SunnudagsMogginn - 05.02.2012, Qupperneq 8
8 29. janúar 2012
Black Sabbath var stofnuð af fjórum ungmennum í
Birmingham á Englandi árið 1969, söngvaranum
Ozzy Osbourne, gítarleikaranum Tony Iommi,
trommaranum Bill Ward (allir fæddir 1948) og
bassaleikaranum Geezer Butler (f. 1949). Fyrsta
plata sveitarinnar, sem bar nafn hennar, kom út
snemma árs 1970 en Black Sabbath sló í gegn með
næstu plötu, Paranoid, sem kom út síðar sama ár.
Dekkri og drungalegri riff höfðu ekki í annan tíma
heyrst í mannheimum og ný stefna leit dagsins ljós
– þungmálmur. Enda þótt gagnrýnendur væru ekki
undir ósköpin búnir var breskur æskulýður það
sannarlega og tónleikahús voru iðulega full út úr
dyrum þegar Black Sabbath var á sviðinu. Sig-
urganga sveitarinnar var óslitin fram eftir öllum átt-
unda áratugnum og gagnrýnendur sáu sig fljótt um
hönd.
Þess má til gamans geta að ungmennin sem
stofnuðu Black Sabbath komu hvert úr sinni áttinni,
þannig starfaði Osbourne, sem þá hét einfaldlega
John, á sláturhúsi og Iommi dró fram lífið með því
að gera við ritvélar. Sá hefði lítið að gera í dag.
Slátrari og ritvéla-
viðgerðarmaður
Whiskey a Go Go-barinn í Los Angeles, þar sem Black
Sabbath hélt sína fyrstu tónleika vestra árið 1971.
Reuters
Nýjasta og mögulega síðasta tilraunin til að náupprunalegum meðlimum fyrsta málmbandsmannkynssögunnar, Black Sabbath, samantil plötugerðar og tónleikahalds er í uppnámi
eftir að trymbillinn, Bill Ward, lýsti því yfir á heimasíðu
sinni í vikunni að samningurinn sem fyrir honum lægi
væri ekki boðlegur. Hótaði hann að draga sig í hlé og bað
áhangendur sveitarinnar sögufrægu lengstra orða að
erfa það ekki við sig. „Mér líður eins og mér hafi verið
útskúfað, svo virðist sem ég fái ekki að vita hvað er á
seyði nema ég skrifi undir samning sem óhugsandi er að
skrifa undir,“ segir Ward og bætir við að málið hafi skil-
ið hann eftir á aumum og einmanalegum stað. „Vegna
réttinda minna og sjálfsvirðingar sem rokktónlist-
armaður get ég hins vegar ekki skrifað undir.“
Ward segir málið ekkert hafa með græðgi að gera,
hann sé alls ekki að beita fjárkúgun. „Allt sem ég bið um
er samningur sem er viðurkenning á veru minni í þessu
bandi og framlagi mínu gegnum árin.“
Af ummælum Wards að dæma hefur honum verið
haldið utan hringiðunnar en gert var heyrinkunnugt í
nóvember að upprunalegu meðlimir Black Sabbath,
Ozzy Osbourne, Tony Iommi, Geezer Butler og Bill
Ward, hefðu samþykkt að koma saman á ný, taka upp
plötu, sem koma á út seint á þessu ári, og fara í tónleika-
ferð. Black Sabbath á meðal annars að troða upp á
Download-hátíðinni vinsælu í Bretlandi í sumar. Af máli
Wards að dæma er þetta ekki í fyrsta skipti sem honum
er sýnt tómlæti af félögum sínum í hljómsveitinni og að-
standendum hennar. Ýmsum heimildum ber saman um
að hann hafi á köflum rekist illa í bandinu en frægt var
þegar Ward hlaut þriðja stigs bruna eftir að félagarnir
tendruðu bál í skeggi hans.
Ward tekur skýrt fram í yfirlýsingunni að hann sé eft-
ir sem áður til í tuskið. „Enda þótt þetta hafi slegið mig
út af laginu, er ég búinn að setja niður í töskur og tilbú-
inn að fara frá Bandaríkjunum til Englands. Það sem
meira er, ég vil endilega leika inn á nýju plötuna og fara í
tónleikaferðina með Black Sabbath.“
Þessi tónn vekur langsoltnum áhangendum Sabbath
bjartsýni en auk þess hafa glöggir málmskýrendur bent
á, að þetta sé ekki í fyrsta skipti sem Bill Ward lendir í
samningaþófi við sveitina. Árið 2004, þegar téðir fjór-
menningar áttu að koma saman til tónleikahalds, hætti
trymbillinn við í fússi fyrir þær sakir að samningurinn
væri óviðunandi. Mike Bordin úr Faith No More var ráð-
inn í staðinn. Ward snerist þá hugur og slóst í hópinn.
Ekki er lítið í húfi en fjórmenningarnir gerðu síðast
saman plötu undir merkjum Black Sabbath árið 1978,
Never Say Die. Síðan fór allt í bál og brand og Osbourne,
sem verð sífellt undarlegri í háttum vegna taumlausrar
áfengis- og fíkniefnaneyslu, hætti í bandinu. Hóf sóló-
feril og haslaði sér síðar völl sem sérvitringur í raun-
veruleikasjónvarpi ásamt spúsu sinni, Sharon, og tveim-
ur af þremur börnum þeirra hjóna. Ronnie James Dio
tók við hljóðnemanum af Osbourne en fjórir aðrir
söngvarar hafa komið við sögu sveitarinnar, Ian Gillan,
Glenn Hughes, Tony Martin og Ray Gillen.
Black Sabbath hefur sent frá sér tíu breiðskífur eftir
brotthvarf Osbournes en Ward hefur aðeins leikið inn á
tvær þeirra, Heaven & Hell (1980) og Born Again (1983).
Iommi greindist með krabbamein
Á ýmsu hefur gengið síðan tilkynnt var um endurkomu
upprunalegu útgáfunnar af Black Sabbath fyrir aðeins
þremur mánuðum en í byrjun árs upplýsti gítarleikari og
listrænn stjórnandi sveitarinnar, Tony Iommi, að hann
hefði greinst með eitlakrabbamein. Meinið mun vera á
frumstigi og úr herbúðum Sabbath bárust fljótt þær
fréttir að veikindi Iommis ættu ekki að hafa mikil áhrif á
áform sveitarinnar á þessu ári. Enn er stefnt að útgáfu
plötunnar undir lok þessa árs og engum tónleikum hefur
ennþá verið aflýst. Það eina sem hefur breyst er að upp-
tökur munu fara fram á heimavelli Iommis í Englandi en
ekki í Bandaríkjunum eins og fyrst stóð til.
Nú er bara spurning, hver mun fara fingrum um kjuð-
ana, Bill Ward eða einhver annar?
Ozzy Osbourne upplýsir lýðinn um endurkomu Black Sabbath í nóvember síðastliðnum. Bill Ward drúpir höfði.
Reuters
Nú er það
svart,
Sabbath!
Eyðileggur vont
samningstilboð
endurkomu móður
allra málmbanda?
Vikuspegill
Orri Páll Ormarsson orri@mbl.is
Stofnmeðlimir Black Sabbath seint á síðasta ári: Bill
Ward, Ozzy Osbourne, Geezer Butler og Tony Iommi.
Reuters
Black Sabbath sendi síðast
frá sér breiðskífu fyrir sautján
árum, 1995. Forbidden nefn-
ist gripurinn og var Tony
Iommi eini upprunalegi með-
limurinn til að leika á plöt-
unni. Aðrir bandingjar á þeim
tíma voru Tony Martin, söng-
ur; Neil Murray, bassi; Geoff
Nicholls, hljómborð og Cozy
heitinn Powell sem lék á
trommur.
Síðasta plata kom út 1995
Black Sabbath á sokkabandsárum sveitarinnar um 1970.