SunnudagsMogginn - 05.02.2012, Blaðsíða 40
40 29. janúar 2012
Mér hefur alltaf fundist gaman að lesaævisögur og hef fengið slíkar í jólagjöfsíðan ég var unglingur. Nú er ég aðlesa ævisögu Vilborgar Dagbjarts-
dóttur og hef átt erfitt með að slíta mig frá henni.
Ætli þjóðfræðigenið hafi ekki hér eitthvað að segja
en mér finnst ótrúlega gaman að lesa um alls konar
fólk. Kannski helst það sem ekki var eins og fólk er
flest. Mér finnst gaman að lesa um það hvernig fólk
bjó og lifði úti á landi fyrir einum 60 árum eða svo.
Líka að lesa um ferðalög og hversu mikilvægt var að
geta hitt Íslendinga á ferðum sínum um hinn stóra
heim. Þetta hefur breyst í dag. Nú verðum við hálf
pirruð að rekast á Íslending á danska Strikinu eða á
spænskri strönd. Viljum bara vera í friði. En fyrir
tíma farsíma, nets og allrar þeirrar tækni sem við
þekkjum í dag var öldin önnur. Þá var frábært að
hitta landa sína til að fá fréttir og alls konar fólk á
öllum aldri blandaðist saman.
Það er mjög skemmtilegt að lesa lýsingar Vilborg-
ar af The National House í Skotlandi. Til Skotlands
fór hún í vist og var strax vöruð við af húsmóð-
urinni að sækja ekki þetta hús.
Sem betur fer gerði Vilborg oftar en ekki það sem
hún átti ekki að gera og fór auðvitað beinustu leið í
National House. Þar kynntist hún listamönnum,
skáldum og ýmis konar fólki víðs vegar að úr heim-
inum sem hafði áhrif á lífssýn hennar og skoðanir.
Hugsa sér ef hún hefði nú bara setið heima prúð og
stillt! Vilborg fór sínar ótroðnu leiðir í lífinu og um
það er skemmtilegt að lesa.
Íslenskir fagnaðarfundir
Víða erlendis koma Íslendingar saman á þorrablóti til að eta, drekka og eru glaðir.
Í dag gleðst fólk ekki jafn
mikið yfir því að sjá Íslend-
inga í fjölförnum borgum.
Þetta var öðruvísi í denn.
Lífið og
tilveran
María Ólafsdóttir
maria@mbl.is
Morgunblaðið/Golli
Það er ótrúlega skemmtilegt að horfa á ferðaþætti
og kynnast þannig ólíkum löndum og menningu. Ég
gleymdi mér algjörlega yfir Travel sjónvarpsrásinni
nú í vikunni. Þar voru meðal annars innslög frá Japan
og var þáttastjórnandinn óhræddur við að smakka
ýmsan mat. Hún skellti meðal annars í sig ál með
sérstakri marineringu. Við erum nú kannski ekkert
æst í ál hér á landi en hún sagði hann smakkast
ágætlega. Svo smakkað hún ýmiskonar rétti á úti-
markaði. Þar mátti sjá kjúklingagrillpinna í teryaki-
sósu, dísæta bananapinna og japanska ommelettu
svo aðeins fátt eitt sé nefnt. Einna bestur var þó jap-
anski matarsjálfsalinn. Í honum mátti fá óætar
franskar kartöflur, sælgæti í formi sushi og auðvitað
hið fræga japanska gos með fiskibragði.
Fiskur í sushi og gosi
Það er febrúar og enn er ég í vor/sumarkjól sem ég
keypti mér fyrir nokkrum árum. Trikkið er bara að
fara í leggings og langermabol við. Þannig ganga
fjölmargar flíkur upp í fataskápnum allan ársins
hring. Í raun er hægt að komast upp með að eiga
nokkrar vel valdar flíkur og láta það duga. Síðan er
það útsjónarsemin sem ræður því hvernig megi raða
þeim saman. Ótrúlegt hvað maður á mikið sem safn-
ast upp líka. Ég tók góðan skurk um daginn og fyllti
stóran poka af fötum. Þau verða vonandi sett á slá
einn góðan veðurdag og seld. Fann meira að segja
þessa fínu vetrarpeysu lengst inni í skáp. Gleðin ent-
ist samt ekki lengi yfir þessum fundi. Ull er bara ekk-
ert fyrir mig. Ekki einu sinni 40% ull svo hún fékk að
fjúka í pokann líka. En ef þig vantar hvíta, einfalda
peysu þá er hún föl. Segjum bara 2500 kall. Þá get
ég farið og keypt mér bómull í staðinn.
Bóm-ull og önnur ull
Mýkjandi rakagefandi krem með dásamlegum rósailmi fyrir þurrar og
sprungnar hendur.
4 msk möndluolía
1 msk býflugnavax
3 msk jojobaolía
2 tsk rósavatn
pottur glerskál
Hitið pott með vatni í við lágan hita. Setjið býflugnavaxið í skál, látið
út á vatnsbaðið og leyfið því að bráðna. Þegar vaxið er bráðið blandið ol-
íunum þá rólega við og hrærið mjög vel. Takið af hitanum þegar vaxið og
olíurnar hafa bráðnað vel saman. Bætið síðan rósavatninu við og þeytið
blönduna saman þangað til hún fær mjúka, kremkennda áferð. Geymið
blönduna í lokuðu íláti á köldum og þurrum stað. Ef blandan verður of
hörð má bræða hana aftur og bæta meiri olíu við og öfugt. Geymist í um
2-3 mánuði. Úr bókinni Náttúruleg Fegurð, Arndís Sigurðardóttir, Bóka-
félagið.
Heimagerður handáburður
Lífsstíll
Það vantaði ekkert upp á litagleð-
ina í nýjustu fatalínu Agatha Ruiz
de la Prada. En hún var kynnt á
Mercedes-Benz tískuvikunni í
Madríd. Það er um að gera að
leyfa litagleðinni dálítið að njóta
sín. Líka þó nú sé vetur enda veit-
ir ekki af að fríska dálítið upp á
svörtu fötin sem flestir klæðast
alla jafna. Þó enn sé vetur glittir
þó í vorið þarna handan við horn-
ið. Við getum í það minnsta farið
að hlakka til betra veðurs og
skemmtilegra sumarfata.
Kistan