Ægir - 01.03.2011, Blaðsíða 28

28
T Æ K J A S M Í Ð I
„Við höfum verið að fikra okk-
ur inn í smíði á ýmsum búnaði
fyrir smærri bátana og höfum
haft nokkur verkefni fyrir þá.
Bæði höfum við hannað og
smíðað nýjar netavindur sem
til dæmis henta vel fyrir grá-
sleppubátana og einnig höf-
um við hannað og smíðað nýja
gerð af línuskífum sem notuð
er í sjálfvirkum línukerfum í
minni bátunum,“ segir Ari
Jónsson, framkvæmdastjóri
Vélsmiðjunnar Foss ehf. á
Höfn í Hornafirði.
Vélsmiðjan Foss er vel
staðsett við höfnina á Höfn
og vinnur náið með útgerð-
um heimabáta en Ari segir þó
verkefnin einnig víða um
land og erlendis. Til að
mynda hefur fyrirtækið ný-
verið selt vindur í tvo smá-
báta á Vestfjörðum en al-
mennt lúta verkefnin hjá Vél-
smiðjunni Fossi bæði að
hönnun og nýsmíðum á bún-
aði fyrir útgerðirnar, jafnframt
hefðbundnum viðhaldsverk-
efnum. Ari segir hönnunina á
áðurnefndri netavindu og
línuskífu einmitt dæmi um
verkefni þar sem unnið sé
með útgerðunum að því að
finna betri lausnir.
Ný vinda og línuskífa
„Það er mjög mikilvægur
þáttur í nýsköpun og
framþróun búnaðar að eiga
gott samstarf við útgerðirnar
og þá sem eru að nota bún-
aðinn úti á sjó. Það höfum
við lagt okkur fram um að
gera og ég tel engan vafa
leika á að þegar kemur að
sölu á þessum búnaði erlend-
is þá stöndum við Íslendingar
mjög framarlega. Það sem
stenst kröfur í okkar þróaða
sjávarútvegi og við erfiðar að-
stæður á íslenska hafsvæðinu
er búnaður sem stenst þar af
leiðandi fyllilega kröfur er-
lendis,” segir Ari.
Ari segir þróunina á nýju
netavindunni gott dæmi um
þetta. Vindan sé öflugri en
þær sem almennt hafi verið í
notkun í bátunum og aflið
skiptir ekki hvað síst máli í
grásleppubátunum „Hér á
landi er mikill fjöldi grá-
sleppubáta og í mörgum
þeirra eru netavindurnar tæp-
lega nógu öflar til að draga
netin á djúpu vatni eða þegar
t.d. safnast mikill þari í þau
og netin verða mjög þung í
drætti. Þessi nýja vinda, sem
við höfum nýlokið við að
setja í tvo báta, er útfærð
með þessar þarfir í huga,”
segir Ari.
Ný gerð af línuskífu frá
Vélsmiðjunni Fossi hefur ver-
ið notuð um borð í línubátn-
um Ragnari SF frá Höfn síð-
ustu tvö árin en markmiðið
með þessari gerð af skífu var
bæði að bæta meðferðina á
krókunum þegar línan er
dregin og minnka jafnframt
hættuna fyrir þá sem vinna
við línukerfin.
„Í línuskífunum hefur vilj-
að brenna við að krókarnir
réttist upp og línan komi ekki
rétt inn þannig að skapist
hætta á að krókar sláist í
þann sem er við línuhjólið.
Slíkt hefur gerst og skapar
auðvitað mikla slysahættu.
Við fórum því í að endur-
hanna línuskífuna í samstarfi
við Arnar á Ragnari SF og
reynslan hefur sýnt mun
minni þörf á að endurnýja
króka á línunni og drátturinn
á línunni er betri. Þessi línu-
skífa er dæmi um þróun hjá
okkur og búnað sem við eig-
um alltaf til á lager,” segir Ari.
Fjölbreytt verkefni
Auk verkefna fyrir útgerðina
hefur Vélsmiðjan Foss unnið
mikið fyrir fiskvinnsluna, ekki
síst fiskmjölsverksmiðjurnar
og segja má að mikil fjöl-
breytni sé í verkefnum fyrir-
tækisins. Nýverið hefur fyrir-
tækið endurnýjað togvindur í
fiskiskipinu Þinganesi SF og
Ari segist líka horfa til þess
að smíða meira fyrir erlendan
markað.
„Ég finn ekki annað en út-
gerðirnar séu almennt á svip-
uðu róli og þær hafa verið í
viðhaldi og fjárfestingum,”
segir Ari.
Vélsmiðjan Foss á Höfn í Hornafirði sinnir fjölbreyttum verkefnum í sjávarútvegi:
Ný línuskífa og neta-
vinda fyrir smærri báta
Netavinda í smíðum hjá Vélsmiðjunni Fossi.