Morgunblaðið - 29.08.1976, Side 46

46
MORGUNBLAÐIÐ, SUNNUDAGUR 29. ÁGUST 1976
0 Eins og frá hefur verið sagt varð mikið manntjón og gífurlegar skemmdir á
Filipsevjum á dögunum, þegar jarðskjálftar skóku suðurhluta eyjanna dag eftir
dag. Er búizt við, að um þrjú þúsund manns hafi látið lífið og eignatjón er mikið.
:
Bridge
Frá Ásunum
URSLIT sföasta kvölds uröu
þessi:
A-riðiIl.
1. Jón Páll Sigurjónsson —
Rafn Kristjánsson 191 stig.
2. Ingibjörg Halldórsdóttir —
Sigríður Pálsdóttir 187 stíg.
3. Guðmundur Pálsson — Sig-
mundur Stefánsson 185 stig.
4. Bjarni Pétursson — Vigfús
Pálsson 182 stig.
B-riðill:
1. Guðmundur Arnarsson —
Jón Baldursson 123 stig.
2. Sigurjón Tryggvason —
Baldur Kristj ’nsson 123 stig.
3. Ester Jakobsdóttir —
Guðmundur Pétursson 120
stig.
4. Kristín Lýðsdóttir — Þor-
geir Eyjólfsson 114 stig.
Meðalskor í A-riðli var 165
stfg, en i B-riðli 108 stig. Þátt-
taka var geysigóð, eða 22 pör.
Eins og sjá má var keppni
mjög hörð síðastliðinn mánu-
dag. Áhugi fólks á sumar-
brigde virðist vera farinn að
vakna fyrir alvöru, og nú er
það spurningin, hvort ekki sé
tímabært fyrir stjórn BSÍ að
taka upp reglulegar sumar-
keppnir á eigin vegum?
Það gefur auga leið, að fyrir
félítið sérsamband gæti þetta
orðið veruleg lyftistöng, væri
rétt á málum haldið. Næst
verður spilað á mánudaginn
kemur, og er öllum heimil
þátttaka á meðan húsrúm leyf-
ir.
Keppni hefst kl. 20.00. Þátt-
tökugjald er samtals kr. 375.00
pr. mann (275. kr. keppnis-
gjald og 100 kr. húsaleigu-
gjald).
— Meginlands-
ástand
I'ramhald af bls. 48
lækjum i nágrenninu, en ekki
fyrir löngu var reistur um 1200
tonna geymslutankur fyrir vatnið
í bænum, og ef hans nyti ekki við
mætti gera ráð fyrir að bærinn
væri algjörlega vatnslaus.
Hvergi sést nú fönn í fjallshlíð-
um, sem er afar sjaldgæft og læk-
ir í hlíðum eru þornaðir upp. Þar
sem áður voru mýrar í grennd við
bæinn er nú aðeins þurr mosi, og
sjá má merki þess að tún og garð-
ar eru tekin að skrælna.
— Krafla
Framhald af hls. 48
til goshættu, sem sögð væri vera á
svæðinu, heldur hlyti þaó fremur
að vera hlutverk tryggingaraðila
ef þeir vildu firra sig bóta-
greiðslum.
Jón kvaðst ekki vilja tjá sig um
grejnargerð jarðvísindamann-
anna fjögurra um ástand á
Kröflusvæðinu, þar sem hann
hefði síðustu daga verið á ferða-
lagi og ekki fengið nákvæmar
fréttir af greinargerðinni.
AUGLÝSINGATEIKIMISTOFA
MYNDAMÓTA
Aðalstræti 6 sími 25810
t
Lovísa Krist|ánsdóttír er látin Útförin fer fram frá Fossvogskapellu
fimmtudaginn 2 september kl 1 3 30 Fyrir hönd systkina og annarra
vandamanna
Jónatan Hallgrtmsson.
EFÞAÐERFRÉTT-
NÆMT ÞÁ ER ÞAÐI
MORGUNBLAÐINU
— Morðið
Framhald af bls. 48
sóknarlögreglumenn vildu
þó ekki fullyrða á þessu
stigi í gær, að hann væri
viðriðinn málið.
Verið var að kanna til
hlítar ferðir hans í gær, svo
og fleiri manna, sem lög-
reglan hefur rætt við í
tengslum við þetta mál, og
að sögn rannsóknarlögregl-
unnar hefur farið fram
mjög víðtæk upplýsingaöfl-
un í sambandi við þetta
mál.
Lögreglan hefur í fórum
sínum köflóttan karl-
mannsjakka og hálfsíðan,
fóðraðan skinnfrakka, sem
lögreglumenn fundu hulda
í runna á Miklatúni í fyrra-
dag. Ef einhverjir telja sig
bera kennsl á þessar flíkur
vill lögreglan biðja þá að
gefa sig fram þar eð ekki er
talið óhugsandi að þær
tengist málinu.
— Leiguflugið
Framhuld af hls. 48
lægra Kyrrahafseyja. Hann
sagði einnig að þessar ferðir
mundu gera Islendingum kleift
að ferðast tiltölulega ódýrt til
Ástralíu og Nýja-Sjálands til
fundar við ættingja og vini í
þessum löndum. (Þess má til
gamans geta að venjulegt áætl-
unarflug frá íslandi til Sydney
í Ástraliu kostar kr. 350 þúsund
fram og til baka). Bartlett
kvaðst einnig telja að með
leiguflugi sínu opnaðist nýr
möguleiki til útflutnings is-
lenzkra fiskafurða og iðnvarn-
ings til Astralíu og Nýja-
Sjálands en þangað mætti koma
þessum afurðum á ódýran hátt
þegar flugferðirnar hæfust. Á
sama hátt mætti flytjá mjög
ódýra ávexti og suðræn aldin
frá Fiji flugleiðis til tslands.
Bartlett sagði að í Ástralíu'og
Nýja-Sjálandi væri mikill
markaður fyrir fisk, t.d. seldu
Kanadamenn þangað reyktan
lax og sagðist hann telja góða
möguleika á að selja þangað
islenzkan lax. Einnig væru góð-
ir möguleikar á flutningi is-
lenzkra afurða til Austur-Asíu í
gegnum Fiji, því hann yrði
einnig í gangi með leiguflug til
Singapore.
„Ég er mjög bjartsýnn á
þessa starfsemi," sagði Bartlett,
„hér eru stórkostlegir mögu-
leikar bæði fyrir okkur og fyrir
íslendinga".
Þess má að lokum geta að
Bartlett kvaðst hafa notið mjög
góðrar fyrirgreiðslu flugmála-
yfirvalda hér á landi einkan-
lega hjá Agnari Kofoed-Hansen
flugmálastjóra.
— Jane Eyre
Framhald af bls. 13
Eyre“ hlaut þegar í stað almenn-
ingshylli. „Agnes Grey“ hvarf í
skuggann.
Árið eftir, 1848, var dapurlegt
ár. Dauði Branwells fékk mjög á
þær, og Emily fékk tæringu og
lézt fáum mánuðum eftir fráfall
bróður hennar. Árið eftir lézt
Anne úr sama sjúkdómi, en hafði
áður tekizt að senda frá sér eitt
verk til viðbótar, „The Tenant of
Wildfell Hall“. Charlotte var þá
orðin ein eftir. Hún sendi frá sér
sögurnar „Shirley" árið 1849 og
„Villette" 1853. Árið 1854 giftist
hún meðhjálparaföður síns,
Arthur Bell Nichols, en lézt árið
eftir f kjölfar þungunar, 31. marz.
Eftir hennar dag var gefin út
fyrsta skáldsagan, sem hún skrif-
aði, „The Professor“. Þá eru til
slitur úr skáldsögu sem hún hafði
byrjað á en ekki enzt aldur til að
Ijúka, „Emmu“.
Þegar sá skáldskapur, sem
Brontésystur láta eftir sig, er met-
inn, er vitaskuld ljóst að þær eru
gjörólíkar að ýmsu leyti, en hafa
þó sameiginlegt afar magnað og
sérkennilegt hugarflug. Anne
þykir hafa minnst til brunns að
bera af þeim þrem, þótt skáldsög-
urnar tvær séu vel læsilegar. Þær
þykja ófrumlegar og hafa aldrei
notið vinsælda.
Snilligáfa Emily fékk aldrei
viðurkenningu á meðan hún var á
lifi, og þá einu skáldsögu, sem
hún sendi frá sér, skildu menn
ekki eða misskildu lengi vel sem
fyrr segir, — jafnvel systir henn-
ar Charlotte. En nú þykir hún
þeirra systra merkust, og
„Wurthering Heights" er botn-
laus brunnur persónugátna,
ástríðna og dulúðugra sviptinga,
sem eru allt annars eðlis en þær
yfirleitt sléttu og felldu og fín-
legu bókmenntir sem áttu upp á
pallborðið hjá samtlð hennar.
Þessa eiginleika höfðu bækur
Charlotte hins vegar miklu frem-
ur og hún hefur alla tlð verið
fádæma vinsæll höfundur. Hún
skrifaði og byggði skáldverk sín á
persónulegri reynslu (t.d. heima-
vistarskólinn í „Jane Eyre“, óend-
urgoldin ást til Heger og dvölin I
Briissel I „The Professor“ og
„Villette"). Sumum þykir reynd-
ar að hún eigi í erfiðleikum með
að fella þetta ævisögulega efni að
ólikindalegum kringumstæðum
sumra sagnanna, en flestir eru
sammála um að það sem ber t.d.
uppi að mörgu leyti melódrama-
tískt og klunnalegt verk eins og
„Jane Eyre“ sé ástrlðuþrungið
hugarflug höfundarins. Og leiðar-
ljós Charlotte Brönté I skáldskap
jafnt sem lífi var siðferðileg krafa
um heilsteyptan heiðarleika
fóiks.
- Sýning Hafliða
Framhald af bls. 25
urinn stórum betur frá
teikningum sínum en
málverkum. Hinir stóru
fletir, er hann meöhöndl-
ar i málverkum sínum,
verða honum um megn
nema í mynd nr. II „Jap-
anskur garöur“, sem að
mínu mati er langsam-
legast heilsteyptasta og
sterkasta málverkið fyrir
snjalla formskipan og
samræmi lita. — Hin
smágerðu form, er hann
vinnur út frá í teikning-
um sínum, virðast eiga
öllu betur við hann, og
hér er hver teikningin
annarri skemmtilegri.
Hér kemur fram ferskur
og menningarlegur húm-
or, sem aldrei er ýktur né
ódýr, auk fágaðrar línu-
tækni, sem margur at-
vinnuteiknarinn mætti
öfunda Hafliða af. Sam-
runi fyrrnefndra eigin-
leika er fremur fágætur í
íslenzkri myndlist og
væri vel, ef Hafliði legði
aukna rækt við þessa sér-
stöku hlið myndlistar-
gáfu sinnar í framtíðinni,
— sviðið er ótakmarkað.
— Asælni
Framhald af bls. 1
sund og fleiri atriði. Gagnrýnin
er sett fram f löngu máli og er
liður í gagnrýni sem haldið hefur
verið uppi á Sovétrfkin fyrir haf-
réttarpólitfk þeirra og fiotamál.
Hsinhua sagði að yfirmenn
flota Sovétríkjanna væru óvin-
veittir þriðja heiminum og hefði
það meðal annars komið glöggt I
ljós I málflutningi þeirra manna á
hafréttarráðstefnunni.
- Sovétar kvarta
Framhald af bls. 1
Friðþjóf Nansen, Álbert
Schweitzer og Martin Luther
King. Þeir séu líka lýsandi
dæmi um hverjum skuli veita
verðlaun af þessu tagi.
ella
Þegar bókmenntaverðlauna-
hafar séu svo valdir liggi ljóst
fyrir að verðlaunahafarnir séu
valdir út frá borgaralegu,
heimsvaldalegu sjónarmiði.
Minnt er á að hvorki Tékov,
Tolstoi eða Gorki hafi fengið
verðlaunin. Aftur á móti er
ekki minnzt orði á að verðlaun-
in hafi fallið I skaut Solzhenit-
syns og meira að segja er ekki
minnzt á Sholokov heldur.
Friðarverðlaunahafinn Andrei
Sakharov er að sjálfsögðu ekki
nefndur.
Formaður norsku Nöbels-
nefndarinnar, Tim Greve, var
fenginn til að segja skoðun sina
á grein þessari og sagði að hún
væri fráleit og ekki ástæða til
að taka hana alvarlega. Varð-
andi þá staðhæfingu að auður
Nóbels hefði komið frá olíu-
lindum, sem hann hefði rekið I
Rússlandi, sagði Greve, að
bræður Nóbels tveir hefðu
fengizt við olíuvinnslu I Rúss-
landi og hefði Nóbel verið hlut-
hafi j fyrirtækinu, en átt litinn
hlut. Það sem hefði skipt sköp-
um I sjóðsmyndun og vegið
þyngst hefði verið efnahags-
veldi hans I Vestur-Evrópu,
Bandaríkjunum og Suður-
Ameríku.
— Slagbrandur
Framhald af bls. 31 menn I hverri
stöðu. — Þegar ég var í Demant
þá var ég umboðsmaður fyrir hell-
ing af skemmtikröftum og hljóm-
sveitum. Ég fann bara fljótt út, að
ég gat þetta ekki. Maður getur
ekki unnið nema fyrir einn aðila í
einu. Ég vann sterkt fyrir Júdas
og var ekki heill nema gagnvart
þeim.
— Þar sem þú ert maðurinn
sem reynir að útvega hljómsveit-
inni vinnu, freistar þín þá aldrei
að segja henni fyrir verkum um
tónlistina, framkomu eða annað?
Ég hef aldrei talið mig hafa vit
á tónlist. Mér þótti gaman að
spila, geta safnað saman nokkrum
strákum og gert húllumhæ og
komið fólki i gott skap. Ég ætlaði
aldrei að verða stjarna, ég hafði
bara gaman af þessu af þvl að ég
var alinn upp I sveit. Ég kem ekki
nálægt neinu sem nefnist tónlist
hjá Celcius. En burtséð frá tön-
list, þá eru ákveðnir menn karakt-
erar á sviði, til dæmis Gulli Mel-
sted, Magnús Kjartansson, jafn-
vel Steini spil. Og þegar margir
menn með svona karakter koma
saman, þá gefur það vissan styrk,
þó þetta sé algerlega óviðkomandi
tónlistinni. Ég gerði mikið af því I
Haukum að reyna að byggja upp
ímynd af slíkum karakter. Ég
gerði jafnvel fána og miða með
mynd af Gulla; Ég held að hver
þessara stráka I Celcius sé það
þroskaður að hann þrói upp þessa
manngerð sjálfur. Birgir Hrafns-
son, Pálmi Gunnarsson, þeir eru
þegar I þessum hópi.