Morgunblaðið - 17.11.1968, Síða 15

MORGUNBLAÐIÐ, SUNNUDAGUR 17. NÓVBMBER 1968
15
Jónas ThorocLdsen,
bæjarfógeti sextugur
Á morgun verður Jónas Thor-
oddsen sextugur. Þegar litið er
um öxl finnst manni tíminn hafa
liðið ótrúlega hratt. Mér finnst
eins og það hafi verið fyrir
nokkrum dögum sem við Jónas
vöndum komur okkar á Hótel
ísland. Sátum þar áhyggjulaus-
ir stúdentar og röbbuðum sam-
an yfir kaffisopa, hlustuðum á
léttá músik, og fylgdumst með
þvi öðrum þræði hvernig þeir
sem settu svip á bæinn komu
hver á eftir öðrum inn á Hótel
ísland, Jakob Möller, Kjarval,
Ólafur Johnson, Arent Claess-
en, Árni Pálsson, Tómas borgar-
skáld og svona mætti lengitelja.
Margir af þeim, sem þarna komu
voru frjálslyndir í hugsun en
hefðbundnir í háttalagi, því að
alltaf settust þeir við sömu borð
in.
En nú er allt öðruvísi en áður
var, við Jónas fyrir löngu orðn-
ir ráðsettir og fullir af ábyrgð-
arti'lfinningu, Jónas meira segja
kominn upp á Akranes með
leyfi þess opinbera til þess að
dæma menn.
En Jónas hefur aldrei dóm-
harður verið, og geri ég ráð fyr-
ir að hann sé jafnvinsæll á
Akranesi eins og annarsstaðar.
Við Jónas erum búnir að eiga
saman margar skemmtilegar
stundir kryddaðar gáska og
græskulausri glettni.
Starfi mínu hefur verið þann-
ig háttað, að oft hefi ég þurft
að dvelja fjærri vinum mínum á
íslandi, og þegar ég hefi sakn-
að þeirra mikið, hafa stigið úr
undirvitund minni geymdar en
ekki gleymdar endurminningar.
Sumt af þessu hefur verið al-
varlegt, en annað orkað svo
spaugilega á mig að ég hefi
skellt upp úr, þó að ég hafi
verið staddur á götu í París eða
annarsstaðar fjarri íálandi.
Þeir sem verða á vegi okkar
hafa miklu meiri áhrif á okkur
heldur en margan grunar. Ekki
þarf maður að rölta lengra en
niður Bakarabrekkuna og í gegn
um Austurstræti og óðai en var
ir hefur maður orðið fyrir marg
víslegum áhrifum.
Það er hygginna manna hátt-
ur að forðast þá, sem draga
mann niður þegar eitthvað amar
að.
Jónas Thoroddsen er alltaf
gott að hitta og gaman að spjalla
við. Enda er hann vinsæll mjög.
Okkur vinum hans finnst hann
vera drengur góður.
Jónas er óvenju kurteis mað-
ur, og býr yfir þessari náttúru-
legu kurteisi, sem bæði felur í
sér tillit til annarra og viður-
kenningu á því, að þeir eigi rétt
á borð við mann sjá'lfan.
Jónas er góðum gáfum gædd-
ur og allt leikur í höndunum á
honum, sem hann einbeitir sér að
f hörpu hans eru margir
strengir og sumir furðu fíngerð-
ir. Enda býr hann yfir lista-
mannslund og er listrænn mjög.
Hæfileikum sínum til listsköp-
unar hefur hann því miður ekki
sinnt sem skyldi.
Mér hefur löngum fundist vin
áttu að sumu leyti svipa til vá-
tryggingar. Til hennar hefur að
vísu hvorki verið stofnað af
hvötum eigingirni eða efnis-
hyggju, heldur dragast menn
hvor að öðrum ýmissa orsaka
vegna.
En lífinu er nú þannig farið,
að þar skiptast á skin og skugg-
ar og hvert er eðlilegra að snúa
sér þegar syrtir í álinn en til
vina sinna?
Að Jónasi standa merkar ættir.
En þár sem slíkar upplýsingar
er hægt að fá í Lögfræðingatal-
inu skal ekki farið út í þá sálma
sér.
Annað mál er, að ekki væri
saga Jónasar nema hálf, ef ekki
væri minnst á hið fallega heim-
ili hans og þann aðila, sem það
hefur skapað. Þetta heimi'li hef-
ur hans góða eiginkona, Björg
Magnúsdóttir, byggt upp af ein
stakri smekkvísi og listrænu inn
sæi. En samt er það svo, að þó
marga fallega muni megi sjá á
heimili Jónasar, þó er það þó
miklu frekar hin einlæga vin-
AKRANES
Kirkjutónleikar
Aðalheiður Guðm-
mundsdóttir, mezzo-
sópran og Páll Kr.
Pálsson, organleikari
halda tónleika í
Akraneskirkju
sunnudaginn 17. nóv.
kl. 21.
Aðgöngumiðar við
innganginn.
átta, sem hjónin bera hvort til
annars, sem laðar fólk að heim-
iliinu. Frá þessu vináttusambandi
hjónanna geislar hlýju inn í
hvern krók og kima og skapar
einstaklegte viðfeldið andrúms-
loft á heimilinu.
Björg og Jónas hafa eignast
4 mannvæn'leg börn. Þrjú þeirra
eru á lífi: Magnús, borgardóm-
ari, María Kolbrún og Soffía
Þóra.
Við Ingibjörg sendum Jónasi
og konu hans hugheilar ham-
ingjuóskir á þessum hátíðardegi
og þökkum margt gamalt og gott
Pétur Eggerz
GLUGGA- OG DYRAÞÉTTIIVGAR
Tökum að okkur að þétta opnanlega glugga og hurðir
með varanlegum þéttilistum, sem veita nær 100%
þéttingu gegn dragsúg, vatni og ryki.
ÓLAFUR KR. SIGURÐSSON
& CO.
Upplýsingar í síma 38835
Heimasími 83215.
Nafn
herra
tízkunnar
í dag
VERKSMIÐJAN FÖT H.F.
JÓLAVÖRUR - NÝJAR VÖRUR
ÁN GENGISBREYTINGA
Nú er hogkvæmt oð gem jólainnknupin tímonlego
Aðalstræti 8.
Laugavegi 164.