Morgunblaðið - 28.07.1976, Blaðsíða 21

Morgunblaðið - 28.07.1976, Blaðsíða 21
20 MORGUNBLADIÐ, MIÐVIKUDAGUR 28. JULl 1976 Stórar tölur í bikarnum í gærkvöldi 1 GÆRKVÖLDI fóru fram 6 leikir f bikarkeppni KSÍ og fengust úrslit í þeim öllum án framlengingar. í flestum leikjunum voru skoruð mörg mörk og alls voru skoruð 27 mörk f leikjunum 6. 1 kvöld fara fram tveir sfðustu leikirnir f 16-liða úrslitunum, ÍBl og Fram leika á isafirði og Þróttur, Neskaupstað, og Víðir, Garði, leika á Neskaupstað. Hefjast báðir leikirnir klukkan 19. Hér fara á eftir frásagnir af leikjunum f gærkvöldi: ÍBK-IBV 4:0 KEFLVÍKINGAR, núverandi bikarmeistarar, sigruðu Vest- manneyinga í líflegum leik í Keflavík í gærkvöldi með fjórum mörkum gegn engu. Keflvfkingar skoruðu mörk sín í skyndiupp- hlaupum, þar sem þeir tættu f sundur vörn Eyjamanna. Annars var leikurinn með talsverðum til- þrifum á báða bóga og Eyjamenn áttu ekki síður skemmtileg upp- hlaup, en þau klúðruðust öll. Fyrri hluta fyrri hálfleiks sóttu Eyjamenn heldur meira en á 20. mínútu skoruðu Keflvíkingar sitt fyrsta mark og var þar Olafur Júlíusson að verki eftir gróf mis- tök varnar IBV. Annað markið skoraði Ölafur einnig á 35. fnMtiútu f.h. eftir enn önnur varnarmistök. Nýtingin var ann- ars góð hjá ÍBK í fyrri hálfleik því þeir skuju fjórum sinnum á mark og skoruðu tvö mörk. Þá áttu Keflvíkingar dauðafæri á 40. mínútu þegar Steinar var kominn inn fyrir, en- Ársæll varði skot hans stórglæsilega. I seinni hálf- leik voru tækifæri á báða bóga og strax á fyrstu tveimur mínútun- um áttu Eyjamenn 2 tækifæri en boltinn vildi ekki í mark IBK. Á 10. mínútu átti ÍBV enn tækifæri þegar boltinn fór í gegnum alla Keflavíkurvörnina, en Eyjasókn- in brást. Á 15. s.h. mínútu varði Sveinn Sveinsson á línu í Eyja- markinu með fæti. Síðan gengu tækifærin á báða bóga og bjargað var úr kös við Keflavíkurmarkið, Ölafi Júliussyni brást bogalistin úr hraðaupphlaupi, Sigurlás brenndi framhjá IBK markinu i dauðafæri á 35. mínútu. Á 40. mínútu átti svo Ólafur Júl. mjög glæsilegt skot að marki IBV, en boltinn smaug yfir, og á 41. mfn- útu kom þriðja mark ÍBK, er Karli Sveinssyni urðu á slæm mis- tök og Gísli Torfason skoraði örugglega. Fjórða markið kom á 44. mínútu s.h. eftir enn ein mis- tökin í vörn Eyjamanna, og var þar að verki Rúnar Georgsson. Þettá var fullstór sigur, en sig- ur IBK var sanngjarn. Vörnin var betri hlutinn með Guðna, Lúðvík og Ástráð bezta. Þá var Olafur Júlíusson góður svo og Þorsteinn Ölafsson, en hjá IBV Ölafur Sigurvinsson og Ársæll í mark- inu, enda þótt síðasta markið verði að skrifast á hann. Þórður Hallgrímsson hjá IBV og Einar Á. Ólafsson hjá IBK voru bókaðir. AJ/SS. KA-KR 2:6 ÞAD VAR ærið einkennileg viðureign hjá KA og KR í bikar- keppni KSl á Akureyri í gær- kvöldi. Allan fyrri hálfleikinn var KA-liðið í nær stanzlausri sókn, en í seinni hálfleik snérist dæmið algjörlega við og það voru KR-ingarnir sem sóttu þá án af- láts. Og þeir höfðu frekar heppn- ina með sér og kunnu meira fyrir sér og því varð sigurinn þeirra, svo um munaði eða 6—2. KA-liðið byrjaði þennan leik mjög vel og var í stanzlausri sókn til að byrja með. Það var því í hrópandi ósamræmi við það sem var að gerast á vellinum er KR- ingar skoruðu fyrsta mark leiks- ins á 30. mínútu. Var það í fyrsta sinn í leiknum sem þeir komust nærri KA markinu svo orð væri á gerandi. Sverrir Herbertsson skoraði þetta mark KR og þrátt fyrir að það lægi stöðugt í loftinu að Akureyrarliðið jafnaði tókst það ekki fyrr en á 44. mínútu, er Jóhann Jakobsson skoraði laglegt mark. Stóð þannig 1 — 1 í hálfleik, en ekki hefði verið ósanngjarnt að KA liðið hefði haft góða for- ystu. Var það einkum góð frammi- staða Magnúsar Guðmundssonar í KR-markinu sem kom í veg fyrir að KA skoraði ekki nema þetta eina mark. I seinni hálfleik snérist leikur- inn algjörlega KR í vil. Reykja- víkurliðið náði þá góðum tökum á miðjunni og gekk oft greiðlega að opna KA vörnina. Fljótlega kom að því að Ölafur Ölafsson náði forystu fyrir KR með skallamarki, síðan skoraði Haukur Ottesen 3—1, Halldór Björnsson 4—1 og þegar staðan breyttist í 5—1 hjálpuðu Akureyringar rækilega upp á sakirnar með því að senda knöttinn sjálfir í eigið mark. Hálfdan Öflygsson skoraði svo 6—1, en síðasta orðið í leiknum átti Gunnar Blöndal sem skoraði fyrir heimamenn, þannig að loka- staðan í leiknum varð 6—2 sigur KR-inga. Sigb/stjl. IA-Víkingur 3:0 AKURNESINGAR sigruðu Víking 3:0 t bikarkeppninni í gærkvöldi og samkvæmt formúlunni, sem sjaldan hefur brugðizt, ættu Skagamenn að verða sigurvegarar f keppninni. Það hefur nefnilega oftast verið svo, að liðið, sem slegið hefur út Vfking, hefur orðið bikarmeistari. Leikurinn var fjörugur, sérstaklega. þó fyrri hálfleikurinn. Akurnesingar skoruðu sitt fyrsta mark strax á 3. mínútu og var Teitur Þórðarson þar að verki með góðu langskoti, sem Diðrik markvörður Vfkings réð ekki við. Aðeins minútu síðar komust Akurnesingar í 2:0 þegar Árni Sveinsson skoraði af stuttu færi eftir fyrirgjöf frá Karli Þórðarsyni, en Karl var búinn að sundurspila vörn Vikings vinstra megin. Ekki urðu fleiri mörk í hálfleiknum en marktækifæri voru mörg. T.d. brást Pétri Péturssyni bogalistin af stuttu Páll með IA AKURNESINGAR gengu í gær frá ráðningu handknatt- leiksþjálfara fyrir næsta vet- ur. Er hinn nýi þjálfari Páll Björgvinsson, margfaldur landsliðsmaður úr Víkingi. Hann mun flytja upp á Akranes f haust og bæði þjálfa og leika með 3. deildarliði Skagamanna. Nýtt íþróttahús er risið á Akranesi og hyggjast Skagamenn drífa upp hand- knattleikinn, sem hefur verið mikið f skugganum af knatt- spyrnunni, fyrst og fremst vegna aðstöðuleysis. færi á 13. minútu, Davið varði vel skot frá Óskari Tómassyni á 16. mfnútu og svo mætti áfram telja. Seínni hálfleikur var daufari, en þó var f jör fyrstu mínúturnar. Á 4. mínútu seinni hálfleiks komst Pétur einn inn fyrir, Diðrik varði, en nokkrum sekúndum síðar var Pétur aftur á ferðinni, brauzt sjálfur í gegn og skoraði þriðja mark ÍA. Skagamenn sóttu meira í hálfleiknum ef undan eru skildar síðustu mínútur leiksins, en þá sóttu Víkingar af hörku. Fóru mörg ágæt tækifæri í súginn á báða bóga. Þetta var sanngjarn sigur Skagamanna. Beztu menn voru Teitur Þórðarson og Jón Gunnlaugsson og Óskar Tómason og Róbert Agnarsson hjá Vikingi. Jón Alfreðsson lék að nýju með ÍA og styrkti liðið mjög. Hann tók stöðu Péturs Péturssonar, en Pétur fór í framlinuna. St.H./SS. Þrótuir-FH 0:2 FH sigraði Þrótt, Reykjavfk, á Laugardalsvellinum f gærkvöldi 2:0, en í hálfleik var staðan 1:0. Leikurinn var liður f bikarkeppninni. Þróttarar sóttu mun meira fyrstu 30 minútur leiksins og sköpuðu sér góð tækifæri, áttu m.a. skot í þverslá. En siðan snéru FH-ingar vörn í sókn og Ölafur Danivalsson skoraði mark á 30. mínútu. Eftir þetta snerist leikurinn FH i vil og hélzt svo út allan leikinn og á 35. mínútu síðari hálfleiks bætti Helgi Ragnarsson við öðru marki fyrir FH. Attu FH-ingar nokkur góð tækifæri i hálfleiknum, en þau nýttust ekki. Stafaði Þróttarvörninni mest hætta af Olafi Danivalssyni. Leikurinn var slakur af hálfu beggja liða og vafalaust fátt sem áhorfendur minnast frá þessum leik nema helzt þá góða veðrið í Laugardalnum. H.dan/SS. Haukar-Valur 1:4 INGI Björn Albertsson skoraði öll mörk Vals, er Valur vann Hauka í bikarleiknum í Kapla- krika f gærkveldi með 4:1. Leikurinn var — sérstaklega þó fyrri hálfleikur — dæmigerður malarleikur með hálofta- og lang- spyrnum þar sem knötturinn skoppaði eftir hörðum vellinum. Haukar byrjuðu leikinn af miklum krafti og héldu barátt- unni allt til leiksloka. Strax á 4. mínútu bjargaði Vilhjálmux Kjartansson t.d. á línu. Annars þurftu leikmenn Hauka í fjöl- mörg skipti ekki að hafa fyrir því að stöðva sóknir Valsmanna, þar sem þeir gættu illa rangstöðunnar og skiptu rangstöðudómar á þá tugum. Eins og fyrr segir skoraði Ingi Björn öll mörk Vals. Fyrsta mark- ið kom á 21. mínútu. Hermann Gunnarsson gaf inn á Inga Björn, sem skoraði af stuttu færi. Á 42. mfnútu komst Guðmundur Þor- björnsson inn fyrir, en renndi síð- an boltanum til Inga Björns, sem var frír. Skaut hann fyrst í stöng, en fékk boltann aftur og skoraði. Þannig var staðan í hálfleik. Á 7. mfnútu sfðari hálfleiks var dæmd vítaspyrna á Val og skoraði Loftur Eyjólfsson úr henn i af öryggi. A 30. mínútu hálfleiksins gaf Hermann góða sendingu á Inga Björn, sem skoraði þriðja mark sitt. Fjórða og síðasta markið kom svo minútu síðar, er Guðmundur lék upp kantinn og gaf fyrir til Inga Björns, sem skallaði óverj- andi í mark. Tveimur ungum leikmönnum var skipt inn á hjá Val, er 10 mín. voru til leiksloka, Kristjáni Ás- geirssyni og Magna Péturssyni. Tveimur leikmönnum var sýnt gula spjaldið, Dýra Guðmunds- syni, Val, og Sigurði Aðalsteins- syni, Haukum. —þ.g. Völsungur-UBK 2:3 BREIÐABLIK úr Kópavogi sigraði Völsunga á Húsavík með 3 mörkum gegn 2 í bikarkeppni KSÍ f knattspyrnu f gærkvöldi. Fór leikurinn fram á Húsavfk að viðstöddum fjölmörgum áhorfendum, og fengu þeir góða skemmtun af leiknum, þar sem hann ' var allan tfmann mjög f jörugur og bauð upp á spennandi augnablik við mörk bæði liðanna. Eftir atvikum verður annað tæpast sagt en að Blikarnir hafi verið heppnir að hafa sigur f leiknum, þar sem Völsungarnir voru öllu stekari aðilinn, ef eitthvað var. Hermann Jónasson gerði fyrsta mark leiksins snemma i fyrri hálfleik, en skömmu fyrir leikhlé tókst Bjarna Bjarnasyni að jafna fyrir heimamenn. I seinni hálfleik náðu Völsungar fljótlega forystunni aftur með marki Helga Helgasonar, en sú dýrð stóð ekki lengi þar sem Ólafur Friðriksson svaraði strax með jöfnunarmarki fyrir Breiðablik. Undir lok leiksins tókst svo Gisla Sigurðsyni að skora sigurmark Blikanna, 3—2. Sigb./stjl. MARGIR FRÆGIR KAPPAR ERUILIÐISOUTHAMPTON LIÐ ensku bikarmeistaranna Southampton kemur til landsins í dag. Liðið ieikur hér tvo leiki sem kunnugt er, báða gegn úrvalslið- um KSÍ og eru leikirnir liður í undirbúningi landsliðsins. fyrir leikina gegn Belgfumönnum og Hollendingum f undankeppni heimsmeistarakeppninnar, en þeir leikir fara fram á Laugar- dalsvellinum í haust. Fyrri leikur Southampton verður á Laugar- dalsvellinum klukkan 20 annað kviild og seinni leikurinn á Akur- eyri á föstudagskvöldið klukkan 19,30. Hafa 32 fslenzkir knatt- spyrnumenn verið valdir til að leika f.h. KSl f báðum leikjunum. Hér fara á eftir upplýsingar um Southampton og leikmenn þess: Southampton var stofnað árið 1885, en það var ekki fyrr en árið 1920, að félagið tók sæti í ensku deildakeppninni, en þá var 3. deild stofnuð. Tveimur árum síð- ar vann félagið sig upp í 2. deild og átti sæti i henni til ársins 1953, en þá féll það aftur niður í 3. deild. Sjö árum síðar endurheimti Southampton sæti sitt í 2. deild og komst síðan upp í 1. deild árið 1966, en árið 1974 féll Southamp- toh aftur niður í 2. deild ásamt Norwich City og Manchester Utd. Síðastliðið keppnisímabil var hið glæsilegasta i sögu Southampton til þessa, en þá bar félagið sigur úr býtum í ensku bikarkeppninni og sigraði Manchester Utd. verð- skuldað með einu marki gegn engu í úrslitaleik keppninnar á Wembley-leikvanginum í Lund- únum laugardaginn 1. maí. Southampton varð þó að sætta sig við 5. sætið i 2. deild, en vel- gengni félagsins í bikarkeppninni hafði mikil áhrif í þá átt, að Southampton varð undir í barátt- unni um þrjú efstu sætin í deild- inni, þvi að flestum félögum í ensku knattspyrnunni hefur reynst erfitt að berjast á tveimur vígstöðvum í senn. En eins og áður sagði vann Southampton bik- arinn, en hann þykir eftirsóttasti verðlaunagripur í ensku knatt- spyrnunni. Maðurinn á bak við velgengni Southampton er framkvæmda- stjóri félagsins, Lawrie Mc- Menemy. Hann lék um skeið með Newcastle Utd., en lagði snemma knattspyrnuskóna á hilluna og sneri sér að þjálfun og fram- kvæmdastjórn. McMenemy þjálf- aði og stjórnaði ýmsum félögum svo sem Gateshead, Bishop Auck- land, Sheffield Wednesday, Don- caster Rovers og Grimsby Town, áður en hann var ráðinn aðal- þjálfari hjá Southampton í júní 1973. Tæpu hálfu ári siðar tók hann svo við framkvæmdastjórn- inni og hefur haldið styrkri hendi um stjórnvölinn siðan. Leikmenn Southampton: lan Turner, markvörður, var keyptur frá (irimsby Tovvn fyrir rúmum tveimur árum og hefur verið aðalmarkvörður félagsins siðan í nóvember i fyrra. Peter Rodrigues, bakvdrður, er fyrirliði félagsins. Rodrigues er 32 ára gamall og mjög reyndur leikmaður. Hann hóf feril sinn hjá Cardiff, lék siðan lengi meo LeicesterCity og loks Sheffieid Wednesday, sem taldi hann útbrunninn I fyrra, þegar félagið féll I 8. deild. Lawrie McMenemy var þá fljótur tíl og fékk Rodrigues I sínar raðir og þessi gamal- reyndi leikmaður hefur siðan leikið eins og hann gerði best áður. Peter Rodrigues hefur leikið 40 landsleiki fyrir Wales og hann lék með Leicester City gegn Manchester City I úrslitaleik bikarkeppninnar árið 1969, en beið þá lægri hlut. David Peach, bakvörur, var keyptur frá Gillingham árið 1974 fyrir 50 000 sterlings- pund. Hann er fjölhæfur leikmaður sem get- ur leikið jafn vel I sókn sem vörn og skorar oft mork, einkum með vinstri fæti. - Mel Blyth, miðvorður, var keyptur frá Crystal Palace I september 1974 fyrir 60 000 sterlingspund. Hann hefur siðan verið ein styrkasta stoðin I vörn Southampton, Jim Steele, miövorður, var keyptur frá Dundee fyrir 70.000 sterlingspund árið 1972 og var lengi bakvorður. A s.l. keppnistimabili tók hann við stöðu miðvarðar við hlið Mel Blyth og hefur staðið sig með prýði í þeirri stöðu. Nick Holmes, tengiliður, er alinn upp hjá Southampton og þykir einn efnilegasti leik- maður félagsins. Hann er 21 árs og hefur verið valinn í enska landsliðshópinn undir 23 ára. Holmes er sókndjarfur og markheppinn. Hugh Fisher, tengiliður. kom til Southam|> ton frá Blackpool árið 1967 fyrir 30.000 pund Hugh Fisher er harður í horn að taka og gefst aldrei upp, þótt á móti blási. Hann hefur leikið um 350 leiki fyrir Southampton. Jim McCalliog, tengiliður, eroftast pottur- inn og pannan I sóknarlotum Southampton. Hann er 29.ára gamall og lék áður með Chelsea. Sheffield Wednesday. ÍJIfunum og Manchester Utd,, en Southampton keypti hann fyrir 40.000 pund i febrúar í fyrra. McCalliog ræðiir yfir mjög góðri knatttækni og sendingar hans á framherjana eru rómað- ar. Hann hefur fimm sinnum leikið i skoska landsliðinu og lék með Sheffield Wednesday -gegn Everton i úrslitaleik bikarkeppntnnar árið 1966, og skoraði þá mark. Paul Gllchrist, tengiliður eða framherji. var keyptur frá Doncaster árið 1972 fyrir 30.000 pund, en lék áður með Charlton og Fulham. Hann er 25 ára gamall og er bæði skotfastur og markheppinn. Peler Osgood, framherji, gerði garðinn frægan hjá Chelsea i mörg ár, en Southampton keypti hann fyrir 275.000 pund árið 1974, þegar Osgood var orðinn leiður vistinni hjá Cheisea. Peter Osgood er búinn flestum þeim hæfileikum, sem einkenna góð- an knattspyrnumann. Hann er tekniskur, skotfastur og er mjög góður skallamaður. Osgood var I liði Chelsea, sem sigraði i bikar- keppninni árið 1970, og skoraði þá I hverri umferö. Hann er nú 29 ára gamall og hefur leikið fjóra landsleiki með enska landsliðinu. Mick Channon, framherji, er kunnasti leik- maður Southampton og hefur átt fast sæti i enska landsliðinu I mörg ár. Hann er nú talinn einn af fáum knattspyrnumonnum I ensku knattspyrnunni, sem talist geta á heimsmælikvarða. Channon hefur leikið 38 landsleiki með enska landsliðinu og hefur skorað morg mörk I þeim. Hann hefur í mörg ár verið markahæstur leikmanna Southamp- ton og hefur skorað um 150 mörk i deilda- keppninni. Hann er 27 ára gamall og hefur aldrei leikið með tiðru félagi en Southamp- ton. Mike Channon, frægasti leikmaður Southampton. Bobby Stokes, framherji, skoraði sigur- mark Southampton i úrslitaleik bikarkeppn- innar, en hefur einnig oft skorað mjög þýð- ingarmikil mork fyrir félagið. Hann lék fyrst með Southampton árið 1969 og skoraði tvi- vegis I fyrsta leik slnum. Bobby Stokes var i enska unglingalandsliðinu á sfnum tíma og hefur nú leikið um 250 leiki með Southamp- ton. Paul Bennett, varnarmaður, hóf að leika með Southampton fyrir fjórum árum og hef- ur leikið um 150 leiki fyrir aðallið félagsins, en hann hefur nú um skeið oft orðið að sætta sig við varamannabekkina. Paul Bennett veitir öllur varnarmönnum Southampton mikið aðhald og þeir mega þvi hvergi gefa eftir, þvi að oðrum kosti tekur Bennett stöðu þeirra. Pat F.arles, framherji eða tengiliður, er ungur og efnilegur leikmaður sem hefur verið i aðalliði Southampton um skeið, en hann hefur ekki enn náð föstu sæti og situr þvi oftast á varamannabekkjunum.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.