Fróðskaparrit - 01.01.1985, Page 100

104
SØGUFÓLK ÚR SUÐUROY
arbeiði gekk í góðum lagi við rokkahurri,
karðagnaddi og stokkaglinti, meðan onkur
søgufróður hevur sagt frá. Hon vaks jú upp í
tíðini, áðrenn umskiftið ella broytingin kom:
fríhandil og skipsfiskiskapur, og hevur so
statt sogið ta gomlu bóndamentanina við
móðurmjólkini. Eisini man móðirin hava
sagt henni eitthvørt, og ivaleyst man hon
hava havt ævintýrabøkur at hyggja í — bønd-
urnir í teirri tíðini vóru ikki sørir við bøkur
heldur enn nú.4
Greta í Búðini hevur sagt ævintýrið nr. 4 d
í bók dr. Jakob Jakobsens »Færøske Folke-
sagn og Æventyr« Tillæg: »Gentan í risahedl-
inum«.
2) Elsebeth Malene Jespersdatter, Porkeri
Áðurnevnda Elsebeth Súsanna visti at siga,
at henda konan var úti á Klova; hon var
ættað úr Fámjin, fødd 20. juli 1813. Foreldrini
vóru óðalsbóndin Jesper Michelsen, f. 1780
og Anna Thomasdatter, f. 1790. Elsebeth
Malena var gift við Michael Jacobsen úti á
Klova í Porkeri. Hann varð føddur í Porkeri
10. juni 1863 og doyði í 1884. Foreldur hans-
ara vóru Jacob Danielsen, f. 17. september
1773, d. í 1854, og Maren Michelsdatter, f.
9. oktober 1779, d. í 1864. Elsebeth Malena
hevur sagt ævintýrið nr. 60 í FFÆ (Tillæg
til Æventyrene): »Kongasonurin, ið tikin
var av sjótrødlakonginum« og nr. 66: »Gent-
an, sum jomfrú Maria tók« og nr. 71 a:
»Klóka Margreta«.
Jacob Danielsen, nevndur Jákup á Klova,
mundi vera annar teirra, ið Poul Johannes
Poulsen (1823-1907) á Økrum, yrkir um í
táttinum um Nesbóndan, verfaðirin Andreas
Djurhuus (1787-1870), av Nesi í Eysturoy —
festi á Nesi í Suðuroy í 1827. Teir skuldu
gleða seg báðir — Sakaris og Jákup — tá ið
teir frættu, at bóndin var deyður:
».........
Sakaris beiggin og Jákup á Klova
Harranum lova!«5
3) Frederikke og 4) Anne Sofie Langgaard,
Sunnbø.
Tað vóru tvær systrar við hesum eftirnavni,
ið bóru annað fornavnið Frederikke: Maren
Malene Frederikke, f. 1870, d. 1954, gift við
Andreas Jensen, snikkara, ættaðum av Viðar-
eiði (1859-1926) og Mariane Frederikke, f.
1877, d. 1952, gift við Daniel Johan Joensen
í Kvínni (1877-1962). Hugsast kann, at tað
hevur verið tann eldra systirin, ið hevur sagt
ævintýr fyri Jákupi doktara. Anna Sofía varð
fødd í 1875 og doyði 1956. Hon var gift við
Daniel Jacob Joensen í Kvínni (1876-1921).
Foreldur teirra vóru Niclas Langgaard, kongs-
bóndi í Laðangarði. f. 13. september 1841,
d. í 1920, og Mariane Symphor, f. 24. novbr.
1852, d. í 1939.
Fredrikka hevur sagt ævintýr nr. 2 c FFÆ:
»Risans klóta«, nr. 14 e FFÆ: »Øskudólg-
ur«, nr. 40: »Drongurin, ið fekk kongadóttr-
ina attur frá sjótrødlinum« ella »Tað gráa
esilið«.
Anna Sofía hevur sagt ævintýr nr. 30 a
FFÆ: »Bíttlingurin« (»Bítti Gutti«). Anna
Sofía og Fredrikka hava sagt ævintýr nr. 19
b í FFÆ: »Krákudóttir og kalsdóttir« og
nr. í 59 FFÆ: »Kongurin og risin«.
5) Maren Hansen, Sunnbø
Soleiðis nevnist hon í bók Jákups doktara
(FFÆ). Men rætta navn hennara er Maren
Sofie Hans Jacobsdatter.6 Hon varð fødd
11. apríl 1823 á Keltagørðum í Sunnbø, d. í