Ægir - 01.03.2011, Blaðsíða 25

25
T Æ K J A B Ú N A Ð U R
Hitasjáin sannar fljótt gildi
sitt
Ísmar hefur að undanförnu
kynnt á báta- og skipamark-
aðnum hérlendis nýja tækni,
svokallaða hitasjá, sem gerir
skipstjórnendum kleift að
skynja betur umhverfi sitt í
myrkri. Með hitasjánni er
þannig hægt að sjá bauur,
reköld í sjónum og ekki hvað
síst er gildi þessa búnaðar
mikið ef maður fer fyrir borð
í myrkri. Búnaðurinn sem er
frá FLIR Systems, hefur meðal
annars verið í notkun um
borð í varðskipinu Ægi með
góðum árangri en einnig hafa
björgunarbátar og fiskibátar
tekið þessa tækni í notkun og
þá má nefna að rannsóknar-
skipið Árni Friðriksson er bú-
inn FLIR hitasjá frá Ísmar.
„Við getum sagt að hitasjá-
in sé bæði öryggisbúnaður og
hjálpartæki í daglegum störf-
um skipstjórnarmannsins.
Þetta tæki kemur ekki beint í
staðinn fyrir ratsjána, heldur
sem mikilsverð viðbót við
hana,“ segir Gísli Svanur en
hægt er að fá hitasjána í stærri
sem minni útgáfum, þeim
minnstu á borð sjónauka.
„Þessi tækni getur ráðið úr-
slitum ef maður fellur fyrir
borð í myrkri og þar með
flýta fyrir björgun. Hitt örygg-
isatriðið snýr að því að geta
betur fylgst með umferð ann-
arra skipa í nágrenninu en
síðan er beint notagildi í því
t.d. að sjá bauur í myrkri og
þannig mætti áfram telja,“
segir Gísli Svanur.
Starfsmenn Ísmar í dag eru
8 talsins. Eru flestir þeirra
tæknimenntaðir og með langa
reynslu í þjónustu við sjávar-
útveginn. Fyrirtækið rekur
fullkomið þjónustuverkstæði
þar sem allur búnaður er
þjónustaður af tæknimönnum
með áratuga reynslu.
Gísli Svanur Gíslason, sölustjóri Ísmar. Mynd: LalliSig