Morgunblaðið - 20.04.1967, Qupperneq 5
MORGUNBLAÐIÐ, FIMMTUDAGUR 20. APRÍL 1957.
5
verið beitt fyrr. Henni var beitt
fyrr, haustið 1963, en þá var öll
stjórnarandstaðan á móti. Henni
var enn beitt með júní-samkomu
laginu 1964 og þá var Framsókn
utangátta. Hins vegar ber að
þakka góða samvinnu fulltrúa
verkalýðs og vinnuveitenda við
ríkisstjórnina um það mikils-
verða mál.
127% AUKNING TIL
HEILBRIGÐISMÁLA
Hver stjórnarandstæðingur á
fætur öðrurn hefir geipað um
það, að dregið hafi verið úr ríikis
framlögum til sjúkrahúsabygg-
inga og meðferð heilbrigðismála
sé áhyggjuefni. Þetta eru bein ó-
sannindi og var þeim þó ástæðu-
laust annað en að fara rétt með.
>eir hafa aðgang að ríkisreikn-
ingum og fjárlögum og sjálfur
hefi ég nýlega gert grein fyrir
framlögum til heilbrigðismála á
stúdentafundi og enginn hreift
andmælum, sem heldur ekki er
hægt. Hannibal Valdemarsson
sagði að lóks hefði svipt hul-
imni frá. En hann sleppti frekari
skýringum og lét þar við sitja.
Það var vissulega skynsamlegt
hjá háttvirtum þingmanni. Ef
borin eru saman útgjöld ríkisins
í tíð vinstri stjórnar 1958 og nú,
og allt fært til sama verðlags,
1963, sést óyggjandi, að ríkis-
framlögin eru nú meira en helm
ingi meiri, eða 127% meiri en
þá. Ennfremur stóraukin félags-
leg fjáröflun við vangefið fólk
og hjartaverndarsamtök. Þeim
síðarnefndu tryggðar tekjur um
8 millj. kr. en Styrktarsjóði van-
gefinna árlegar tekjur um 24
millj. króna. Sagt hefir verið, að
læknisihéruð skorti lækna. Ekki
er það ný bóla, en verið svo frá
aldamótum. Hins vegar hafa ver
ið sett ný læknaskipunarlög ár-
ið 1965, sem veita héraðslæknum
margs konar hlunnindi, staðar-
uppbót, utanfararstyrki, sérstök
námslón, styrki til bifreiðakaupa,
sérstakar aldursuppbætur og
margt fleira, sem þegar er farið
að hafa sín áhrif. Unnið er að
því að setja skipulagsreglur um
læknamiðstöðvar fyrir beiðni
fólkisins heima í héruðum á fjór-
um stöðum og margt fleira mætti
telja, svo sem breytingar á
læknakennslu, aðstöðu heimilis-
lækna, endurskoðun alls heii-
brigðiseftirlitsins í landinu o. fl.
o. fl.
Þessa stundina eru sérfræðing-
ar heilbrigðisstjórnar á fundum
með erlendum sérfræðingum í
Danmörku og víðar að til þess
að Ijúka skipulagi Landsspítala-
lóðar, raða þar verkefnum og
áætla kostnað hvers stigs fram-
kvæmda fyrir sig. Ráðgert er,
að hægt verði að ljúka bygg-
ingu Landsspitalans, miðað við
það, sem nú er undir, á árun-
um 1967—1969 — og nauðsyn-
legum öðrum byggingum, svo
sem nýju mötuneyti og eldhúsi
fyrir ca. 1400 manns, sem kosta
mun nærri 50 millj. króna eitt
út af fyrir sig. Fjölgun sjúkra-
rúma, auk nýrra deilda og gjör-
breyttrar aðstöðu, yrði nærri
22%, en líkleg fólksfjölgun á
sama tíma 5—6%. Séu stjórnar-
andstæðingar nú með áhyggjur
vegna heilbrigðismála, þá er það
nýtt fyrirbrigði í þeirra herbúð-
um.
Sagt er, að ég hafi bannað út-
varpsþátt „Þjóðlíf" um heilbrigð
ismál. Þetta er ósatt. Ég gerði
við útvarpsráð athugasemd um
það, hvernig að þessum þætti
væri ráðgert að vinna. Undir þá
gagnrýni mína hefir sá garnli
fyrrverandi útvarpsstjóri, Jónas
Þorbergsson, fullkomlega tekið.
Þetta er lika sá gamli ritstjóri
Tímans, þótt hann fengi ekki
fyrr en seint og um síðir inni
í því blaði með athugasemd sína.
Útvarpsráð sjálft tók lögum
samkvæmt þær ákvarðanir um
þennan útvarpsþátt, sem því
fannst við eiga. Ég hefi hvorki
fyrr né siðar heyrt efni hans og
því aldrei tekið afstöðu til þess.
Ósannindin um mina afstöðu er
búið að kyrja svo oft, að e.t.v.
trúa stjórnarandstæðingar nú sín
um eigin ósannindum.
STOFNLÁN IÐNAÐAR
TEKH) STAKKASKIPTITM
Iðnaðurinn er sagður á vonar-
völ. Ekki vitnaði hin merka Iðn-
sýning 1966 þar um, þótt SÍS-
fyrirtækin hirtu ekki um þátt-
töku af sinni hálfu. Samkvæmt
skýrslum Hagstofunnar hefur
verið vöxtur í velflestum uTfT-
greinum tímabilið 1961—1965.
Stofnfjármál iðnaðar hafa ver-
ið tekin föstum tökum og tekið
stakkaskiptum. Iðnlánasjóður
hefir á fjórum síðustu árum lán-
að 20 sinnum meira en í tíð
vinstri stjórnar. 'Árleg lán voru
þá um 2 millj. króna. Voru 76.5
millj. kr. 1966. Verða á annað
hundrað milljónir í ár. Lausa-
skuldum hefir verið breytt í föst
lán. Hagræðingardeild stofnuð
við Iðnlánasjóð, — einnig veið-
arfæradeild. Lánsheimildir stór-
auknar og sjóðnum útvegað láns
fé til ráðstöfunar. Aukning út-
lánanna aðeins fjögur síðustu ár
er á áttunda hundrað %. — Iðn-
aðarbankinn hefir á sama tíma
aukið rekstrarlán sín um 230%.
Sett upp útibú í Hafnarfirði, á
Akureyri og í Grensás. Nýjar
iðngreinar hafa risið upp, þótt
dregið hafi úr öðrum. Iðnþróun-
arráð hefir verið sett á laggirnar
til þess að stuðla að framtíðar-
vexti þessara' atvinnugreina.
Rannsóknarstofnanir hennar efld
ar. Hér væla og skæla stjórnar-
andstæðingar og hafa gert svo
undanfarin ár, meðan unnið hef-
ir verið að því að treysta fram-
tíð iðnaðar á íslandi.
Það er ekki nýtt að heyra það
úr herbúðum stjórnarandstæð-
inga, að ríkisstjórnin og stjórn-
arliðið sé þreytt og úrræðalaus
það vantaði forustu. Hér í þing-
sölunum og á göngum þingsins
bera þeir sig hins vegar upp
undan því, að stjórnin beri fram
allt of margþætta og umfangs-
mikla löggjöf. Þeir séu vanbún-
ir að taka afstöðu til hennar, svo
sem til er ætlazt.
BLÓMLEG
LÖGGJAFARSTARFSEMI
Hér yrði allt of langt mál að
tíunda mjög umfangsmikla og
blómlega löggjöf, sem vitnar um
rösklegt forustuhlutverk við-
reisnarstjórnarinnar og stuðnings
liðs hennar.
En andstæðingarnir verða
minntir rækilega á hdna um-
fangsmiklu löggjöf viðreisnar-
stjórnarinnar í kosningabarátt-
unni. Lög um frjálsa verzlun,
en með henni hefir verið endur-
heimt lánstraust út á við, byggð-
ir upp gjaldeyrisvarasjóðir upp á
2000 millj. kr. og almennt skap-
að frjálst vöruval. Lög um stór-
virkjanir og stóriðju, lög um
stofnlánasjóði, byggðajafnvægi
og hvers konar menningu og
framfarir. Lög um álbræðslu og
kísilgúrverksmiðju ásamt mjög
veigamikilli húsnæðismálalög-
gjöf og fjárveitingum þess opin-
bera til íbúðabygginga í ríkari
mæli en nokkru sinni fyrr. Af
mörgu verður að taka.
GÖNGUM FRAM TIL SIGURS
Ég hefi nú dregið upp svip-
myndir úr þjóðlífinu, sem ég
bygg, að ekki verði um deilt, að
vitni örugglega um ríkulegan
árangur viðreisnarstefnunnar.
Hafa verður einnig í huga ræður
stjórnarsinna í þessum umræð-
um.
Ég hefi borið óyggjandi stað-
reyndir saman við „hrollvekj-
andi“ lýsingar formanns Fram-
sóknarflokksins og annarra
stjórnarandstæðinga á þróun
þjóðfélagsmála á viðreisnartíma-
bilinu.
Við getum róleg látið hverj-
um og einum eftir að dæma, á
hverju sé meira mark takandi,
staðreyndum eða hrollvekjum
þeirra Framsóknarmanna.
Það er slíkur samanburður,
aðeins í miklu ríkari og fjöl-
þættari mæli, sem við eigum að
gera okkur far um að leiða fram
í dagsljósið í kosningabaráttunni
í vor.
Síðan látum við örugg kjós-
endurna dæma.
Á hverju byggjum við í fram-
tíðinni?
Sjálfstæðismenn byggja á
traustri og grundvallaðri stefnu,
— sjálfstæðiss'tefnunni, þar sem
sköpunargáfa, athafnaþrá og
þrek einstaklingsins eru í senn
driffjöður og burðarás fram-
fara, — og frelsi í orði og at-
höfnum leiðarstjarna.
Við munum byggja á þeirn
trausta grundvelli, sem þróazt
hefir alhliða í þjóðfélaginu á vi$
reisnartímabilinu.
Við spyrjum ekki um ferðir
kommúnista eða svokallaðs Al-
þýðubandalags. Sjálfir vita þess-
ir menn ekki lengur, hvað þeir
vilja. Þeir eru sjálfum sér sund-
urþykkir, — pólitísk samtöte
þeirra margklofin, ef ekki að
látast, eins og Hannibal sagðL
Þegar Hannibal Valdimarsson
byrjaði að tala um bakteríuglös-
in í kvöld hélt ég að hann ætlaði
að fara að skýra fyrir okkur
hvað kommúnistar hafa verið aS
brugga honum og sonum hans
í þessu svokallaða bandalagi.-
Annars skal ég ekki angra
Hannibal í sorgum þeim, sem
hann tjáði í lok ræðu sinnar.
Hann sagði að steinarnir mundu
tala í kosningabaráttunni fyrir
Alþbl. Hvað átt er við meS
slíku veit ég ekki. ^
Framsókn vill fara „hífía leið-
ina“. Það setur að þeim góðu
mönnum hroll að horfa upp á
allar þær stórstígu og marghátt-
uðu framfarir og þróun, sem átt
hafa sér stað í þjóðfélaginu, með
an þeir voru utan stjórnar. Allt
er á huldu um „hina leiðina"
nema éitt: Meiri ríkisafskipti,
aukin rikisforsjá — aftur höft og
úthlutunarnefndir.
Við óskum Framsóknarmönn-
um góðrar ferðar á göngu þeirra
„hina leiðina".
Við Sjálfstæðisfólk vil ég
segja: Göngum gunnreif til kosn
inganna i júní.
Viðreisnartimabilið er mestá
blómaskeið íslenzkrar þjóðfélags
þróunar.
Viðreisnarstefnan hefir lagt ör
uggan grundvöll að framtíðinni.
Okkar litla þjóð býr yfir mikl-
um möguleikum.
Unga kynslóðin, sem nú horfir
vonglöð fram á veginn, erfir
betra íslands en nokkur önnur
ung kynslóð á undan henni.
Látum ekkert tækifæri ónotað
í kosningabaráttunni.
Tökum höndum saman og göng
um fram til sigurs.
CARANTIE VOOR RWAIITEIT
SPAR
Okkur hefur verið falin einkadreifing á íslandi
á hinum heimsþekktu SPAR-EUROP gæða-
vörum. Allar beztu vörur á heimsmarkaöinum
fást pakkaðar i SPAR umbúðir. Sameiginleg
stórinnkaup tryggja okkur sama innkaupsverð
og hjá milljónabjóðunum fyrstu sendingar
eru komnar
carantie voor rwauteit
NORSK-ÍSLENZKA
VERZLUN A RFÉL AGIÐ
SlMI 20
PÓSTHÓLP