Fróðskaparrit - 01.01.1985, Page 47

Plantufrøðiligar bókmentir
Føroyum viðvíkjandi
frá elstu tíðum til 1980
JóhannesJóhansen
í hesi grein havi eg roynt at savna saman
tað, sum er skrivað um plantufrøði viðvíkj-
andi Føroyum. Grundarlagið hevur verið
tað arbeiði, sum Carl Christensen og Alfred
Hansen gjørdu við: »Oversigt over den
danske botaniske litteratur«, har teir eisini
nevna ritgerðir, sum hava við Føroyar at
gera. Harumframt havi eg funnið ymiskt
annað fram, og eisini gjørdi eg av at taka
landbúnað við, men sjálvandi bert tann part-
in, ið snýr seg um plantur (velting, royndir
við eplum o.t.). Búnaðarbløðini havi eg bert
nevnt uttan at roynt at taka einstakar greina-
stubbar burturúr.
Eg havi roynt at arbeitt eftir ávísum regl-
um, hvat skuldi takast við og hvat ikki. Ein-
ans prentaðar og útgivnar greinir og bøkur
eru við. Handrit, dagbøkur, fjølritað undir-
vísingartilfar o.t. er ikki á listanum. Greinir
í dag- og vikubløðum ei heldur. Størri al-
mennum verkum, sum lýsa plantuvøksturin
á størri økjum og tá eisini nevna Føroyar,
havi eg eisini útihýst. Dømi um slík verk eru
Jessen og Mentz: Vilde Planter i Norden,
Hulten: The amphiatlantic plants og Hegi:
Illustrierte Flora von Mitteleuropa. Eg havi
roynt at nevnt tær bøkur og greinir, sum eru
útkomnar fyri 1900, bert tær hava nakrar
fáar plantur við, men tað man neyvan hava
eyđnast mær at fáa allar tílíkar ritgerðir við.
Annars hevur tað hjá mær, eins og øllum
øðnun høvundum at ritgerðum sum hesi,
verið soleiðis, at tað var ein persónlig metan,
um hvat skuldi takast við og hvat átti heldur
at verið útihýst.
Greinina havi eg býtt í tríggjar partar.
Fyrsti parturin er listi yvir allar ritgerðirnar,
skipaðar eftir høvundi í bókstavarøð. í øðrum
parti eru ritgerðirnar býttar í nøkur høvuðs-
evni skipað í tíðarrøð. Triði parturin inni-
heldur stuttar lýsingar av høvundunum. Teir
eru skipaðir í bókstavarøð. Tíverri hevur ikki
eydnast mær at fáa upplýsingar um teir allar.
í teimum førum havi eg skrivað eitt sindur
um ritgerðina, um ella nær høvundurin hevur
verið í Føroyum.
Nøvnini á tíðarritum eru í flestum førum
stytt, men styttingarnar eru gjørdar soleiðis,
at eg haldi ikki neyðugt er við nærri frágreið-
ingum. Kortini kann nevnast, at Hedes. Tids.
er Hedeselskabets Tidsskrift og Bot. Tids.
merkir Botanisk Tidsskrift. Styttingarnar
annars eru: md. = mynd(ir), tlv. = talva,
talvur (tabel), pl. = pláta, plátur (planche),
bls. = blaðsíður, bd. = bind, hft. = hefti.
Fróðskaparrit 32. bók (1985): 51-98.