Morgunblaðið - 02.11.2010, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 2. NÓVEMBER 2010
Einar Örn Gíslason
einarorn@mbl.is
„Ríkisstjórnin hefur verið á rangri
leið,“ sagði Bjarni Benediktsson,
formaður Sjálfstæðisflokksins, á
blaðamannafundi í gær. Hann seg-
ir að ef rétt hefði verið haldið á
spöðunum sæi nú fyrir endann á
samstarfi ríkisins og Alþjóða gjald-
eyrissjóðsins, og efnahagsbatinn
ætti að vera orðinn sýnilegur.
Hann sagði að þvert á móti væri
staðan „einungis að versna“. Van-
hugsaðar aðgerðir í skattamálum,
aðgerðaleysi við úrlausn skulda-
vanda heimila og fyrirtækja og
mótstaða við uppbyggingu atvinnu-
lífs væru ástæður þess að efna-
hagsbatinn hefur látið á sér standa
hér á landi.
Á fundinum kynnti Bjarni þings-
ályktunartillögu sem allir þing-
menn flokksins flytja þegar þingið
tekur aftur til starfa síðar í vik-
unni. Í tillögunni er mælt fyrir um
það að Alþingi verði falið að ráðast
í viðamiklar aðgerðir, „til að stuðla
að sátt við heimilin, verja velferð
með ábyrgum ríkisfjármálum, efla
atvinnulífið og fjölga störfum“.
Bjarni segist bjartsýnn á að hug-
myndir þingflokksins njóti hljóm-
grunns á þingi. „Ég vonast til þess
að þær fái umræðu og ég veit að
það er breiður stuðningur við flest
af því sem við erum hér að tala fyr-
ir. Ég finn fyrir því í þinginu að
fólk vill grípa tækifærin sem eru til
staðar. En við höfum óstarfhæfa
ríkisstjórn í landinu, sem hefur
verið að nota lægsta samnefnara í
samstarfi sínu til þess að grund-
valla stefnuna í landinu, og fólk er
búið að fá nóg af því.“
22.000 störf á þremur árum
Á aðgerðalistanum, sem alls er í
41 lið, er lagt til að skattahækkanir
núverandi ríkisstjórnar verði látn-
ar ganga til baka að fullu á næstu
tveimur árum. Breytt rekstrarskil-
yrði fyrirtækja, einkum smárra og
meðalstórra, skynsamleg nýting
auðlinda og afnám óhagkvæmra
skatta, vörugjalda og verndartolla,
eru meðal þeirra aðgerða sem
haldið er fram að skapað geti um
22 þúsund störf á næstu tveimur til
þremur árum. Hvað auðlindanýt-
ingu varðar er lagt til að þorskafli
verði aukinn um 35 þúsund tonn á
yfirstandandi fiskveiðiári, og afla-
heimildunum ráðstafað þegar í
stað, á grundvelli aflahlutdeildar.
Í þingsályktunartillögunni er
jafnframt lagt til að greitt verði
fyrir framkvæmdum í Helguvík og
á Bakka, arðbærum verkefnum
verði hrint í framkvæmd í sam-
starfi við lífeyrissjóði, og skattkerf-
ið verði endurbætt í því skyni að
skapa ný störf og vernda þau sem
fyrir eru.
Það er til að mynda lagt til að
skattafslættir vegna rannsókna og
þróunarstarfs verði auknir, fyrir-
tækjum sem bæti við sig starfsfólki
verði veittur afsláttur af trygging-
argjaldi og að ný fyrirtæki verði al-
farið undanskilin greiðslu trygg-
ingargjalds.
Ekki of dýrt í framkvæmd
Auk aðgerða í þágu atvinnulífs-
ins er mikil áhersla lögð á skulda-
vanda heimila og fyrirtækja í
þingsályktunartillögunni. Lækkað-
ir skattar, bætt úrræði varðandi
greiðsluaðlögun og stytting fyrn-
ingarfrests krafna í kjölfar gjald-
þrota er á meðal þess sem lagt er
til. Jafnframt er lagt til að húsa-
leigu- og vaxtabótakerfin verði
styrkt í þágu hinna verst stöddu.
Aðspurður segist Bjarni ekki
telja að boðaðar aðgerðir muni
reynast ríkisstjórninni ofviða fjár-
hagslega, en kostnaður vegna
skattkerfisbreytinganna einna
hlypi á tugum milljarða króna. Það
sé ekki bara þannig að tillögur
þingmanna Sjálfstæðisflokksins
geti lokað fjárlagagatinu, heldur
hafi skattahækkanir ríkisstjórnar-
innar beinlínis „virkað í öfuga átt“.
Hækkun tekjuskatts á einstaklinga
hafi ekki skilað því sem til var ætl-
ast, og „hringlandaháttur í skatt-
kerfinu“ hafi fælt fjárfestingu frá.
Morgunblaðið/RAX
Valhöll Bjarni Benediktsson, formaður Sjálfstæðisflokksins, kynnir þingsályktunartillögu sem flutt verður af öllum þingmönnum flokksins.
Vilja lækka skatta á ný
 Þingflokkur Sjálfstæðisflokksins kynnti í gær aðgerðaáætlun í 41 lið
 Vill verja velferð og styðja við skuldug heimili og atvinnuuppbyggingu
Talsvert mikið tjón varð þegar eldur
kom upp í húsnæði fyrirtækisins
Gröfunnar ehf. við Eirhöfða í
Reykjavík í fyrrinótt. Allt tiltækt lið
slökkviliðs höfuðborgarsvæðisins
var kallað út rétt fyrir klukkan eitt í
nótt vegna eldsvoðans.
Enginn var inni í húsnæðinu þeg-
ar eldurinn kom upp, en talið er að
kviknað hafi í bíl innandyra og eld-
urinn borist í þak hússins.
Erfiðlega gekk að komast að eld-
inum, en slökkvistarfi lauk um kl. 8 í
gærmorgun.
Mikið tjón
í bruna á
verkstæði
Talið er að kviknað
hafi í bíl innandyra
Eldsvoði Talsvert tjón varð í elds-
voðanum við Eirhöfða í gær.
Slökkviliðið á Akureyri var með
talsverðan viðbúnað í gær vegna
tilkynningar um eiturefnaslys í
verksmiðjum Becromal við
Krossanes.
Tilkynning um slysið barst laust
fyrir klukkan hálf þrjú og voru
sendir tveir sjúkrabílar á staðinn,
auk dælubíls.
Ekki alvarlega slasaðir
Samkvæmt upplýsingum
slökkviliðsins voru tveir starfs-
menn fluttir á sjúkrahús eftir að
hafa fengið á sig natríum hýdrox-
íð. Þeir eru ekki taldir alvarlega
slasaðir og reyndist skaðinn minni
en menn töldu í upphafi.
Var annar starfsmaðurinn að
þrífa tækjabúnað með efninu þeg-
ar slanga losnaði og sprautaðist
efnið á þá í litlu magni. Þetta
gerðist í opnu rými, sem var vel
loftræst. Starfsmenn brugðust
strax við samkvæmt viðbragðs-
áætlun og voru þeir skolaðir og
meðhöndlaðir á réttan hátt skv.
upplýsingum Slökkviliðs Akureyr-
ar.
Eiturefnaslys
í Becromal
Una Sighvatsdóttir
una@mbl.is
Gagngerar endurbætur eru nú í
vændum á Hótel Loftleiðum og
munu þær hefjast um og upp úr ára-
mótum. Þar á meðal eru áætlaðar
breytingar á veitingaþjónustunni, að
því leyti að hún hættir að vera sjálf-
stæð rekstrareining á vegum JT
veitinga, sameinast reksturinn
rekstri Icelandair Hotels.
Að sögn Sólborgar Steinþórs-
dóttur, hótelstjóra Hótel Loftleiða,
eru engar uppsagnir áætlaðar sam-
hliða breytingunum í veitingaþjón-
ustunni, heldur mun sama starfsfólk
fylgja rekstrinum. „Við ætlum að
taka veitingareksturinn í okkar
hendur sem hluta af hótelrekstr-
inum og það verða kannski einhver
störf sem breytast, en það verða
engar stórvægilegar breytingar.“
Kostar hátt í milljarð
Hótel Loftleiðir endurnýjaði í
sumar leigusamninga við fasteigna-
félagið Reiti, eiganda húsnæðisins,
til ársins 2025. Samningarnir fólu í
sér að ráðist yrði í endurbæturnar,
en kostnaður við þær mun nema hátt
í 1 milljarð króna.
Þegar var hafist handa við
endurbætur á 74 herbergjum og lýk-
ur þeim í desember. Í ársbyrjun
2011 hefjast svo endurbætur á
gestamóttöku og sundlaug, auk veit-
ingasalanna. Sólborg segir að hótelið
verði að fullu opið á meðan endur-
bæturnar standa yfir.
Stefnt er að því að hjónin Frið-
rik Valur Karlsson og Arnrún
Magnúsdóttir, sem ráku veitinga-
staðinn Friðrik V á Akureyri, muni
koma að veitingaþjónustunni á Hót-
el Loftleiðum að sögn Sólborgar.
Þau hafa síðustu mánuði átt í sam-
starfi við Edduhótelin, sem einnig
eru rekin af Icelandair Hotels.
Jón Ögmundsson, veit-
ingamaður hjá JT veitingum, segir
enn óráðið hvað fyrirtækið muni
taka sér fyrir hendur þegar starf-
seminni verður hætt á Loftleiðum.
Breytingar á veitinga-
rekstri Loftleiðahótels
 Reksturinn færist yfir til hótelsins  Engar hópupp-
sagnir vegna breytinganna  Liður í miklum endurbótum
Morgunblaðið/Heiddi
Loftleiðir Þangað hafa margir sótt bæði jólahlaðborð og erfidrykkjur.
Sjálfstæðismenn leggja til að
greiðsluaðlögunarúrræði verði
einfölduð og að öllum sem eftir
því óska standi til boða að
minnka greiðslubyrði fast-
eignalána um 50% í þrjú ár. Þeim
sem missa atvinnu standi það til
boða að frysta afborganir af fast-
eignalánum í allt að hálft ár. Fram
kom í máli Bjarna Benedikts-
sonar að flokkurinn legðist gegn
hugmyndum um almenna niður-
færslu skulda. Með boðuðum úr-
ræðum væri hins vegar létt undir
hjá stórum hluta fólks. Auk áð-
urnefndra úrræða er lagt til að
þeir sem missi húsnæði sitt
vegna skuldavanda geti áfram
búið í því „gegn hóflegri
greiðslu“ í allt að fimm ár, og
haldið forkaupsrétti. Jafnframt
verði fyrningarfrestur krafna eft-
ir gjaldþrotaskipti styttur frá því
sem nú er.
Engin almenn niðurfærsla
ÚRRÆÐI TIL HJÁLPAR SKULDUGUM