SunnudagsMogginn - 05.02.2012, Síða 38
38 29. janúar 2012
Svo bar til um þessar mundir. Orðalagið er komið úr Biblíunnien getur víðar átt við og hæfir þegar sagt er frá miklum at-burðum og sögulegum sem marka skil. Varaforseti Banda-ríkjanna, Lyndon B Johnson, lagðist í ferðalög snemma í
september 1963 og heimsótti öll Norðurlönd og endaði á Íslandi.
Heimsóknin þótti meiriháttar viðburður og í fréttum Morgun-
blaðsins var tekið fram að Johnson hefði gert sér far um að hitta fólk
að máli, tala við það og kynnast.
„Er óhætt að fullyrða, að Íslendingar hafa sjaldan fagnað erlendum
gesti jafn innilega og heils hugar og í gær. Hafði fólk orð á því hversu
auðvelt Lyndon B. Johnson átti með að komast í gott samband við
fólkið, sem hann hitti á förnum vegi. Varaforseta Bandaríkjanna var
ekki sízt vel fagnað í Háskólabíói, og á leiðinni þaðan að Hótel Sögu.
Kommúnistar höfðu að vísu reynt að efna til mótmæla, en sú til- raun
fór út um þúfur,“ sagði í frásögn Morgunblaðsins sem endurspeglar
vel andrúm hins kalda stríðs. Lyndon B. Johnson í Íslandsheimsókn sinni árið 1963 þar sem hann heilsaði upp á fólk fyrir utan Hótel Sögu.
Morgunblaðið/Ólafur K. Magnússon.
Myndasafnið 17. september 1963
Varaforseti á
girðingunni
Máttur ei mun þverra,
þeirra Joða Erra
Eftir liðlega tveggja áratuga hlé hefur
TNT-sjónvarpsstöðin dustað rykið af
sápuóperu sápuóperanna, Dallas. JR
og Bobby Ewing eru enn á kreiki en nú
hafa synir þeirra tekið við kyndlinum.
Orri Páll Ormarsson orri@mbl.is
Fáir sjónvarpsþættir, ef nokkur, hafa not-ið meiri lýðhylli hér á landi en banda-ríska sápuóperan Dallas sem framleiddvar á árunum 1978 til 1991 og hermdi af
ástum og örlögum Ewing-fjölskyldunnar í olíu-
ríkinu Texas. Einhverjum þótti efnið fyrir neðan
virðingu bókaþjóðarinnar en samt horfðu allir á
Dallas – sumir vildu bara ekki viðurkenna það.
Nú, rúmum tveimur áratugum eftir að síðasti
þátturinn fór í loftið, er verið að endurvekja Dall-
as og verður ný sería, sem telur tíu þætti, sýnd í
Bandaríkjunum í sumar. Nokkrar af gömlu per-
sónunum snúa aftur, þeirra helstar bræðurnir JR
og Bobby Ewing og hin raunamædda eiginkona
þess fyrrnefnda, Sue Ellen. Eftir allt sem á
undan er gengið hefðu fáir veðjað
á að þau yrðu ennþá saman árið
2012. Larry Hagman (80 ára),
Patrick Duffy (62 ára) og Linda
Gray (71 árs) fara sem fyrr
með hlutverkin.
Af öðrum gömlum kunn-
ingjum sem koma við sögu
í nýju þáttunum má nefna
Lucy, bróðurdóttur JR og
Bobbys (Charlene Til-
ton), hálfbróður þeirra,
Ray Krebbs (Steve Ka-
naly) og eilífðaróvin
Ewinganna, Cliff
gamla Barnes (Ken
Kercheval).
Ættmóðirin Miss
Elly er nú fjarri góðu
gamni en leik-
konan, Barbara Bel
Geddes, lést árið
2005, eins fyrstu
tvær eiginkonur
Bobbys, Pamela
(Victoria Principal) og Jenna (Priscilla Presley). Í
þeirra stað er kappinn búinn að krækja í nýja
konu, Ann, sem leikin er af Brendu Strong.
Berast á banaspjót
Enda þótt gamla gengið sé enn á fótum hverfist
sagan nú að mestu um næstu kynslóð. John Ross
III (Josh Henderson) og Christopher (Jesse Met-
calfe), synir JR og Bobbys, berast nú á banaspjót
líkt og feður þeirra forðum. Ef marka má
kynningarefni hefur eplið í hvorugu
tilvikinu fallið langt frá eikinni. Í forgrunni verða
líka Rebecca Sutter (Julie Gonzalo), unnusta
Christophers, og Elena Ramos (Jordana Brewster)
sem átt hefur vingott við þá frændur báða. Guð sé
oss næstur!
Sterk tenging er við einn vinsælasta framhalds-
þáttinn vestra á umliðnum árum en Strong,
Henderson og Metcalfe hafa öll leikið í lengri eða
skemmri tíma í Að-
þrengdum eig-
inkonum.
Gamla settið snýr aftur:
Patrick Duffy, Linda Gray
og Larry Hagman.
Reuters
Frægð og furður