Morgunblaðið - 03.09.1976, Blaðsíða 17

MORGUNBLAÐIÐ, FÖSTUDAGUR 3. SEPTEMBER 1976
17
Björn Jónsson sextugur
Björn Jonsson, forseti
Alþýðusambands íslands,
er sextugur í dag. Hann
fæddist hinn 3. september
1916 á Úlfsstöðum í
Blönduhlíð í Skagafirði,
sonur Jóns Kristjáns Krist-
jánssonar, kennara í Akra-
hreppi, og fyrri konu hans,
Rannveigar Sveinsdóttur.
Björn Jónsson hefur um
áratuga skeið verið meðal
fremstu forystumanna
verkalýðshreyfingarinnar
og atkvæðamikill stjórn-
málamaður. Hann tók við
æðsta trúnaðarstarfi
verkalýðshreyfingarinnar
á árinu 1971 er hann varð
forseti Alþýðusambands ís-
lands og hefur gegnt því
starfi síðan. Á árinu 1973
tók hann við embætti fé-
lags- og samgönguráðherra
í ríkisstjórn Ólafs Jóhann-
essonar og gegndi því til
vors 1974 er hann sagði af
sér ráðherradómi. Björn
Jónsson var kjörinn á Al-
þingi 1956 og átti þar sæti
til vors 1974.
Björn Jónsson lauk stúd-
entsprófi frá Menntaskól-
anum á Akureyri 1936 en
vann almenna verka-
mannavinnu þar frá árinu
1932. Hann var starfsmað-
ur verkalýðsfélaganna á
Akureyri árin 1946—1949
og aftur 1952—1955. Rit-
stjóri Verkamannsins á
Akureyri var hann á árun-
um 1952—1956.
Björn Jónsson var
snemma kjörinn til trúnað-
arstarfa innan verkalýðs-
hreyfingarinnar. Hann átti
sæti í stjórn Verkamanna-
félags Akureyrar frá 1944
og formaður þess varð
hann 1947. Eftir stofnun
verkalýðsfélagsins Eining-
ar á Akureyri var hann for-
maður þess um langt ára-
bil. Hann var kjörinn í
stjórn Alþýðusambands
Norðurlands 1947 og í mið-
stjórn Alþýðusambands Is-
lands 1954. Forseti ASÍ
varð hann sem fyrr segir
1971.
Jafnhliða starfi í forystu-
sveit verkalýðshreyfingar-
inqar hafa umsvif Björns
Jónssonar á vettvangi
stjórnmálanna verið mikil.
Hann var kjörinn í bæjar-
stjórn Akureyrar fyrir
Sósíalistaflokkinn árið
1954 og átti þar sæti til
1962. í miðstjórn Sósíal-
istaflokksins var hann
kjörinn 1957. Árið 1956 var
Alþýðubandalagið stofnað
með samstarfi Sósíalista-
flokks og Málfundafélags
jafnaðarmanna og var
Björn Jónsson kjörinn á
Alþing sem landskjörinn
þingn.aður fyrir Alþýðu-
bandalagi Hað ár. Hann
átti sæti á Aiþingi alla tíð
síðan til ársins 1974. Á ár-
inu 1968 sagði hann sig úr
Alþýðubandalaginu en var
kjörinn á Alþing á ný fyrir
Samtök frjálslyndra og
vinstri manna í þingkosn-
ingunum 1971.
Björn Jónsson gekk í Al-
þýðuflokkinn 1974 og er nú
ritari hans. Auk forystu-
starfa í verkalýðshreyfing-
unni, setu í bæjarstjórn
Akureyrar og þing-
mennsku hefur hann gegnt
fjölmörgum öðrum opin-
berum störfum.
Eiginkona Björns Jóns-
sonar er Þórgunnur Krist-
björg Sveinsdóttir. Morg-
unblaðið árnar Birni Jóns-
syni og fjölskyldu hans
allra heilla á þessum tima-
mótum.
Höfundur Línu langsokks
ræðst að stjórn Palmes
SÆNSKI rithöfundurinn Astrid
Lindgren, höfundur bökanna um
Lfnu langsokk og Peter Biom-
kvist leynilögreglumann, hefur
skrifað opið bréf til sænskra kjös-
enda, þar sem hún hvetur þá til
að styðja ekki jafnaðarmanna-
flokk Olofs Palme f kosningunum
f Svfþjóð 19. september nk. Astr-
id Lindgren hefur fyrr á árinu
einnig opinberlega mótmælt
skattlagningu stjórnarinnar, en
Fleiri Austur-Þjóð-
verjar sækja um leyfi
til að flytjast vestur
AUSTUR-þýzkir rfksiborgarar
reyna f auknum mæii að verða sér
úti um heimild til að flytjast tii
Vestur-Þýzkalands með löglegum
hætti, að þvf er segir f fréttum frá
Bonn. Hefur mjög aukizt að und-
anförnu straumur þess fólks sem
dag hvern leggur leið sfna á skrif-
stofu vestur-þýzku stjórnarinnar f
Austur-Berlfn til að afla sér upp-
lýsinga um hvernig slfkrar heim-
ildar verði aflað. Slfk opinber
upplýsingaleit hefur jafnan þótt
áhættusöm f Austur-Þýskalandi
og yfirvöld vestan megin eru tal-
in hafa áhyggjur af þvf :ð hinn
aukni straumur fólks á skrifstof-
una verði til þess að austur-þýzk
yfirvöld takmarki enn þær heim-
ildir sem fyrir eru um löglegan
flutning fólks frá Austur- til
Vestur-Þýzkalands.
Seinni hluta júlímánaðar komu
um 70 manns daglega i skrifstofu
Vestur-Þjóðverja I Austur-Berlfn,
en það eru helmingi fleiri en í
fyrrasumar, þegar fyrst varð vart
þessarar aukningar.
Að sögn vestur-þýzkra
embættismanna er það fólk úr
öllum starfsstéttum sem sækir
um að fá að flytjast til Vestur-
Þýzkalands, þ.á.m. ýmsir serfræð-
ingar. Tiltölulega fáir eftirlauna-
menn sækja um að flytjast, en
undanfarin ár hafa allmargir slík-
ir flutzt vestur, þar eð austur-
þýzk stjórnvöld hafa ekki talið í
þeim mikinn missi. Sama er að
segja um miklu minni hóp fólks
sem fengið hefur að flytjast úr
landi undanfarin ár vegna sér-
stakra erfiðleika eða veikinda. Á
siðasta ári fluttust 10.275 Austur-
Þjóðverjar vestur yfir landamær-
in með leyfi austur-þýzkra yfir-
valda, flestir í ofannefndum
tveimur hópum. Á hinn bóginn
fóru 6.011 Austur-Þjóðverjar
vestur yfir með öðrum hætti, ann-
aðhvort á flótta eóa i skiptum
fyrir peningagreiðslur einkaaðila
og stjórnarinnar í Vestur-
Þýzkalandi, en slik viðskipti fara
oft fram vegna gjaldeyrisskorts
Austur-Þýzkalands.
Menn eru ekki á eitt sáttir um
hvers vegna svo margir Austur-
Þjóðverjar eru reiðubúnir til að
taka á sig áhættuna sem fylgir þvi
að sækja um leyfi til að flytjast til
Vestur-Þýzkalands. Sumir stjórn-
málafréttaritarar telja að hér sé
um að ræða áhrif fráHelsinki-
samkomulaginu í fyrra, sem gerði
ráð fyrir auknu frelsi einstakl-
inga í löndum Evrópu, en sam-
komulagið var prentað i heild
sinni í kommúnistaríkjunum.
Aðrir telja að í bígerð kunni að
vera að herða frekar á reglum um
leyfi til að flytjast úr landi og að
það kunni að hafa síazt út með
þeim afleiðingum að fleiri reyni
nú að komast úr landi á löglegan
hátt sem fyrst.
hún telur sig greiða 102% tekju-
skatt.
í bréfinu sem birtist á heilli
opnu í blaðiðnu Expressen réðst
Lindgren mjög harkalega á stjórn
jafnaðarmanna, en flokkur þeirra
hefur farið með völd í Svíþjóð í 44
ár. „Við búum nú þegar i þjóðfé-
lagi sem er jafnnærri því að vera
„skrifstofueinræði" og hægt er að
hugsa sér. Samt er þetta ekkert I
samanburði við það sem fyrirhug-
að er,“ segir Lindgren og heldur
áfram: „Ætli annað land fyrir-
finnist I heimi þar sem tannlækn-
ir neyðist til að setja skilti að
hurðina hjá sér, þar sem segir
„Lokað vegna skattanna.“ Lind-
gren segir einnig í bréfinu að
jafnaðarmannaflokkurinn hafi
allt of mikil völd, völd sem séu
svo mikil og samanþjöppuð að
eyðileggjandi sé. „Stjórnin ákveð-
ur allt fyrir okkur, hvar og hvern-
ig við búum, hvað við eigum að
ERLENT
Sænski rithöfundurinn Astrid
Lindgren.
borða, hvernig kenna skuli börn-
um okkar, hvað við eigum að
segja og hugsa, stjórnin ákveður
allt.“ „Það er kominn tími til
breytinga," heldur hún áfram.
„Við verðum að fá nýja stjórn.
Bara stjórnarskipti væru skref
fram á við og til marks um aukið
lýðræði og pólitískt heilbrigði."
Lindgren fjallar einnig um það
i bréfinu hvernig jafnaðarmenn
hafi hreiðrað um sig í stjórnsýsl-
unni í Svfþjóð og segir að „stjórn-
in noti embættisskipunarrétt sinn
sem pólitiskt verkfæri og líti á
réttan pólitískan lit sem einu
nauðsynlegu hæfileikana.“
Lindgren segir að bréf sitt sé
ekki til þess ætlað að vega að
hugsjónum jafnaðarstefnunnar,
heldur einungis þeim öfgum sem
stjórnin beiti sér fyrir i nafni
hennar. Bréfinu lýkur með undir-
skrift Astrid Lindgrens og fyrir
neðan stendur „fyrrverandi sósi-
aldemókrat, nú aðeins demókrat."
)
eigeiiua i ^koi-
landi og Eng-
landi sameinast
Hull, Englandi 2. sept.
Einkaskeyti til Mbl. frá AP
BREZKIR togaraeigendur
hafa nú sameinazt í nýjum
samtökum, sem gæta eiga
hagsmuna úthafsveiðiflotans.
Samtökunum British Fishing
Federation var komið á fót sl.
miðvikudag og eiga þau að
taka við hlutverki tveggja sam-
banda sem fyrir voru, þ.e.
British og Scottish Trawler
Federations. Samtökin ná til
hafnarborganna Aberdeen,
Granton, North Shields, Hull,
Grimsby, Lowestoft, Milford
Haven og Fleetwood. Eigendur
300 togara eiga aðild að sam-
tökunum, en fyrir tveim árum
hefði orðið um að ræða 500
togara en mjög mikil fækkun
hefur orðið í togaraflotanum á
þessum tíma. Þessi nýju sam-
tök verða engu að síður
stærstu samtök sinnar tegund-
ar innan Efnahagsbandalags-
ins. Aðalskrifstofa sam-
takanna verður í Hull, þar sem
áður var aðsetur British
Trawler Federation og fram-
kvæmdastjóri verður Austen
Laing, sem verið hefur fram-
kvæmdastjóri síðarnefndu
samtakanna.
ii ii
III-
30,32,40,
G5,80, wött
flúrpípur í nrörgum stœrðuin
og litum.
I I I l
PHILIPS
PHILIPS
heimilistæki sf
Sætún 8 sími 24000