Þjóðmál - 01.03.2009, Side 7

Þjóðmál VOR 2009 5
Af vettvangi stjórnmálanna
_____________
Björn Bjarnason
Pólitískir umbrotatímar
Stjórnmálaatburðir síðustu vikna hafa verið af því tagi, að við höfum ekki reynt
aðra eins síðan á níunda áratug síðustu aldar .
Við þáttaskilin við myndun ríkisstjórnar
undir forsæti Jóhönnu Sigurðardóttur
sunnu daginn 1 . febrúar 2009 urðu ekki
aðeins tíma mót í stjórnmálasögunni heldur
einnig stjórn lagasögunni .
Ólafur Ragnar Grímsson hafði að engu
reglu forvera sinna í forsetaembættinu, að
veita ekki umboð til að mynda minnihluta­
stjórn, fyrr en reynt hefði verið til þrautar að
koma á laggirnar meirihlutastjórn . Engrar
viðleitni gætti hjá Ólafi Ragnari til að virða
þingræðisregluna . Hann gekk beint til þess
verks, eftir að Geir H . Haarde hafði beðist
lausnar mánudaginn 26 . janúar, og hóf
viðræður við forystumenn vinstri flokkanna
um minnihlutastjórn . Lögð voru á ráðin um
samvinnu Samfylkingar og vinstri/grænna
með loforði framsóknarmanna um að verja
stjórnina vantrausti .
Um hádegisbil þriðjudaginn 27 . janúar
kynnti Ólafur Ragnar, að hann hefði falið
Ingi björgu Sólrúnu Gísladóttur umboð til
stjórn ar myndunar í samvinnu við Steingrím
J . Sigfússon . Vænta mætti skilnings á þessu
frá framsóknarmönnum og frjálslyndum .
Þá yrðu tveir utan þings í hópi ráðherra .
Stjórn af þessu tagi væri ígildi þjóðstjórnar!
Af myndum frá Bessastöðum, þegar
Ólafur Ragnar kynnti þessa ákvörðun sína,
mátti auðveldlega ráða, að Ingibjörg Sólrún
gekk ekki heil til skógar . Hún sagðist vilja
yfirgefa það, sem hún kallaði málfund,
þegar Ólafur Ragnar tók að ræða við fjöl­
miðlamenn, að hann hefði farið með
rétt mál, þegar hann sagði ranglega, að
forsætisráðherra í starfsstjórn gæti ekki gert
tillögu um þingrof .
Á einum sólarhring braut Ólafur Ragnar
tvær stjórnlagahefðir: Að minnihlutastjórn­
ar myndun skyldi aðeins reynd, ef ekki
væri unnt að mynda meirihlutastjórn . Að
fullyrða, að forsætisráðherra í starfsstjórn
gæti ekki gert tillögu um þingrof .
Á 105 ára afmælisdegi stjórnarráðsins
eða um hádegisbil sunnudaginn 1 . febrúar
gekk Ingibjörg Sólrún á fund Ólafs Ragnars
á Bessastöðum, afhenti honum umboðið,