Morgunblaðið - 03.09.1976, Blaðsíða 27
MORGUNBLAÐIÐ, FÖSTUDAGUR 3. SEPTEMBER 1976
27
inn. Slíkar manneskjur, sem
hugsa fyrst um aðra, síðan sjálfa
sig, eins og Guðrún ávallt gerði,
eru orðnar alltof fáar í okkar nú-
tíma þjóðfélagi. Þannig var Guð-
rún, og þannig ól hún sln börn
upp, enda bera þau öll þess merki
að hafa notið handleiðslu góðrar
móður.
Ég bið guð að styrkja vinkonu
mina Gúnný, en hún verður fjar-
stödd jarðarför móður sinnar. Ég
veit að ástríki mikið var milli
þeirra mæðgna. Gúnný var búin
að dveljast, hér s.l. mánuð og sat
þá öllum stundum við sjúkrabeð
móður sinnar. Guðrún andaðist
aðeins sólarhring eftir að hafa
kvatt dóttur sína og barnabörn.
Ég veit að Gúnný mat móður
sína mikils og átti henni mikið að
þakka. Hún veit líka að sá, sem
mikið á, missir tika mikið.
Slík kona, sem Guðrún var, er
minnisstæður persónuleiki. Hún
gaf æsku minni og lífinu meira
gildi.
Guð blessi minningu hennar.
Dúna.
Guðrún Guðmundsdóttir fædd-
ist í Reykjavík 7. nóv. 1899, dóttir
hjónanna Sigurveigar Einarsdótt-
ur og Guðmundar Guðmundsson-
ar í Skáholti við Bræðraborgar-
stíg. Hún lézt 29. ágúst síðastlið-
inn eftir stutta en erfiða sjúk-
dómslegu. Hún var fjórða barn
foreldra sinna, en alls urðu þau
systkini átta og eru nú aðeins tvö
á lífi, sem kveðja kæra systur
sína.
5. janúar 1924 gekk Guðrún að
eiga eftirlifandi eiginmann sinn
Ragnar Guðlaugsson og var þá
stigið spor, sem átti eftir að end-
ast í rúmlega 52 ár og bar aldrei
skugga á sambúð þeirra, því þar
ríkti kærleikur og gagnkvæm
virðing. Börn eignuðust þau 4,
þrjár dætur og einn son. öll hafa
þau stofnað sín eigin heimili og
eru búsett hér í Reykjavík, nema
yngsta dóttirin, hún býr í Banda-
ríkjunum. Barnabörnin eru orðin
15.
Mér er bæði ljúft og skylt að
minnast minnar kæru móðursyst-
ur, sem allt frá þvi að ég barn að
aldri missti móður mína, átti svo
stóran þátt i uppeldi mínu á
æskuheimili hennar. Og siðar
dvaldi ég mörg ár á heimili henn-
ar og Ragnars, ásamt ömmu minni
og fæ ég það seint fullþakkað. Þá
höfðu þau hjón og tekið í fóstur
systurson Guðrúnar vegna veik-
inda foreldra hans. Eins og sjá má
af þessu voru þau ávallt reiðubú-
in og samtaka að veita alla þá
aðstoð, sem þau gátu i té látið
þegar eitthvað bjátaði á og þótti
sem sjálfsagt væri. Hefði mörgum
þótt nóg að vera með sín eigin 4
börn og bóndinn langtímum sam-
an við störf sín á sjónum, þótt
ekki bættist þrennt við heimilið.
En allt blessaðist þetta, sem og
allt sem gert er með góðum og
fórnfúsum hug.
Ég veit að fleiri áttu Guðrúnu
að vin en við skyldfólkið hennar
og öll þökkum við henni sam-
fylgdina og biðjum henni farar-
heilla.
Vil ég ljúka þessum orðum mín-
um með hinu táknræna kvöld-
versi sálmaskáldsins.
„Hver dagur, vika, ár og öld
sér á að lokum síðsta kvöld.
Að settri tölu á sömu lund
vor svo mun koma dauðastund.
Oss unn þá, Jesús, — ég þess bið
með öruggt geð að skiljumst við.“ J.M.
Anna Vilhjálmsdóttir.
Afmælis- og
minnmgar-
greinar
ATHYGLl skal vakin á þvi, að
afmælis- og minningargreinar
verða að berast blaðinu með
góðum fyrirvara. Þannig verð-
ur grein, sem birtast á í mið-
vikudagsblaði, að berast í síð-
asta lagi fyrir hádegi á mðnu-
dag og hliðstætt með greinar
aðra daga. Greinar mega ekkí
vera í sendibréfsformi eða
bundnu máli. Þær þurfa að
vera vélritaðar og með góðu
linubili.
Ólafur Vigfússon:
Útför í vændum
SVO hljóðar fyrirsögn Odds A.
Sigurjónssonar í pistlinum „I
hreinskilni sagt“ og beinir hann
þar spjótum sínum að núverandi
rikisstjórn. Ég hefði vel getað
trúað því, Oddur, að þér dytti
útför í hug, þegar þú skrifaðir í
blað Alþýðuflokksins og hefðir í
huga vinstri stjórn, og þér fundizt
komið að útfarardegi. Þvi vinstri
stjórn situr aldrei nema tvö ár
tæp. En nú er því ekki á þann veg
farið. Og ég vil benda þér, Oddur,
á þá staðreynd, að það er ekkert
dauðamerki á þessari ríkisstjórn.
Aftur á móti munaði litlu, að
Alþýðuflokks útför yrði við
síðustu kosningar og þar af
leiðandi er þér útför svo rík í
huga.
Svo talar þú um aðgerðarleysi
núverandi ríkisstjórnar. Einn er
sá málsháttur, sem þér, Oddi A.
Sigurjónssyni, væri hollt að hafa í
huga: Þeir sem búa í glerhúsi
skulu ekki steini kasta. Um að-
gerðarleysi núverandi ríkis-
stjórnar skal eftirfarandi tekið
fram: Hún hefur fært út land-
helgina í 200 milur og tryggt þær
þangað til að hafréttarráðstefn-
unni lýkur. Haldið hefur verið
uppi fullri vinnu. Orkumálum
hefur verið sinnt, jarðvarma sem
og raforku. Og svo segir þú, Odd-
ur, að landið hafi verið stjórn-
laust. Ég fullyrði, að hvorki þú né
Alþýðublaðið hafið efni á slikum
ummælum. Og þetta segir þú Odd-
ur, að sé versta ríkisstjórn i öld.
Hver heldur þú, að taki mark á
slíku röfli. Engir nema pólitískir
loddarar láta sér þannig orð um
munn fara. Svo að endingu vil ég
segja þér, Oddur A. Sigurjónsson,
þú þarft ekki að búast við útför
þessarar ríkisstjórnar í bráð. En
þú skalt búa þig undir útför
Alþýðuflokksins.
19. ágúst 1976
Ólafur Vigfússon,
Hávallagötu 17,
Rvík.
Karate
Shotokan
Karate á íslandi
Byrjendanamskeið í shotokan
karate eru að hefjast. Innritun fer
fram í húsi Karatefélags íslands
að Brautarholti 18 frá kl. 20.00
mánudaga, miðvikudaga og
föstudaga. Karate er iþrótt fram-
tíðarinnar. Karate er iþrótt fyrir
alla Karatefélag íslands.
GARÐAB
veróur oprnö
3. sept. 1976
ÖLLINNLEND BANKAVIÐSKIPTI
AFGREIÐSLUTÍMI KL.13-18.30
—■ f
ffillNAÐARBANKI
ÍSLANDS
ÚTIBÚ GARÐABÆ SÍMI53944