Morgunblaðið - 22.06.1975, Síða 7

MORGUNBLAÐIÐ, SUNNUDAGUR 22. JÚNl 1975
7
Sr. BOLLI
GÚSTAFSSON
í Laufási:
Hvað er satt?
Á hverjum degi kveðum
við upp dóma um menn og
málefni. Að vísu eru þeir mis-
jafnlega yfirvegaðir og rétt-
látir, en eigi að síður verða
þeir taldir sterkt einkenni
mannlegra samskipta. Ýmis
utanaðkomandi öfl hafa í
flestum tilvikum áhrif á dóm-
arana, m.a. menntun, þjóð-
félagsafstaða, trú eða trú-
leysi og þá er tízkan oft mjög
sterkur áhrifavaldur. Um
þessa dómtilhneigingu okkar
mannanna höfum við fjöl-
mörg dæmi úr daglegu lífi.
Við þurfum kannske ekki að
leita langt. Ef við flettum
þessu blaði, þá rekumst við
sjálfsagt á dóma af ýmsu
tagi. Það eru bókmennta-
dómar, sem rithöfundar og
skáld segja, að alls ekki sé
mark á takandi; kvikmynda-
dómar; dómar um íþrótta-
menn og þá afmælisgreinar
og eftirmæli. Síðast nefndu
þættirnir eiga þaðsammerkt
að vera bornir fram af velvild
og löngun til að vekja athygli
á því bezta í fari náungans og
breiða yfir hitt, sem miður
fer. Verða þeir þv! ekki alltaf
sem áreiðanlegastar heimild-
ir um manninn, en þeim mun
betri siðgæðisprédikanir og
hvatning til eftirkomendanna
um að leggja rækt við mann-
gildið. Illa lyntur maður er
oft sagður hafa verið glaður
og gamansamur i mjög
þröngum kunningjahópi; let-
inginn talinn hafa lent á
rangri hillu ! lífinu og nirfill
greiðvikinn, þegar aðrir sáu
ekki til. — Og ef við lítum i
eigin barm, þá þurfum við
aðeins að renna augunum
yfir liðinn dag. Sennilega
reynist fæstum okkar erfitt
að rifja upp athugasemdir,
sem við létum falla um
menn, bæði i næsta samfél-
agi , um nágranna og vinnu-
félaga, og jafnframt um fólk i
fjarska, t.d. um forystumenn
stórvelda eða ofbeldismenn í
fjarlægum löndum, sem urðu
tilefni til heimsfrétta. En oft
reynist erfitt að henda reiður
á því, sem sagt er í fréttum,
t.d. þegar í Ijós kemur, að
vinsæll þjóðarleiðtogi, éx
gerður hefur verið að alþjóð-
legum dýrðlingi eftir að hann
féll fyrir hendi morðingja, er
nú allt í einu að nokkrum
tíma liðnum grunaður um
glæpi af arftökum sínum á
veldisstóli; að líklegt sé, að
þessi mæti maður, sem
frelsisvinir um allan heim
hafa tregað um sinn, hafi
raunar verið viðriðinn sam-
særi og hvatamaður þess, að
aðrir þjóðarleiðtogar yrðu
myrtirán miskunnar. Hvað
er satt? spygum við í ráða-
leysi. Hver getur dæmt? —
Um áratuga skeið var gefið
út blað hér á landi, er bar
nafnið Spegillinn, en undir-
titill þess var: samvizka þjóð-
arinnar. Þetta vargaman-
blað, ritað af háðfuglum og
myndskreytt af snjöllum
skoþmyndateiknurum. Oft
vakti rit þetta mikla kátínu,
enda gerði það óspart gaman
að forystumönnum stjórn-
málaflokkanna, ekki sízt að
augljósum mistökum þeirra.
Þá voru og mjög litrikir per-
sónuleikará alþingi, svip-
miklir gáfumenn. Gamanið
var ósjaldan markvisst og
snjallt og kætti lesendurna,
sem sögðu þá gjarna: Ja, sá
átti nú fyrir þessu, hann Ólaf-
ur eða hann Jónas. En víst er,
að oft leyndist nokkuð sár
broddur í háðinu, stundum
sanngjörn áminning, en í
sumun tilvikum óréttlátur,
jafnvel skaðsamlegur fleinn.
Ertni eða háð virðist ekki bíta
á suma menn fremur en am-
boð á sigggróna hendi, en
aðrir eru of viðkvæmir til
þess að þola kerskni, svo að
hún veldur þeim hugarangri,
sem leitt getur af sér langvar-
andi óhamingju. ..Verið misk-
unnsamir, eins og faðir yðar
er miskunnsamur. Og dæmið
ekki, þá munuð þér ekki
heldur vera dæmdir" (Lúk.6,
36 — 37). Þessum varnaðar-
orðum beinir Jesús til okkar.
Á hann við það, að okkur sé
hollast að þegja, að hafa
engar skoðanir á mönnum og
málefnum? Fjarri fer því. Sá,
sem er undir áhrifavaldi Jesú
Krists, er höndlaður af Guði,
getur með engu móti þagað,
ef sannleikanum er misboðið
og lygin leikur lausum hala.
En Jesús Kristur er dómarinn
í kristnum mönnum. Þess
vegna verða kristnir menn,
kristin kirkja, að varðveita
hans orð og boða það. Ef við
látum orð hans hljóma, þá
kemur hið sanna í Ijós. Það
dæmir málefnin; án misk-
unnar, ef þau fjarlægja
mennina Guði. Það kallar á
manninn. Löngum hafa þeir,
sem feta veg kristinnar trúar
orðiðfyrir barðinu á háði og
spotti. ,,Þér eruð ekki margir
vitrir að manna dómi", ritaði
postulinn um kristinn söfnuð
í Korintuborg, og það álit
hefur lifað fram á þennan
dag og kemur engum kristn-
um manni á óvart. Það er
dómur, sem sannarlega
reynist mörgum þungur í
skauti, að vara frýjað vits og
margur veiklundaður maður
hefur þá reynt að fara dult
með triiarskoðun sína, til
þess að forðast það ámæli
eða blandað í hana þeim
visindum, sem gjöra hana að
blekkingum. Nútíminnerí
knýjandi þörf fyrir orð Jesú
Krists. Hann líður vegna van-
þekkingar á því.
„Guðs orð er Ijós, sem lýsir
í lifsins dimmu hér,
og Ijúfur leiðarvísir
það lífs á vegum er.
Það lýsa látum vér,
og sannleiksbraut vérsjáum
og sælumarki náum
með Ijóssins helgum her."
(V.Briem)
ÞU AUGLYSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU

óskar eftir starfsfólki:
SEYÐISFJÖRÐUR
HVERAGERÐI
INNRI NJARÐVÍK
ÓLAFSVÍK
Umboðsmenn óskast til að sjá um dreifingu og
innheimtu. Mbl. uppl. hjá umboðsmönnum og á afgr.
í síma 10100.
RowenfA
Hraðgrill
Steykír
fryst kjöt á
2—3 mínútum.
Heildsölubirgðir:
Halldór Eirlksson & Co
novi/
FYRIR VIÐRAÐANLEGT
Nýja Novis samstæðan er ætluð ungu fólki
ó öllum aldri. Novis er skemmtilega
einföld og hagkvæm lausn fyrir þó, sem
leita að litríkum hillu- og skdpasamstæðum,
sem byggja mó upp í einingum, eftir hendinni.
Novis er nýtt kerfi með nýtízkulegum blæ.
ÚTS'ÖLUSTAÐIR:
Reykjavík: Kristján Siggeirsson hf.
J L Húsið
Híbýlaprýði
Dúna
Akranes: Verzl. Bjarg
Borgarnes: Verzl. Stjarnan
Bolungarvík: Verzl. Virkinn,
Bernódus Halldórsson
Siglufjörður:
Akureyri:
Húsavík:
Selfoss:
Keflavík:
Bólsturgerðin
Augsýn hf.
Hlynur sf.
Kjörhúsgögn
Garðarshólmi hf.
FRAMLEIÐANDI:
KRISTJÁN SIGGEIRSSON HF.
HÚSGAGNAVERKSMIÐJA
SÝNING
í SUNDABORG
Einnig sýnum við margar tegundir
af hjólhýsum og tjaldvögnum
Gísli Jónsson & co. hf.
Sundaborg — Klettagarðar 11 sími 86644.