Morgunblaðið - 13.05.1975, Blaðsíða 20

20
MORGUNBLAÐIÐ, ÞRIÐJUDAGUR 13. MAt 1975
*;
Um
1000
manns
sáu
skemmti-
legan
leik
i
Keflavík
• «
V.#<'
Dagsson markvörður, Gfsli Torfason og loks
skoraði glæsilegt úrslitamark í leiknum.
Pressuiiðið f sókn að marki landsiiðsins. Einar Gunnarsson lengst til vinstri hefur skotið, en margir
landsliðsmenn eru tii varnar. Næstur Einari er Guðgeir Leifsson, sfðan Björn Lárusson, Sigurður
GL/FSIM 4RK KRISTINS FÆRffl PRESSÖNI
(JRVAL landsliðsnefndar varð að lúta í lægra haldi fyrir liði
fþróttafréttamanna í pressulelknum á sunnudaginn. Lokatölurnar
urðu 2:1 og verður þetta að teljast verðskuldaður sigur. Um 1000
áhorfendur voru mættirtil þessa fyrsta pressuleiks sem haldinn er
utan höfuðborgarinnar og þeir fengu góða skemmtun fyrir aurana
sína. Ágæt tilþrif sáust hjá báðum liðum og var þetta tvímælalaust
bezta knattspyrnan sem boðið hefur verið upp á í sumar. Leikurinn
náði fyllilega tilgangi sfnum, var góð æfing fyrir landsliðið, gaf
öðrum leikmönnum en þeim sem tilheyra landsliðshópnum tæki-
færi til að spreyta sig og síðast en ekki sízt sýndi hann svart á hvítu
að slíkir leikir þurfa ekki endilega að vera bundnir við höfuðborg-
ina eina. IWenn ræddu um það í fullri alvöru á sunnudaginn að
halda næsta pressuleik t.d. á Akranesi.
Veður var hið fegursta í Kefla-
vík á sunnudaginn, glaðasólskin
en nokkuð svalt í veðri en þá blés
hann af norðri. Landsliðið lék
undan vindi i fyrri hálfleik en
varð ekki mikil hjálp af því. Þvert
á móti var pressuliðið öllu spræk-
ara og átti t.d. nokkrar hættuleg-
ar sóknarlotur í byrjun leiksins.
Strax á 5. mínútu náði liðið fal-
legri sóknarlotu upp hægra megin
sem endaði með fyrirgjöf. Örn
Óskarsson skaut föstu vinstri-
fótarskoti sem Árni Stefánsson
markvörður varði vel en missti
boltann frá sér. Aftur dundi skot
á markið en Árni varð enn.
TVÖMÖRK
Tvö mörk með tveggja mínútna
millibili í fyrri hálfleik yljuðu
áhorfendum. Pressan varð fyrri
til að skora á 14. mínútu. Enn var
brotizt Upp hægra megin, Karl
Þórðarson gaf á Kristin Björns-
son sem lék upp að endamörkum
og gaf fyrir markið. Smáhik kom í
vörn landsliðsins og það nýtti
Jóhann Torfason sér vel, náði
knettinum og skoraði laglega af
stuttu færi. Ekki liðu nema tvær
mínútur þangað til landsliðið
hafði svarað fyrir sig. Auka-
spyrna var tekin og boltinn send-
ur til Jóns Gunnlaugssonar inn í
vítateig pressunnar. Aldrei þessu
vant var Jón laus úr gæzlu
Kristins Björnssonar og sendi
knöttinn í netið með lausu en
hnitmiðuðu ákoti úti við stöng.
Landsliðið bætti raunar við
marki í hálfleiknum en það var
dæmt af vegna rangstöðu. Markið
gerði Grétar Magnússon og var
fallega að því unnið.
GLÆSIMARK
KRISTINS
Pressuliðið var heldur sterkara
i fyrri hálfleik og byrjun þess
seinni en þegar líða tók á seinni
hálfleikinn fór landsliðið að
sækja af meiri þunga þótt á móti
vindi værL Sköpuðust einstaka
sinnum ágæt marktækifæri og
féllu þau aðallega í hlut Atla Þórs
Héðinssonar úr KR sem kom í
framlinuna í seinni hálfleik og
skerpti hana mikið. Átti Atli t.d.
skot i stöng. En ekki tókst lands-
liðinu að koma boltanum í netið
og það féll í hlut pressunnar að
gera út um leikinn á 75. mínútu
og var það sannkallað glæsimark.
Árni Sveinsson hafði átt skot af
löngu færi frá vinstri. Boltinn
hrökk af landsliðsvörninni út á
vítateigslínuna þar sem hinn ungi
og marksækni miðherji Kristinn
Björnsson úr Val stóð. Var ekkert
hik á Kristni heldur lét hann skot-
ið ríða af og boltinn þaut af mikl-
um krafti í bláhornið niðri. Vissi
Sigurður Dagsson ekkí fyrr en
knötturinn lá í markinu fyrir
aftan hann. Slík glæsimörk sjást
ekki á hverjum degi.
Eftir þetta sótti landsliðið af
hálfgerðri örvæntingu og reyndi
að jafna metin en tókst ekki.
Tvisvar munaði þó mjóu. 1 fyrra
skiptið skaut Ástráður Gunnars-
son himinhátt yfir af stuttu færi
og í síðara skiptið skallaði Atli
Þór boltann rétt yfir þegar opið
markið blasti við.
PRESSAN
Pressuliðið komst mjög vel frá
þessum leik. Það var nær undan-
tekningarlaust skipað ungum
leikmönnum sem sumir hverjir
ættu að fá að spreyta sig með
landsliðinu strax í sumar en aðrir
eiga eflaust eftir að fá tækifæri
síðar. 1 markinu stóð Þorsteinn
Ólafsson og sýndi það og sannaði
að hann er í dag markvörður okk-
ar númer eitt. 1 vörnínni sýndu
þeir Eirikur Þorsteinsson og Ein-
ar Gunnarsson ótvíræða landsliðs-
takta og er vissulega leitt til þess
að vita að Einar skuli ekki gefa
kost á sér í landsliðið. Þeir Pálmi
Sveinbjörnsson og Guðjón
Hilmársson komu allvel frá sínum
hlutverkum, en þetta var fyrsti
meiriháttar leikur þeirra með úr-
vali þeirra beztu. Á miðjunni léku
þeir Haukur Ottesen, sem var
fyrirliði liðsins, Árni Sveinsson
og Karl Þórðarson. Getur varla
orðið miklu lengri bið á því að
Karl klæðist landsliðspeysunni,
leikni hans og baráttugleði eru
slík. í framlinunni léku þeir
Kristinn Björnsson, Jóhann
Torfason og Örn Óskarsson. Örn
hefur oft áður verið sprækari en
þeir Jóhann og Kristinn sýndu
báðir að það er engin tilviljun að
þeir eru orðaðir við landsliðið.
Mörk þeirra voru falleg, sérstak-
lega þó mark Kristins. Á vara-
mannabekknum sátu þeir Magnús
Guðmundsson, Hjörtur Zakarias-
son, Ólafur Danivalsson og Rúnar
Júlíusson. Meiningin var að þeir
fengju tækifæri til að leika en
vegna þess hve vel gekk tók liðs-
stjórinn George Kirby ekki þá
áhættu að skipta inná. Hefði
vissulega verið gaman að geta gef-
ið öllum tækifæri. Kirby vann sitt
verk af vandvirkni og fag-
mennsku eins og hans var von og
var þáttur hans í þessum sæta
sigri pressunnar ekki minnstur.
LÁNDSLIÐIÐ
Þrátt fyrir tapið er engin
ástæða til hræðslu við þau verk-
efni sem bíða landsliðsins nú
alveg á næstunni. Liðið lék oft á
tíðum ágæta vel þótt nokkra af
máttarstólpum þess vantaði eins
og t.d. Jóhannes Eðvaldsson,
Ásgeir Sigurvinsson og Martein
Geirsson. Báðir markverðirnir,
Árni Stefánsson og Sigurður
Dagsson, komu vel út úr leiknum
og sama er að segja um þá Jón
Gunnlaugsson og Gísla Torfason í
öftustu vörninni. Af miðju-
mönnunum var Guðgeir Leifsson
lang atkvæðamestur og virðist
hann vera í mjög góðu formi um
þessar mundir. Þá var Ásgeir
Elíasson nokkuð sprækur. 1 fram-
linunni bar mest á Atla Þór
Héðinssyni eftir að hann kom
inná.
1 landsliðinu léku þessir leik-
menn: Árni Stefánsson Fram,
Sigurður Dagsson, Val, Björn
Lárusson, IA, Ástráður Gunnars-
son, IBK, Jón Gunnlaugsson, lA,
Gísli Torfason, ÍBK, Karl
Hermannsson, ÍBK, Grétar
Magnússon, ÍBK, Guðgeir Leifs-
son, Fram, Matthías Hallgríms-
son, ÍA, Teitur Þórðarson, lA,
Atli Þór Héðinsson, KR, Ólafur
Júlíusson, IBK, og Ottó
Guðmundsson, KR.
I liði pressunnar léku: Þor-
steinn Ólafsson, ÍBK, Eirikur
Þorsteinsson, Víkingi, Guðjón
Hilmarsson, KR, Einar Gunnars-
son, IBK, Pálmi Sveinbjörnsson,
FH, Karl Þórðarson, lA, Haukur
Ottesen, KR Árni Sveinsson, ÍA,
Kristinn Björnsson, Val, Jóhann
Torfason, KR og Örn Óskarsson,
IBV.
Dómari var Kristbjörn Alberts-
son, ungur dómari af Suðurnesj-
um. Dæmdi hann mjög vel og
naut við dömgæzluna aðstoðar
tveggja ágætra línuvarða. Er ekki
úr vegi að fela Kristbirni fleiri
meiriháttar verkefni t.d. dóm-
gæzlu í 1. deild.
Loftbardagi I pressuleiknum. Björn Lí
Hilmarsson hefur einnig verið til taks. J
öllu búinn, en álengdar stendur Ástráður