söm) í háttinn að kvöldi dags. for-
ystukind@simnet.is
Eftir Atla Viðar
Engilbertsson
Atli Viðar
Engilbertsson
» Smáfólkið nikkar
höfði með já eða nei
við spurningum frá full-
orðnum. Og fullorðnir
nikka fingrum á
facebook.
Höfundur er fjöllistamaður.
Fésbók til
fyrirmyndar
Landsfeðurnir tala í
ýkt föðurlegum tón um
að „róa almenning“ og
„ná sáttum í þjóðfélag-
inu“. Því miður virðast
þeir halda að landinn
muni losna við heims-
metið í inntöku róandi
lyfja og fallast í faðma
við það eitt að sjá í
gegnum stofusjónvarp
hrunsakamenn leidda
til aftöku og upp frá því lifa í sátt,
ekki síst við skuldavanda sinn.
Rétttrúnaðargoð samfélagsins,
með Evu Joly „yfirsaksóknara“ sem
eins konar sporhund, predika að við
blasi að glæpir tengist falli íslensku
bankanna, enda verið í viðskiptum
við svonefnd „skattaskjól“. Hér virð-
ist pólitískur trúarhiti fremur en rök
liggja að baki því að um 80% allra
fjárfestinga í heiminum og um 50%
heimsverslunarinnar fara þarna í
gegn og því í grunninn lögleg.
Ofuráhersla íslenskra stjórnvalda
á sakferli virðist eiga sér óbeina skír-
skotun í galdrafári Evrópu miðalda.
Prelátar kirkjunnar klæddust þá
skikkju saksóknara. Ljósmæður
þeirra tíma, sem föndr-
uðu með jurtaseyði,
voru oftar en ekki fórn-
arlömbin. Þær voru
sakaðar um að kenna
kynsystrum sínum að-
ferðir til að hindra
getnað. Þessi iðja, sem
valdhafar flokkuðu sem
kukl var illa séð, enda
vantaði æ meira fall-
byssufóður sökum sí-
endurtekinna styrjalda
í álfunni. Ef játning lét
á sér standa var gripið
til glóandi járns. „grasakonunum“
var síðan kastað á bálið á fjölmennu
torgi í þeim tilgangi að „róa almenn-
ing“ og skelfa til undirgefni.
Að íslenskri þjóð sóttu drepsóttir,
eitruð eldgos og hafís, sem reyndust
kjöraðstæður fyrir galdrafárið.
Í „réttarríkinu“ Íslandi er ekki
lengur kveikt í bálkesti við fullnustu
dóma, en það nægir að kveikja á
stofusjónvarpinu til að sjá nútíma
mannorðsmorð. Slík aftaka var sýnd í
„beinni“ þegar Kaupþingsmenn voru
leiddir í handjárnum fyrir framan
sjónvarpsvélar á leið í gæslu-
varðhald. Allir misstu þeir stöðu sína
hjá sínum vinnuveitanda fyrir vikið. Í
sirkusatriði var Interpól síðan látið
taka að sér „aftökuna“ á fyrrverandi
stjórnarformanni.
Eftir að stjórnvöld hafa gefist upp
á því að koma efnahag landsins á
beinu brautina og leiðrétta skulda-
vanda heimilanna eiga hinir dýru og
sívaxandi rannsóknararmar Evu Joly
og sérstaks saksóknara að sjá til þess
að eitthvað „gott“ komi út úr rann-
sóknunum, eins og oddvitarnir hafa
svo huggulega orðað það, þannig að
stjórnendur föllnu bankanna lendi í
gapastokknum hvað sem það kostar.
8. maí ávarpaði forsætisráðherra
þjóðina á ljósvakanum með eftirfar-
andi orðum m.a.:
„Ég held að við séum á ákveðnum
tímamótum í þessu máli og hand-
tökum sem áttu sér stað í gær vegna
þess að þær eru stór liður í því að við
getum náð sáttum í þessu sam-
félagi…“ Undir þetta sjónarmið tók
oddviti Vinstri grænna.
Yfirlýsingar af þessu tagi sæma
auðvitað ekki landsfeðrum. Hvernig
getur það verið af hinu góða og að í
því felist sátt að rannsókn leiði í ljós
að glæpsamlegt athæfi hafi valdið
eða átt þátt í falli fjármálakerfisins
en ekki hið gagnstæða? Getur það
t.d. verið af hinu góða að rannsókn
leiði í ljós að látinn fjallgöngumaður
hafi verið myrtur en ekki látist af
slysförum? Það ógeðfellda við þessar
yfirlýsingar er að höfundar þeirra
vita mæta vel að bankar geta farið á
hausinn án glæps.
Eftir rýra en dýra sláturtíð hjá
hinum sérstaka saksóknara, ætlar
hinn byltingarsinnaði Franz-
Norðmaður Eva Joly að reiða hærra
til höggs og reyna að leggja forseta
Frakklands, Nicolas Sarkozy, að
velli í einvígi. „Við höfum búið til
hræðilegt samfélag“, segir Eva Joly í
Mbl. viðtali 5. sept. sl.
Ef Fransmenn færa henni lykla-
völdin í Versölum þyrfti vart að
koma á óvart að hennar fyrsta emb-
ættisverk yrði að láta grafa upp hið
afkastamikla stjórntæki frá tímum
frönsku byltingarinnar, sjálfa fallöx-
ina og færa hana til vegs og virðingar
á ný.
Til þessa hafa aðeins tveir ungir
miðlarar hjá Kaupþingi fengið dóm.
Þeir ku hafa verið með brellur að
hífa upp gengið en þó ekki í eigin
hagnaðarskyni. Margir fylltust þórð-
argleði í tilefni dómsins. Til að
mynda sá Þorvaldur nokkur Gylfa-
son prófessor ástæðu til að hvetja
dómarastéttina til frekari dáða með
frýjuyrðum í blaðagrein (Fbl. 10. des.
sl.).
Þar sem löggjafarsamkundan sá
ekki ástæðu til að flokkssystir Þor-
valds, Ingibjörg Sólrún, utanrík-
isráðherra hrunstjórnarinnar, yrði
dregin fyrir Landsdóm, þrátt fyrir
„gengis-hækkunarferðir“ hennar til
Norðurlandanna í aðdraganda hruns-
ins, ætti þegar í stað að aflétta dómn-
um yfir ungu miðlurunum hjá Kaup-
þingi.
Hver er saklaus af góðærinu?
Forsetaframbjóðandinn Eva Joly
segir í blaðagrein i Mbl. 5. sept. sl.:
„Við þurfum lög til að vernda upp-
ljóstrara, en ekkert kemur í stað hug-
rekkis einstaklinganna og að þeir láti
sig hlutina varða…“
Áður en maður gleypir þess nýju
skilgreiningu á hugrekki og góðu sið-
ferði hráa er rétt að hafa í huga að
einn þekktasti heigull sögunnar var
fégráðugur uppljóstrari að nafni Ju-
das sem sagði til Jesú.
Það gladdi mig sem íslending að
heyra í fréttum 25. sept. sl. að nið-
urstaða rannsóknar breska fjármála-
eftirlitsins (FSA) væri að stjórn-
endur dótturfélags Kaupþings,
Singer & Friedlander hefðu ekki
brotið nein lög né framið neitt mis-
ferli.
Refsigleði stjórnvalda
Eftir Daníel
Sigurðsson »Getur það t.d. verið af
hinu góða að rann-
sókn leiði í ljós að látinn
fjallgöngumaður hafi
verið myrtur en ekki lát-
ist af slysförum?
Daníel Sigurðsson
Höfundur er sjálfstætt starfandi
véltæknifræðingur.
Ísland er víst með
mesta jafnrétti
kynjanna í heimi, enn
eitt árið. Ungar mennt-
aðar konur í þéttbýli
eru sá hópur landsins
sem líklegastur er til
þess að kjósa inngöngu
þjóðarinnar í Evrópu-
sambandið. Þessi hóp-
ur þarf að íhuga nokkr-
ar staðreyndir, óháð
efnahagsþrengingum
ESB eða atvinnuleysinu þar, róstum
á vinnumarkaði, evruþrengingum,
yfirstjórn ofar þjóðþingum eða öðr-
um meginþáttum tilverunnar í ESB í
dag, nema því hvert stefnir í nánustu
framtíð bandalagsins í jafnrétt-
ismálum kynjanna.
Tyrkland inn í ESB?
Um það leyti sem Ísland gengi í
ESB væri loks komið að Tyrklandi
eftir áratugabið. Sú þjóð er með þeim
neðstu á ofangreindum jafnréttislista
heims, ásamt Sádí-Arabíu og Íran.
Þrýstingur á það að Tyrkland fái að-
ild að ESB eykst stöðugt, sérstak-
lega frá Miðjarðarhafslöndum eins
og Spáni og Ítalíu. Ný-
lega bættist öflugur
liðsmaður utan að við,
Obama Bandaríkja-
forseti, er hann sagði
ríki sitt vera sterkan
stuðningsaðila inn-
göngu Tyrklands í
ESB. Þeir ESB-
fyrirlesarar sem hingað
hafa komið hafa einum
rómi sagt Tyrkland
vera velkomið í ESB.
Hinum megin á skalanum
Tyrkland er statt hinum megin á
listanum við Ísland í jafnréttismálum
kynjanna, yfirleitt með 5-10 neðstu
ríkjunum (nú nr. 126). 99,8% þjóð-
arinnar eru múhameðstrúar, sem
þýðir að kristnir í Tyrklandi eru
færri heldur en Reykvíkingar. Rúm-
lega sjötíu og sex milljónir Tyrkja
játa íslamstrú og þau gildi sem henni
fylgja. Um 80% kvennanna eru læs
og því eru um 8 milljónir ólæsar eða
um 24 Íslönd. Olli Rehn, fyrrum
stækkunarmálastjóri ESB, segist
litla samúð hafa með menningarlegri
eða trúarlegri andstöðu við inngöngu
Tyrklands í ESB, því að fyrir sér sé
„…ESB ekki klúbbur kristinna held-
ur samfélag um gildi tengd frjálsræði
og frelsi“.
Eiríkur: Tyrkland
og Ísland í ESB
Þá kemur að hlut Eiríks Berg-
mann í sjónvarpsfréttum RÚV
sunnudagskvöldið 17. október 2010.
Hann kemur til varnar fjölmenning-
arsamfélaginu, sem Angela Merkel
kanslari Þýskalands sagði að hefði
algerlega brugðist í Þýskalandi nú-
verandi mynd og aðild Tyrkja að
Evrópusambandinu, sem hún er
andsnúin eins og meirihluti Þjóð-
verja.
Eiríkur sagði: „Angela Merkel lét
ummælin falla við andstöðu við aðild
Tyrklands að Evrópusambandinu“.
Engin furða, þar sem síðustu varnir
gegn Tyrkjaflóðinu mikla falla hverj-
ar af öðrum og meirihluti Þjóðverja
gerir sér grein fyrir því hver útkom-
an verður ef Tyrkland er samþykkt
inn. Fyrir utan hrikaleg áhrif á líf-
eyri, efnahag og daglegt líf hins al-
menna Þjóðverja eða ESB-búa yf-
irleitt, þá vita þeir hvernig ástandið
er í Tyrklandi í uppáhaldsmálum
ESB-Samfylkingar: arfaslakt jafn-
rétti, sbr. að ofan, takmörkuð mann-
réttindi og tjáningarfrelsi, skortur á
trúar- og menningarlegu umburð-
arlyndi (enda allt íslam), kúgun
minnihlutahópa (Kúrda, Armena) og
beiting hervalds (á N-Kýpur og víð-
ar), enda yfirtökur hersins tíðar á
síðustu áratugum. Angela Merkel
segir aðild ekki vera einstefnugötu
og að Tyrkland verði að uppfylla öll
skilyrði aðildar. Hún er því einn
harðasti útvörður ESB fyrir þau
gildi sem Evrópusinnar hér segjast
aðhyllast, en verður nú að sæta því
að vera útmáluð í hóp lýðskrumara af
ofur-Evrópusinnanum Eiríki Berg-
mann!
Vitnum enn í Eirík á RÚV: „Á ní-
unda og tíunda áratugnum kom
fyrsta bylgjan af þessari kynþátta-
hyggju. Nú er önnur bylgjan að
skella á Evrópu eins og flóðbylgja.“
Af hverju skyldi það vera, ef kyn-
þáttahyggju skyldi kalla? Frekar
ætti að kalla þetta raunsæi. Milljónir
Tyrkja hafa þegar sest að í Þýska-
landi án þess að aðlagast fyllilega
samfélaginu í tungumáli eða í hátt-
um. Þjóðverja sem fyrir eru óar við
því að taka á móti kannski tugmilljón
í viðbót við inngöngu Tyrklands í
ESB, enda hafa Tyrkir þá fullan rétt
og yrði stærsta þjóðin í ESB, líklega
um 80-85 milljónir innan 20 ára, en
innfæddum Þjóðverjum fækkar stöð-
ugt.
Eiríkur gat eftirfarandi: „Hér er
stjórnmálaástandið þannig að allt er
galopið og mjög auðvelt fyrir lýð-
skrumara að koma fram og nýta sér
slíkt ástand.“ Einmitt! Hann vill
kannski ESB-alræði en við kjósum
það opið. Lýðskrumararnir eru þeir
sem þykjast fylgja lýðræði, jafnrétti
kynjanna, mannréttindum og skand-
inavískum gildum en ætla að drekkja
okkur í fólksflaumi afturhalds í þeim
málum og hirða af okkur sjálfræðið
og fullveldið í leiðinni. Eins og Mer-
kel þá aðhyllumst við fulla vinsemd,
viðskipti og samskipti við Tyrkland
og Tyrki. En stærð þeirrar þjóðar er
240 Íslönd og þeirra gildi myndu
bera okkur ofurliði við sameiningu.
Ungar, íslenskar, menntaðar kon-
ur í þéttbýli: Ef þið viljið eiga ein-
hverja von um að halda áunnum rétt-
indum ykkar á heimsmets-löngu lífi
hér á Íslandi, haldið ykkur fjarri
hugmyndum um aðild að Evrópu-
sambandinu og mjúkmæltum sölu-
mönnum þess.
Eftir Ívar Pálsson
» Ísland er víst með
mesta jafnrétti
kynjanna í heimi, enn
eitt árið.
Ívar Pálsson
Höfundur er viðskiptafræðingur með
eigið útflutningsfyrirtæki.
Beiðni til ungra
íslenskra kvenna
Til stjórnlagaþings verður
kosið 27. nóvember nk. og eru
523 einstaklingar í framboði.
Vegna mikils fjölda fram-
bjóðenda eru líkur á að tak-
marka þurfi greinar í blaðinu.
Frambjóðendum býðst nú að
birta eina grein að hámarki
2000 slög. Greinin birtist einnig
á vef blaðsins, www.mbl.is/
stjornlagathing en sá vefur er
einnig opinn fyrir fleiri greinar
frá frambjóðendum og stuðn-
ingsmönnum án lengd-
artakmarkana.
Greinar skal senda í gegnum
vef blaðsins, mbl.is (senda inn
efni) og merkja stjórnlagaþing
2010.
Kosningar
til stjórn-
lagaþings –
greinar