Ægir - 01.03.2011, Blaðsíða 22

22
Æ G I S V I Ð T A L I Ð
leiguverð á þorski 210 krónur
en verð á ýsu 45 krónur. Frá
þessum tíma hefur ýsuverðið
hins vegar fjórfaldast og segir
sig sjálft að mun minni
möguleikar eru að láta rekst-
urinn ganga þegar leigu-
kvótaverðið er svo hátt.
„Það voru ekki margir trú-
aðir á að þetta gæti gengið
og bjartsýnin var heldur ekki
mikil þessa fyrstu mánuði eft-
ir bankahrunið. Þegar hins
vegar var komið inn í miðja
grásleppuvertíð vorið 2009
var strandveiðikerfið sett á og
í því sá ég tækifæri til að að
skapa mér vinnu og bátnum
meiri verkefni. Þetta þýddi að
báturinn gæti haft rekstrar-
grundvöll í að minnsta kosti
sex mánuði þannig að ég er
mjög ánægður með stand-
veiðina. Við fengum líka út-
hlutuðum byggðakvóta þann-
ig að allt lagðist saman í því
að hjálpa okkur af stað,“ seg-
ir Ingvar.
Skrapp í róður í Noregi!
Ingvar Þór hefur ekki látið
sér nægja að róa hér heima
því síðastliðið haust bauðst
honum að fara um borð í
línu- og netabát í Álasundi í
Noregi og hann sló til. „Þetta
er með því flottara sem ég
hef séð á sjó. Þetta skip er
búið 50 þúsund króka línu-
kerfi og getur líka verið með
400 net í stíum. Fiskurinn er
hausaður og frystur um borð
en sem dæmi um búnaðinn
má nefna að það er mynda-
vélakerfi um allt skip og neð-
ansjávarmyndavélar sem
fylgjast með að allt sé í lagi
hvað veiðarfærin varðar. Ég
var þarna í einn mánuð og
við fiskuðum á þeim tíma 600
tonn, þar af 200 á einni viku.
En þó svo að þetta hafi verið
mikið ævintýr þá var aldrei
ætlunin hjá mér önnur en sú
að fá svolitla innsýn í útgerð-
ina í Noregi og snúa síðan
heim til að halda áfram að
byggja eigin útgerð upp,“
segir Ingvar Þór.
Þriggja báta útgerð
Og það má sannarlega segja
að útgerðin Óskar og synir
ehf., þ.e. Ingvar Þór, faðir
hans, afi og bræður hafi ekki
látið sitja við orðin tóm í
uppbyggingu útgerðarinnar.
Strax eftir grásleppu- og
strandveiðar árið 2009 var
ákveðið að bæta öðrum báti
við útgerðina og þá var
keyptur bátur á Kópaskeri
sem ber nafnið Stella. Róið
var á báðum bátunum á grá-
sleppu vorið 2010 og þegar
komið var fram í maí, bætti
útgerðin þriðja bátnum við
og sótti hann í grásleppuna
alveg fram í júní. Allir voru
bátarnir síðan verið á strand-
veiðum í fyrrasumar, Straum-
ur, Stella og sá nýjasti -
Stubbur.
„Okkur fannst einfaldlega
rökrétt að halda áfram á
sömu braut þegar okkur
gekk svona vel í byrjun. Grá-
sleppuvertíðarnar hafa verið
mjög góðar og til að mynda
gaf vertíðin í fyrra okkur um
150 tunnur af hrognum og
það er ekki annað hægt en
vera ánægður með það. Þrátt
fyrir að við höfum ekki feng-
ið byggðakvóta núna til að
fiska þá munum við gera alla
bátana út á grásleppu nú í
vor og stefnum svo á strand-
veiðarnar í sumar. Hjá okkur
hafa grásleppuveiðarnar byrj-
að svipað og í fyrra en verð-
ið er eitthvað lægra þannig
að við búumst við því að
vertíðin í heild verði eitthvað
lakari en var á síðasta ári,“
segir Ingvar Þór og svarar því
aðspurður játandi hvort hann
komi nú með grásleppuna í
land til vinnslu. „Já, sam-
kvæmt reglugerð á að hirða
allt frá og með næstu vertíð
og ég tók ákvörðun um að
byrja strax á þessu. Við höf-
um samstarf við sölufyrirtæk-
ið Tríton sem lætur frysta
grásleppuna fyrir Kínamark-
að. Fyrir okkur á sjónum er
þetta sennilega fjórföld vinna
við hverja grásleppu, miðað
við það sem áður var. Hún
er skorin á annan hátt og
síðan þarf að ísa og ganga
rétt frá. Þó verðið sé ekki
hátt á þessu þá er ég ánægð-
ur með að fá eitthvað fyrir
þessa vinnu og sá engan til-
gang í því að bíða með að
taka þetta vinnulag upp,
þrátt fyrir að reglugerðin segi
að það þurfi ekki fyrr en á
næsta ári. Vonandi tekst Trí-
ton að byggja þennan mark-
að enn frekar upp og gera
enn meiri verðmæti úr grá-
sleppunni. Það er bara já-
kvætt fyrir alla - þetta er
verðmæti sem áður fór fyrir
borð en skilar nú tekjum. Við
fáum 55 krónur á kílóið af
grásleppnunni þannig að það
Með afa í útgerðinni. Ingvar og móðurafi hans, Jónas Stefánsson um borð í Stellu í höfninni á Kópaskeri. Ingvar rær á
Straumi og Jónas á Stellu.