Þjóðmál - 01.03.2009, Qupperneq 91

Þjóðmál VOR 2009 89
tagi þó vissulega megi gagnrýna ákveðna
hnökra á því, eins og vænta má að séu til
staðar þegar bók er unnin í jafnmiklum
flýti og sú sem hér er fjallað um . Vanda
hefði mátt betur til frágangs á texta og á
ákveðnum stöðum í bókinni hefði mátt
skýra atburðarásina og ákvarðanir stjórn­
enda fyrirtækisins með skilmerkilegri hætti .
Í heild er bókin ákveðinn leiðarsteinn um
sögu eins umtalaðasta og umdeildasta
fyrirtækis sögunnar sem virðist ætla að
hljóta einhver þau döprustu eftirmæli sem
um getur í íslenskri viðskiptasögu .
Fróðleg og skemmtileg
Þór Sigfússon: Betrun – Hvernig bæta má stjórn­
un með því að læra af mistökum, JPV útgáfa,
Reykjavík 2008, 119 bls .
Eftir Þorkel Sigurlaugsson
Það er sjaldgjæft að stjórnendur, hvað þá forstjórar fyrirtækja, skrifi bækur og
miðli af sinni reynslu . Í þau fáu skipti sem
það gerist er það venjulega í ævisögu eða
bók sem skrifuð er í þeim tilgangi að sýna
fram á eigið ágæti eða verja einhver
mistök eða gjaldþrot . Oft eru þá
aðrir fengnir til að skrifa bókina .
Bók Þórs Sigfússonar, forstjóra
Sjóvár, er afar skemmtileg aflestrar .
Hún er 125 blað síður að stærð og
aðgengileg og skiptist í nokkra
kafla sem snúast um áhersluatriði
eða skilaboð sem oft tengjast á
einhvern hátt mistökum í stjórnun . Bókin
er svolítið sérstök í formi og umbroti og því
ekki ólík höfundi að því leyti að hann festist
ekki í einhverju gömlu fari, hvort sem er í
fyrirtækjarekstri eða bókaút gáfu .
Þór blandar saman fræðum ýmissa stjórn­
un ar gúrúa og eigin reynslu og bókin er
uppfull af tilvitnunum í merka fræði menn
á sviði stjórn unar . Það eru áreiðan lega ekki
margir fors tjórar á Íslandi sem fylgjast
jafn vel með og eru jafn vel lesnir í heimi
stjórnunarbókmennta og Þór .
Bókin Blue Ocean Strategy vakti áhuga
Þórs eins og reyndar fleiri sem eru að reyna
að skapa eitthvað nýtt og aðgreina sig frá
sam keppnisaðil unum . Segja má að Þór hafi
þurft að endurskapa Sjóvá, án þess að eyði­
leggja gömul og góð gildi félags sem hafði
starfað í 90 ár . Hann tengir í bókinni ýmsar
fræðikenningar við eigin reynslu . Þetta er
afar vel gert og gagnlegt fyrir lesandann .
Það er sérstaklega athyglisvert hve góðum
árangri Þór náði við að snúa rekstri Sjóvár
til betri vegar á átján mánuðum eftir að
hann tók við starfi forstjóra í nóvember
2005 . Viðsnúningur upp á 1,8 milljarða á
18 mánuðum auk 25% hækkunar tekna á
sama tíma, það er ekki slæmt . Auðvitað veit
maður svo ekki hvernig þetta lítur út núna
eftir hrun bankanna og bótasjóða Sjóvár .
Þar skiptir máli hvernig Þór tókst til við þær
fjárfestingar og hvort hann féll í þá gryfju að
treysta um of á vafasöm útrásarfyrirtæki .
Sameining Íslandsbanka og Sjóvár á árinu
2003, sem margir eru reyndar búnir að
gleyma, var mjög undarleg . Álíka
vitlaus hug mynd og að sameina
Eimskipafélagið og flugfélagið
Avion árið 2005 . Þetta var upphafið
að því brenglaða hugarfari, og í
kjöl farið því hruni, sem við áttum
eftir að upplifa .
Eitt það skemmtilegasta við
bókina eru persónulegar dæmisögur
um mistök og vanmat á ákveðnum hlutum
og gagnrýni Þórs á hegðun stjórnenda .
Margt af því hef ég líka verið hugsi um,
t .d . hvað forstjórar geta leyft sér að verja
miklum tíma í golfi eða í glæsisnekkjum,
sumarhöllum og veiðiferðum . Margir
virðast festast í tómstundaiðjunni eins og