Ægir - 01.03.2011, Blaðsíða 26
26
Þ J Ó N U S T A
„Handsnúnu færarúlluna frá
Málmsteypunni Hellu þekkja
mjög margir frá því í gamla
daga, ef svo má segja. Enda
hóf fyrirtækið framleiðslu á
þeim árið 1957 og framleiddi
þær til fjölda ára, eða þar til
rafmagnsrúllurnar komu til
sögunnar, en þá færðist fram-
leiðslan yfir í að steypa úr áli
íhluti í Elektra handfærarúll-
urnar sem þá urðu vinsælar.
Þegar síðan við fundum fyrir
því fyrir tveimur árum að
áhugi var að aukast aftur á
þessum gömlu góðu skakrúll-
um, eins og sumir kalla þær,
þá tókum við þráðinn upp,
gerðum lítilsháttar breytingar
á rúllunni og hófum fram-
leiðslu á henni á nýjan leik.
Og viðtökurnar hafa verið
mjög góðar. Meiri sala en við
áttum von á,“ segir Leifur Þor-
valdsson hjá Málmsteypunni
Hellu í Hafnarfirði.
Fyrirtækið er eitt af þeim
sem fylgt hafa sjávarútvegin-
um svo áratugum skiptir,
með þjónustu við útgerðir,
smiðjur, slippi og vélsmiðjur.
Það var stofnað árið 1949 af
afa Leifs og nafna og sér
þriðji ættliðurinn að mestu
leyti um reksturinn í dag.
Eins og nafnið bendir til snýst
þungi starfseminnar um
málmsteypu og framleiðslu-
vörurnar eru fjölbreyttar. Allt
frá raflínuvörum, skiltum og
skjöldum hvers konar, leiðis-
krossum, upphækkunarsett-
um fyrir bíla og síðan yfir í
sjávarútvegstengdar vörur á
borð við festipolla fyrir báta,
þilfarslúgur, fiskislöngutengi
og síðast en ekki síst - gömlu
góðu handfærarúlluna. Fjöl-
breytnin er því mikil í fram-
leiðslu Málmsteypunnar
Hellu.
Bæði í sportið og atvinnu-
mennskuna
Handfærarúllan er eftirsótt í
sportbátana en hún er líka
valkostur fyrir þá sem ekki
eru með atvinnuleyfi á bátum
sínum og geta þar af leiðandi
ekki verið með rafmagns-
drifna færavindu um borð.
Þeir sem gera út í strandveið-
inni hafa séð í þessari rúllu
hagkvæma leið í veiðibúnaði.
„Margir atvinnumenn í
smábátaútgerðinni hafa líka
keypt rúllurnar hjá okkur og
bætt þeim við í bátana hjá
sér. Geta þannig leyft ungu
kynslóðinni - eða þeirri elstu
- að koma með í róður og
skaka eins og í gamla daga,“
segir Leifur.
Hjá Málmsteypunni Hellu
eru framleiddar tvær gerðir af
Hellu-handfærarúllunni, þ.e.
einnar handar rúlla fyrir létt-
ari drátt og síðan tveggja
handa, þar sem báðar hendur
eru notaðar í dráttinn. Einnar
handar rúllan kostar 69 þús-
und og sú stærri 89 þúsund,
hvort tveggja verð með virð-
isaukaskatti.
„Í öllum aðalatriðum er
þetta sama rúllan og við
framleiddum hér hjá Málm-
steypunni Hellu á sínum
tíma. Málmblandan er þó
önnur og betri en tíðkaðist
að nota þá en við gerðum
einnig lítils háttar breytingar á
bremsunni frá því sem var í
gamla daga. Mikill kostur er
síðan hversu handhæg rúllan
er og einfalt að kippa henni
úr bátnum þegar hann er
ekki í notkun,“ segir Leifur.
Margt framleitt fyrir sjávarút-
veginn
Eins og áður segir eru sjávar-
útvegstengdar vörur umtals-
verður hluti framleiðslu
Málmsteypunnar Hellu. Þar
má nefna slöngutengi, stúta
og flansa fyrir búnað til fiski-
dælingar, bæði um borð í
skipum, í höfnum og í fisk-
vinnslum. Einnig framleiðir
fyrirtækið stafi sem margir
nota á bátum og skipum og
eru þeir samþykktir af sigl-
ingamálayfirvöldum. Festi-
pollar fyrir smábáta eru einn-
ig steyptir hjá Hellu en það
er einn af þeim vöruflokkum
sem fylgt hafa fyrirtækinu
mjög lengi. Fyrirtækið fram-
leiðir einnig margar gerðir af
þilfarslúgum en þessar vörur
eru bæði framleiddar fyrir
innlendar og erlendar báta-
smiðjur og einnig á lager hjá
Málmsteypunni Hellu. „Með
öðrum orðum geta smábáta-
eigendur leitað hingað beint
eftir þessum vörum og fengið
þær með stuttum fyrirvara hjá
okkur,“ segir Leifur Þorvalds-
son hjá Málmsteypunni Hellu.
Málmsteypan Hella:
Gamla góða skakrúllan
er komin aftur!
Grétar Már Þorvaldsson (tv) og Leifur Þorvaldsson við skakrúlluna góðu sem nú er aftur fáanleg hjá Málmsteypunni Hellu.
Myndir: LalliSig
Hella er sérhæft fyrirtæki í málm-
steypu.