Ægir - 01.03.2011, Blaðsíða 13

13
F R É T T I R
Strandveiðar hefjast 1. maí:
Fyrirkomulag nánast
óbreytt frá fyrra ári
Í hönd fer þriðja tímabil strandveiða.
Strandveiðar geta hafist þann
1. maí næstkomandi, sam-
kvæmt reglugerð þar um sem
Jón Bjarnason, sjávarútvegs-
og landbúnaðarráðherra, gaf
út nú í byrjun apríl. Þetta er
þriðja sumarið sem frjálsar
handfæraveiðar með takmörk-
unum á heildarmagni eru
heimilaðar en lög um þær
tóku fyrst gildi 19. júní 2009.
Þeim var síðan breytt síðast-
liðið vor en að mati sjávarút-
vegs- og landbúnaðarráðu-
neytisins hefur náðst umtals-
verður árangur með strand-
veiðum til örvunar og styrking-
ar atvinnustarfsemi í sjávar-
byggðum.
Samkvæmt upplýsingum
frá sjávarútvegs- og landbún-
aðarráðuneytinu er með
áðurnefndri reglugerð tekið
mið af þeirri reynslu sem
komin er af strandveiðum
síðastliðin sumur. Breytingar
eru þó ekki verulegar frá fyr-
irkomulagi veiðanna í fyrra.
Eina breytingin er sú að til-
færsla hefur verið gerð milli
tímabila á svæði C, þar sem
skiptingin var á fyrra ári
þannig að hlutfallslega meira
kom áður til veiða á fyrri
hluta tímabilsins og byggir
þessi breyting á reynslu síð-
asta árs.
Aflaheimildir samkvæmt
reglugerðinni skiptast á fjögur
landsvæði með eftirfarandi
hætti:
1. Eyja- og Miklaholts-
hreppur - Súðavíkurhreppur.
Í hlut þess koma alls 1.996
tonn sem skiptast á þann veg
að heimilt er að veiða allt að
499 tonnum í maí, 599 tonn-
um í júní, 599 tonnum í júlí
og 299 tonnum í ágúst.
2. Strandabyggð - Grýtu-
bakkahreppur. Í hlut þess
koma alls 1.420 tonn sem
skiptast á þann veg að heim-
ilt er að veiða allt að 355
tonn í maí, 426 tonnum í
júní, 426 tonnum í júlí og 213
tonnum í ágúst.
3. Þingeyjarsveit - Djúpa-
vogshreppur. Í hlut þess
koma alls 1.537 tonn sem
skiptast á þann veg að heim-
ilt er að veiða allt að 231
tonni í maí, 307 tonnum í
júní, 538 tonnum í júlí og 461
tonni í ágúst.
4. Sveitarfélagið Horna-
fjörður - Borgarbyggð. Í hlut
þess koma alls 1.047 tonn
sem skiptast á þann veg að
heimilt er að veiða allt að 419
tonnum í maí, 366 tonnum í
júní, 157 tonnum í júlí og 105
tonnum í ágúst.
Sem fyrr er sama fiskiskipi
aðeins veitt leyfi til strand-
veiða á einu landsvæði á fisk-
veiðiárinu. Þá hefur sú breyt-
ing tekið gildi að óheimilt er
að veita fiskiskipi leyfi til
strandveiða hafi aflamark um-
fram það aflamark sem flutt
hefur verið til þess á fisk-
veiðiárinu, verið flutt af því.
Eftir útgáfu leyfis til strand-
veiða er skipum óheimilt að
flytja frá sér aflamark ársins
umfram það sem flutt hefur
verið til þeirra.
maí júní júlí ágúst samtals
Svæði A 25% 30% 30% 15% 100%
Svæði B 25% 30% 30% 15% 100%
Svæði C 15% 20% 35% 30% 100%
Svæði D 40% 35% 15% 10% 100%
Strandveiðar hlutfallsleg skipting aflaheimilda eftir mánuðum