Morgunblaðið - 16.03.1974, Blaðsíða 31

MORGUNBLAÐIÐ, LAUGARDAGUR 16. MARZ 1974
31

IWnAFRtniB MORCUNBIADSIIIIS
Hugleiðingar um
frjálsar íþróttir
Hlaupadrottninguna úr Garðahreppi, Ragnhildi Páls-
dóttur, þekkja eflaust allir þeir sem fylgst hafa með
frjálsum fþróttum undanfarin ár. Ragnhildur hefur
verið iðin við að bæta met sfn og annarra á lengri
vegalengdunum og enn má mikils vænta af henni í
framtfðinni, því Ragnhildur er ekki nema 16 ára. Síðast-
liðna viku dvaldi Ragnhildur hér á Morgunblaðinu og
fylgdist með því hvernig dagblað verður til. Hér fer á
eftir grein sem hún skrifaði um frjálsar íþróttir á
Islandi.
I
Skóka-
fólk
kjá
Morgun
blaÖinu
Þó að veturinn sé ekki liðinn
enn og æfingatímabilið sé ekki úti
fyrr en í lok maí, er ég ánægð með
æfingar og frammistöðu íþrótta-
fólksins það sem af er vetrinum,
og tel að eftir strangan og harðan
vetur komi gott sumar sem verði
ávöxtur æfinga og ástundunar
íþróttamannana.
Veturinn er ekki síður tími
undirbúnings fyrir frjálsíþrótta-
sambandið. Peningavandamálið
óleysanlega er sífellt á döfinni.
Það er nefnilega svo hér á þessu
ískalda landi að það er ekki nóg
Guðrún Ingólfsdóttir á eflaust
eftir að bæta árangur sinn f kúlu-
varpinu.
með að veðurfarið eyðileggi
árangur frjálsíþróttamanna, og að
aðstaðan sé ekki góð, við eigum
heldur enga peninga til að kosta
reisur til heitari landa, eða til að
gefa íþróttafólki okkar kost á að
dvelja i æfingabúðum á veturna.
1 stuttu máli sagt erum við í
öllu á eftir nágrannaþjóðunum,
bæði hvað veðurfarið snertir,
árangur og fjármálin. Þess vegna
er ekki nema von að okkar
fþróttafólki gangi verr i keppni
við erlendar þjóðir og standist
ekki samanburð við þær.
Mest finnum við fyrir smæð
okkar þegar við höldum út fyrir
lantísteinana til keppni á erlendri
grund. Nær undantekningalaust
höfum við orðið að láta i minni
pokann fyrir erlendum keppi-
nautum okkar, sama f hvaða
fþróttagrein, sama í hvaða landi.
Ragnhildur Pálsdóttir — hlaupa-
konan góðkunna, skrifar hugleið-
ingar um frjálsar iþróttir.
Það er ekki nema eðlilegt að sú
spurning vakni: Hvers vegna?
Við áttum þó á sínum tima bestu
íþróttamenn Evrópu, en það er
ekki mögulegt að lifa á þeirri
fornu frægð til eilífðar.
Við sem stundum frjálsar
íþróttir á Islandi vitum ósköp vel
hvað um er að vera, hvers vegna
við erum ekki betri, en því miður
eru það allt of fáir sem viður-
kenna hina einu sönnu ástæðu.
Það er vitað mál að aðstaðan er
mjög bágborin, miðað við okkar
kalda vetur ættum við að eiga
stóra íþróttaskemmu sem væri
búin hlaupabrautum og íþrótta-
völlum. Laugardalshöllin er svo
sem nógu stór og mikil, en þar er
engin hlaupabraut, enda er hún
byggð með handboltakeppnir
fyrir augum. Ef aðstaðan er tekin
út af dagskrá, þá er veðrið eftir og
það á stóran þátt f að skapa okkur
aðstæður. Við verðum að æfa og
keppa í hvernig veðri sem er,
bæði i viðavangshlaupum á vet-
urna og í mótum á sumrin. Ef við
fáum gott keppnisveður svona
þrisvar sinnum á sumri þá þykir
það alveg stórkostlegt, oftast er
nefnilega, norðankaldi og rign-
ing, veður sem ekki þekkist í ná-
grannalöndunum á sumrin. Það
er þess vegna útilokað að ná
sómasamlegum árangri hér við
þessi skilyrði. Þegar við svo för-
um í keppnisferð til útlanda á
sumrin, og keppum við góðar að-
stæður, þá er alltaf sama sagan,
við erum ekki vön miklum hita og
árangurinn oft á tíðum engu betri
en i rokinu og rigningunni heima.
En aðalástæðan fyrir litlum
afrekum eru æfingarnar, þær eru
það sem íþróttamaðurinn leggur á
sig til að bæta árangur sinn. Ég
vil nú alls ekki segja að íþrótta-
fólkið æfi ekki vel, eða neitt i þá
áttina, ég veit að það æfa allir
eins og þeir best geta, að sjálf-
sögðu enginn vill heltast úr lest-
inni á komandi sumri, en ein-
hvern veginn finnst mér að það
megi gera betur. Miðað við er-
lenda fþróttamenn eru okkar æf-
ingar bara gutl. Nú fyrir skömmu
voru fimmtíu norskir iþrótta-
menn í æfingabúðum á Spáni. Á
morgnana kl. 8 byrjuðu allir þátt-
takendur á 10 km .jnorgun-
skokki", eftir hádegið tóku þeir
svo hörku æfingu þar sem allir
æfðu af kappi hver i sinni grein.
Á sama stað var finnski hlaupar-
inn kunni Pekka Vasala sem vann
gull í 1500 m hlaupi á síðustu ÓL.
að æfa sig, hann hljóp allt upp í
400 km á viku ásamt hóp af
ungum finnskum hlaupurum,
sem voru þar eingöngu til að æfa
með honum. Svona geta
nágrannaþjóðirnar slegið um sig,
en þetta er nú bara fjarlægur
draumur fyrir dtkur.
Eg hef nú kannski skammast
heldur mikið núna, þvi það er
langt frá því að það séu bara
dökkar hliðar á því að vera frjáls-
íþróttamaður eða kona á íslandi,
fjarri fer því. Sambandið okkar
vinnur mikið og óeigingjarnt
starf i okkar þágu, reynir allt
hvað það getur til að bæta okkar
hag, það kemur fram í öllum þeim
utanlandsferðum senj við förum í
á sumri hverju og mörgu öðru
sem þeir snúast í fyrir okkur. Það
eru aðeins peningarnir sem
stöðva framkvæmdir, viljinn er
alveg örugglega fyrir hendi.
Annars hefur nú ýmislegt verið
á döfinni hjá frjálsiþróttafólk-
inu. Meistaramótið er nýafstaðið,
þar voru sett tvö ný íslm., bæði i
kúluvarpi. Þar voru þau Hreinn
Halldórsson og Guðrún Ingólfs-
dóttir að verki og lofar það
sannarlega góðu um sumarvertið-
ina.
Það var gott hljóðið í Erni Eiðs-
syni form. Frjálsiþróttasam-
bandsins, er ég talaði við hann um
daginn. Hann sagði að næsta stór-
verkefni framundan væri Viða-
vangshlaup íslands, en það fer
Ágúst Asgeirsson og Halldór Guðbjörnsson háðu marga skemmtilega
hildi á sfðasta sumri. Agúst kemur heim til keppni f vfðavangshlaupi
tslands um aðra helgi og mætir þá Halldóri.
fram sunnudaginn 24. marz næst-
komandi, og sagðist örn vona að
þar yrði vel mætt. Síðustu tvö ár
hlupu um tvö hundruð manns, en
örn var bjartsýnn á að fleiri
myndu spreyta sig nú í ár, enda er
fjöldinn allur af ungum hlaupur-
um að koma fram. Það má líka
búast við spennandi og harðri
keppni um meistaratitilinn þetta
árið, því að bæði Ágúst Ásgeirs-
son og Sigfús Jónsson IR (en þeir
eru við nám í Englandi), koma
heim til að taka þátt í þessu
hlaupi og verður án efa hart bar-
ist á milli þeirra og Halldórs Guð-
björnssonar KR, þvf allt eru þetta
þrautþjálfaðir hlauparar með
mikla keppnisreynslu að baki.
örn sagði að peningavanda-
málið væri erfiðast hjá samband-
inu, en annars var hann mjög
vongóður um sumarið og ánægður
með æfingar íþróttafólksins.
Hann benti sérstaklega á lands-
keppni við Ira sem háð verður hér
heima 5. og 6. ágúst.Norðurlanda-
mót unglinga i tugþraut og
fimmtarþraut stúlkna og svo
Evrópumeistaramótið í Róm.
Að síðustu sagði Örn, að það
byggðist auðvitað allt á íþrótta-
fólkinu sjálfu hvernig afrakstur
sumarsins yrði, hvernig það stæði
sig við æfingar í vetur. Og með
þeim orðum slæ ég botninn í
þessa grein.
Mercedes Benz 250 S
Til sölu er Mercedes Benz 250 S bifreið, árgerð 1969.
Ekinn 72 þús. þaraf 22 þús. hérá landi.
Bíll í sérflokki, upplýsingar í síma 2 7226.
FRÁ ALMANNATRYGGINGUM
í KEFLAVÍK OG
GULLBRINGUSÝSLU
Útborgun bóta almannatrygginganna ! febrúarmánuði
fer fram sem hér segir:
Keflavík, Njarðvík og Hafnir dagana 1 1 . til 15. mars n.k.
í skrifstofu bæjarfógeta, Vatnsnesvegi 33, Keflavík.
Mánudaginn 1 1. mars verður einungis greiddur ellilífeyr-
ir, örorkubætur og ekkjubætur.
Frá 12. mars allar aðrar bætur.
Vatnsleysuströnd: 18. mars kl. 11 til 12 í hreppsskrif-
stofunni.
Grindavík: 18. marskl. 2 — 4ÍFesti.
Gerðahreppur: 19.marskl. 10—1 2 í Samkomuhúsinu.
Miðneshreppur: 19. mars kl. 2—4 í sveitarstjóraskrif-
stofunni.
Frá 20. — 23. m^rs greiðast ósóttar bætur í skrifstofu
bæjarfógeta í Keflavík.
Bæjarfógeti Keflavíkur.
Sýslumaður Gullbringusýslu.